Matthew 24:31 - Yak'usda Ooghuni

³¹ Be tsꞌujih-i tube cho beꞌ dutsꞌo whe oolizas whuz de ubutilhꞌalh. ꞋUtahalyane, tsꞌiyawh ꞌilhunaboohootálelh. Diwh hukwꞌunꞌa hutidulh ꞌinkꞌez yat dulcho nótidulh. ꞋEt ndulcho whe ꞌilhunaboohootálelh.”

Matthew 24:31 Iomraidhean Croise

Matthew 13:41

Yinka Dune Yeꞌ, dulizas whuz de ꞌubutilhꞌalh whulerwe unli-un, mbene hukwaya hoonli tuneꞌ ꞌústꞌenne, ꞌinkꞌez yukꞌunulheꞌustꞌenne, tsꞌiyawh ꞌilhubohotálelh.

Matthew 24:22

ꞋOh de hoondukw nalhuhóodlel de, ꞌaw dune doojihne hooloh. ꞋEt hoontsꞌi ꞌutꞌahályane, ꞌenne bugha hoondukw whutilꞌeh.

Matthew 24:24

ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

Matthew 24:32

“Mai, fig huyulhni, ooduchun, ꞌi be nawhutnuk be whutsꞌodulꞌeh-i, bodulhꞌeh. Ndi ꞌi ꞌuntꞌoh: oozischum ulghih te, ꞌet ꞌawet ootꞌan whulih, ꞌi gha tꞌewhunáhzun ꞌawet shin nilhdukw suliꞌ.

Matthew 25:31

“ꞋEt Yinka Dune Yeꞌ nkede ootsꞌu haꞌ ꞌánduz whe whusanátidalh, lizas lubeshi ooghu hoolohne, tsꞌiyawh huyulh whusanátidulh. ꞋOh de de, ookwꞌutsꞌuzda cho diztiꞌ-i, ꞌi kꞌut nanátlꞌa dutidalh.

Matthew 28:18

ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

Mark 13:27

ꞋInkꞌez dulizas whusabutilhꞌalh nus de, nꞌaz de, nooz de, ꞌinkꞌez ndaz de, yun kꞌut ndulcho whe ꞌinkꞌez Yakꞌusda ꞌutahábanlane ꞌilhúbuhootálelh ꞌet wheni.”

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

John 11:52

ꞋEt ꞌaw Lizwif didowhne, ꞌenne ba za iloh. Mbene la Yakꞌusda buzkeh unlíne, ntsꞌe la yahandil, ꞌoh whutꞌenne, ꞌenne buba cha. ꞋEt huwa la tsꞌiyawh ꞌilhunabootalelh ꞌinkꞌez ꞌilhoh whutꞌenne dune hutileh.

Romans 10:18

ꞋEt hoontsꞌi ꞌet hukwa nohooduskut, Israel ooduneꞌne ꞌaw eh ndi khuni hiyulh lheꞌditsꞌil? A, huyulh ꞌúdantsꞌo. Njan Yakꞌusda be ꞌudustlꞌus kꞌut ꞌet ꞌutni, “Ndunne nughúni nuꞌáne bughuni tsꞌiyanne ndi yun kꞌut hudántsꞌo ꞌet ooghuni dune hiyubodulhꞌeh-i ntsꞌe la dune huwhutꞌí-un tsꞌiyawh hidántsꞌo.”

1 Corinthians 15:52

Tube khun ꞌuwhutánelh, ꞌantsꞌi tsꞌoonultsꞌilh hukwꞌunꞌa ꞌuwhutánelh. ꞋOh de de ꞌudekꞌez be tsꞌújun huyejih-i beꞌ distsꞌai de, ꞌet whuz unꞌa ꞌuwhutánelh. ꞋEt yaidlane, buyustꞌe ꞌaw lhilhjut whe dunáhudutádulh, ꞌinkꞌez wheni tsꞌiyawh lhelhtsꞌun unꞌa naꞌuztitnelh.

Ephesians 1:10

ꞋEt whe ntsꞌoya hoozulh whula whusahóoltsꞌut de, ꞌet de ndet la yakꞌuz dilhtsꞌine, ndi yun dilhtsꞌine cha, ꞌenne tsꞌiyawh Christ ꞌen be ꞌilho za ubutilhtselh.

1 Thessalonians 4:16

ꞋEt neMoodihti dichꞌoh soo ꞌultus-un hutiyih, ꞌinkꞌez lizas ꞌukꞌenus diztiꞌ-un, ꞌen cha dutinelh, ꞌinkꞌez Yakꞌusda ba be tsꞌujih-i, ꞌi cha ꞌudutinelh. ꞋEt whuz unꞌa Jesus Christ yakꞌuz tsꞌe whusanatidalh. ꞋInkꞌez ndunne Jesus Christ ooba ꞌalhaꞌ yintꞌohne, ꞌet whuz unꞌa yaidlane, ꞌenne cho dunahudutádulh.

2 Thessalonians 2:1

ꞋEt neulhutsinke, neMoodihti whusanátidalh-un ꞌinkꞌez ꞌen tsꞌun ooba ꞌilhunatsꞌootádulh, ꞌet huwun soo cho neoozúlhtsꞌai.

Hebrews 12:19

ꞋEt Yakꞌusda ba be tsꞌújih-i, ꞌi cha hudántsꞌo ꞌinkꞌez Yakꞌusda yalhduk-un, ꞌet cha huwhudántsꞌo. Nyoonne yudántsꞌone, ꞌaw ꞌon ꞌun hidótsꞌo hukwa lheꞌhunízun. ꞋEt whuz unꞌa hitsꞌu tedudli ꞌaw ꞌon ꞌat huwhudutátsꞌo-un hukwa lheꞌhunizun ꞌet huwa.

Revelation 1:20

Ndi lhtakꞌantꞌi sum snailhni slakꞌet inꞌen-i, ꞌinkꞌez lhtakꞌantꞌi nanusaꞌa-i gold be ꞌulya-i be hootꞌen-i cha, ꞌi ooghun wheꞌ hoontꞌoh hooyoh-un, ꞌet njan ndúhoontꞌoh: Lhtakꞌantꞌi sum ꞌi lhtakꞌantꞌit-un Yakꞌusda ba ꞌilhunaoodulhne, ꞌenne bulizas ꞌuntꞌoh. ꞋInkꞌez lhtakꞌantꞌi be hootꞌen-i, inꞌen-i, ꞌi lhtakꞌantꞌit Yakꞌusda ba ꞌilhunaoodulhne ꞌuntꞌoh.”

Revelation 11:15

ꞋEt ꞌawet whúlh lhtakꞌantꞌit-un lizas be tsꞌújih-i be ꞌudíja. ꞋEt yakꞌuz tsꞌe lhane tube njan duhutni, “Ndi yun kꞌut lerwene bukeyoh neMoodihti ꞌinkꞌez ooChrist, buchꞌeꞌ whuzdliꞌ. ꞋInkꞌez ꞌilhiz ꞌinkꞌez ꞌilhiz wheni lerwe tileh.”

Revelation 7:1

ꞋEt hukwꞌelhꞌaz dine lizas ndi yun kꞌut didun nódilhya whe ubutísꞌen. Ndi nilhtsi dunghi ndi yun kꞌut ꞌinkꞌez yatoo kꞌut, ꞌinkꞌez duchun cha, ꞌohwhi ookꞌut noolhtsꞌi ha, ꞌet whuchꞌa kꞌoh húyoontun.

Revelation 8:2

Lhtakꞌantꞌine lizasne Yakꞌusda but núdilhyane ubutísꞌen. ꞋInkꞌez lhtakꞌantꞌi be tsꞌújih-i, ꞌi butlꞌa yánkat.