Matthew 24:45 - Yak'usda Ooghuni

⁴⁵ “Kꞌus mbe ꞌulhna-un tsꞌihꞌun ꞌuntꞌoh ꞌinkꞌez whunih-un ꞌuntꞌoh? Oomoodih dichꞌoh de ꞌulhna-un, ꞌonghohne de ꞌulhnane duyoh humoodih yutilhtselh. ꞋAwet ꞌet neooninzut de, ꞌonghohne hitiꞌulh-i bugha itaꞌalh.

Matthew 24:45 Iomraidhean Croise

Matthew 10:16

“Whunulhꞌen, ꞌantsꞌi ꞌusbai yus yugha óolhꞌaz leꞌ hoontꞌoh tsꞌe whuz nohtisꞌaꞌ. ꞋEt huwa tlꞌughus kꞌunꞌa whunih oohleꞌ ꞌinkꞌez dutꞌai, dove huyulhni, ꞌi kꞌunꞌa nohbulh dune ndólhdaꞌ junih.

Matthew 13:52

ꞋEt ꞌubulhni, “ꞋEt huwa Yakꞌusda ooghuni ꞌukꞌeguz-i ꞌinkꞌez yakꞌuz kꞌuneꞌ whulꞌen-un ꞌet huwun wheyodalhꞌeꞌ, dune yoh whumoodih-un ndultꞌoh. Yutꞌi-i toh tsꞌiyawh tsꞌet ha yúle, ꞌandidi-i ꞌinkꞌez ꞌujut-i cha. ꞋEt whuz unꞌa dune hodulhꞌeh.”

Matthew 24:46

ꞋEt oomoodih whusanaja de ꞌinkꞌez de ꞌulhna-un whuz unꞌa nduja-un ꞌet whunilhꞌen de, ꞌen ꞌukꞌenus hoonzoo-un ootsꞌu hóoltsꞌulh.

Matthew 25:2

Kwulane, ꞌenne huwhunih ꞌinkꞌez kwulane, huwhusni.

Matthew 25:21

ꞋEt oomoodih ndúyulhni, ‘Tube soo ꞌinja! Nyun tube ꞌinzoo. Whunilhchoh whe kꞌuneꞌ nyutisꞌen. Tube ꞌulhna-un unzoo-un inli. Hoontsool-unyaz whe kꞌuneꞌ nyutisꞌen inleꞌ. ꞋAndit nꞌun whe lhai ghu tanleh. ꞋAnih, nyumoodih ye hoontꞌiꞌ-i, nyun cha be hóotantꞌeꞌ.’

Matthew 25:23

Oomoodih ndúyulhni, ‘Tube soo ꞌinja! Nyun tube ꞌinzoo. Whunilhchoh whe kꞌuneꞌ nyutisꞌen. Tube ꞌulhna-un unzoo-un inli. Hoontsool-unyaz whe kꞌuneꞌ nyutisꞌen inleꞌ. ꞋAndit nꞌun whe lhai ghu tanleh. ꞋAnih, nyumoodih ye hoontꞌiꞌ-i, nyun cha be hóotantꞌeꞌ.’

Matthew 7:24

“ꞋEt huwa mbene la sghuni yoozilhtsꞌaine, ꞌinkꞌez daja dusni-un hukwꞌú neꞌhutꞌen, dune whunih-un duyoh tse kꞌut neooninꞌai, ꞌen kꞌunꞌa ꞌuhintꞌoh.

Luke 19:17

ꞋInkꞌez ꞌuyulhni, ‘Seꞌulhna-un, tube soo ꞌínja! Ntsool-iyaz ntlꞌasꞌai-i, tsꞌihꞌun unꞌa be neꞌzintꞌen. ꞋEt huwa whunizyat-un keyoh whuti whumoodih tanleh ꞌet ntlꞌa hóosꞌai.’

Acts 20:28

ꞋEt huwa nohni cha soo cho khohdleꞌ ꞌinkꞌez ndai la Yakꞌusda be ꞌusbai Ndoni ooghohleꞌ ha nohtlꞌábanla njan Yakꞌusda gha ꞌilhozdílne, ꞌenne ꞌusbai ghunline bubahli, duzkaiꞌ be duchꞌeꞌ ꞌubulhtsi inleꞌ ꞌet huwa.

1 Timothy 1:12

Christ Jesus neMoodihti ꞌen stꞌa ninintan whe ꞌustus sulhtsi ꞌinkꞌez de ꞌutꞌen kꞌoh oobaꞌ ꞌutistꞌelh-un, ꞌet stlꞌa honꞌai, ꞌet huwa ꞌen tsꞌun musi dusni.

2 Timothy 2:2

ꞋInkꞌez lhane nalh daja nyudásniꞌ-un, ndi khuni Jesus Christ tsꞌu ditnine tlꞌa dínle, ꞌon ꞌun ꞌuyoonne huye hódoolhꞌeh ha.

Hebrews 3:5

ꞋInkꞌez Yakꞌusda ooyoh ꞌet Moses ꞌen ooba ꞌustle-un unli, ꞌinkꞌez Moses tsꞌiyawh lhaóodinla. ꞋEt whuz unꞌa ꞌen ghun tsꞌiyaitsuk lhaóodutatneh, ꞌet de Moses datꞌen inleꞌ-un, whunenulhtun hukwꞌelhꞌaz tꞌewhutidzeh.

Revelation 2:13

Nohꞌeꞌutꞌen kꞌoh ꞌinkꞌez ntsꞌe whahtꞌi-un tꞌeoonuszun. Ndet Satan ookwꞌutsꞌuzda cho diztiꞌ-i ꞌusꞌai-un, ꞌet whahtꞌi. Sooziꞌ, ꞌi dutsoo cho oohtun. Ntsꞌe Satan whutꞌi-un ꞌinkꞌez ꞌoh daꞌ ndun Antipas huyúlhni-un, ꞌen sooziꞌ gha nohtoh hizilhghi. ꞋEt hoontsꞌi nohba ꞌalhaꞌ ꞌustꞌoh-un ꞌaw whutsꞌulhoodáhdlai.