Matthew 24:34 - Yak'usda Ooghuni

³⁴ ꞋAlhaꞌ tsꞌihꞌun unꞌa nohdusni, ꞌandit whudizulhne ꞌaw yalhihitásdla, whe tsꞌiyawh ꞌet lhawhúdutanelh, ꞌet whutsꞌun.

Matthew 24:34 Iomraidhean Croise

Matthew 10:23

Njan keyoh dzoh nanóhahulhdzut de, ꞌet ꞌudun keyoh tsꞌe buchꞌa tóohdilh. Keyoh whuti ꞌet cha dzoh nunohohulhdeh de, doo cha ꞌon ꞌun keyoh buchꞌa tóohdilh. ꞋAlhaꞌ ndusni ꞌet Yinka Dune Yeꞌ whusatiyalh whutso, ꞌaw Israel ootsꞌu haindene, ꞌenne bukeyoh tsꞌiyawh whutulhóhdilh ꞌaitꞌoh.

Matthew 12:45

ꞋEt ꞌutsꞌun whedande ꞌinkꞌez lhtakꞌantꞌine ntsiꞌ-i nududeh-i, ꞌenne yanus ꞌultsiꞌne, dune hiyéndil ꞌinkꞌez ꞌet nehunina. ꞋEt ndun dune hiyudaltsꞌiꞌ-un, whutsodaꞌ whanus ꞌultsiꞌ suliꞌ. Nohni ꞌandit ndo whuya whudizulhne, tube untsiꞌne ꞌahtꞌoh. ꞋEt whuz unꞌa nohba ꞌuwhutánelh!”

Matthew 16:28

Soo tsꞌihꞌun unꞌa nohdusni, whulohne njan núdilhyane, dahutitsah whutsꞌo Yinka Dune Yeꞌ whe lerwe unli-un, whuz unꞌa whuz de uyalh de, dahútitsa whutsꞌo huyuntilhꞌelh.”

Matthew 23:36

Tsꞌihꞌun unꞌa nohdusni ꞌandit whudilhdzulhne, nohni hukwꞌelha whutilhtselh whe ꞌahtꞌoh.”

Luke 11:50

ꞋEt yun ꞌudechoo ꞌulya ꞌet whutsꞌun ndunne nus hooꞌenne bubuzkaiꞌ whúzdliꞌne, nohni ꞌandit whudizulhne dune nohni hukwꞌelha whutilhtselh wheꞌ hoontꞌoh.