Matthew 24:43 - Yak'usda Ooghuni

⁴³ ꞋEt ndi noheni taoonahle, yoh moodih-un, ntsꞌowhuya whudizulh-un ꞌundunutꞌih-un whusatiyalh, ꞌet tꞌewhuninzun de, ꞌet soo tsꞌihꞌun daꞌ huwoleꞌ, ꞌinkꞌez ꞌaw hiyoh daꞌ óoyis ꞌaitꞌoh.

Matthew 24:43 Iomraidhean Croise

Matthew 14:25

ꞋAwet bundadaꞌ yutilhkai whe Jesus too kꞌut butsꞌu tizya.

Matthew 20:11

ꞋInkꞌez tsꞌiyawh buba ꞌukꞌelha whuzdliꞌ hukwꞌelhꞌaz, ꞌet yun ꞌutꞌi-un hichꞌaz yawhenilhduk.

Matthew 24:42

ꞋEt huwa huwahli! Ntsꞌoya hoozulh whe nohMoodihti whusatiyalh ꞌaw tꞌeoonuzahzun.

Matthew 24:44

ꞋEt huwa nohni cha lhadóohtꞌeꞌ. Ntsꞌowhuya whudizulh-un, ꞌet ookwa tse lhúwhahlih-un, ꞌet Yinka Dune Yeꞌ ꞌet whusatiyalh.”

Matthew 25:10

Whuz whehandil whe ꞌat titꞌelh-un bukꞌelhꞌo whusaínya. ꞋInkꞌez yuba lhadintꞌohne, naꞌhutitꞌulh tsꞌe huyúlh danindil, ꞌinkꞌez dati dánahidintan.

Matthew 25:13

ꞋInka nohni cha soo cho huwahli! Ndet dzin ꞌinkꞌez ntsꞌoya hoozulh whe Yinka Dune Yeꞌ whusatiyalh, ꞌaw tꞌeoonuzahzun.”

Mark 13:35

ꞋEt whuz unꞌa nohdúsni, huwahli! ꞋEt ntsꞌoh de yoh humoodih whusanátidalh ꞌaw tꞌéoonuzúhzun, hulhgha tilah, tuzniz tilah, yukaih tsꞌun tilah, kꞌus sa haínꞌai de tilah, kꞌus bundadaꞌ tilah.

Mark 6:48

Yugha hodulꞌehne ꞌubunilhꞌen nilhtsꞌi dulhyo hikelh tube hunintꞌi whe hutꞌo. ꞋEt bundadaꞌ yutilhkaí-un, ꞌet Jesus too kꞌut uyalh whe nus whuz bughu ninya ꞌankwꞌus bube nghoozya.

Luke 12:38

ꞋEt moodih tuzniz atꞌen kꞌus tuzniz hukwꞌelhꞌaz atꞌen, ꞌet whusanatidalh ꞌinkꞌez be ꞌulhnane hika tse hooli, ꞌinkꞌez hika ítisꞌen, ꞌet whuz unꞌa moodih ndutꞌenne bunilhꞌen de, ꞌukꞌenus hoonzoo-un bugha whultsꞌut.

Luke 12:39

ꞋInkꞌez tꞌeoonahzeh, yoh whumoodih ntsꞌowhuya whudizulh-un ꞌundunutꞌih-un whusatíyalh, ꞌet tꞌewhuninzun de, ꞌet daꞌ huwoleꞌ, ꞌinkꞌez ꞌaw hiyoh daꞌ óoyis ꞌaitꞌoh.

Luke 21:36

ꞋEt huwa ꞌahoolhyiz hukwa tse hóhleꞌ ꞌinkꞌez ꞌahoolhyiz tenadoodli ntsꞌoh daóotanelh-un nohyit ꞌuwhutánelh-un huba soo ꞌúlhdzooꞌ ꞌinkꞌez Yinka Dune Yeꞌ ꞌen oobut tihyin.”

Revelation 16:15

“Soo zúlhtsꞌai, ꞌundunutꞌih-un kꞌunꞌa whuz de nízꞌilh. Mbene ꞌahoolhyiz khudline ꞌinkꞌez dunaih lhadilhdzunne, ꞌenne ꞌet nduhútꞌen de, ꞌaw ꞌustꞌet nohooyaꞌ ꞌaitꞌoh ꞌinkꞌez bube ꞌustꞌet óotꞌen ꞌaitꞌoh, ꞌenne ꞌukꞌenus hoonzoo-un bugha whútaltsꞌulh.”

Revelation 3:3

ꞋEt huwa whunalhnih ntsꞌenꞌa la ndi khuni dáhtsꞌo ꞌinkꞌez úlhchoot. Soo cho oohtun ꞌinkꞌez lhtꞌananoohdilh! ꞋEt ꞌaw huwu lháhloh de, soo ꞌundunutꞌih-un kꞌunꞌa nohgha óontazꞌilh. ꞋInkꞌez ntsꞌowhúya ꞌuhunitꞌoh-un nohtsꞌun tísyalh ꞌaw tꞌewhuntuzáhzin.