Matthew 24:3 - Yak'usda Ooghuni

³ ꞋEt ha ooditꞌai-unyaz dzulh Olive huyulhni, ꞌet hukwꞌusda. Yugha hodulꞌehne tsꞌiyawh highu nindil, ꞌinkꞌez whuꞌizyaz huyoodulhkut, “Nkede ꞌuwhutánelh? Ntsꞌowhuya hoozulh whe whusanátandalh, ꞌinkꞌez ntsꞌowhuya whudizulh whe whula toh whutaleh? Ndet whe hóodutaltsilh-un, ꞌet huwa la tꞌetsꞌonoozeh? Nedíni!”

Matthew 24:3 Iomraidhean Croise

Matthew 13:36

ꞋEt Jesus ꞌilhozdilne whe nábalhꞌaꞌ ꞌinkꞌez yoh danínya. ꞋEt yugha hodulꞌehne highu nindil ꞌinkꞌez huyúlhni, “Ndi khuni be nawhutnuk-i be whutsꞌodulꞌeh-i, nedini ndi ha niyeh toh ꞌutꞌantsiꞌ ha nányai-i?”

Matthew 13:49

ꞋEt ꞌawet ntsꞌoya hoozulh whe buba neóoninꞌai-un, ꞌet buba whusahóoltsꞌut de, ꞌet hukwꞌunꞌa za ꞌuwhutánelh. Lizas whusahutidulh, unzoone dune ꞌinkꞌez ntsiꞌne dune lhtahábotilelh.

Matthew 15:12

ꞋEt yugha hodulꞌehne highu nindil whe ꞌuhuyulhni, “Tꞌeoonínzun eh Phariseene nyodantsꞌo whe buba dzoh ꞌúdinja?”

Matthew 16:27

Yinka Dune Yeꞌ whusatiyalh, ooBá ye diztiꞌ-i ꞌinkꞌez oolizas, bubulh, whusatiyalh whe tsꞌiyanne dahitꞌen, whuz unꞌa ꞌilhone whe buba kꞌelha whutilhtselh.

Matthew 16:28

Soo tsꞌihꞌun unꞌa nohdusni, whulohne njan núdilhyane, dahutitsah whutsꞌo Yinka Dune Yeꞌ whe lerwe unli-un, whuz unꞌa whuz de uyalh de, dahútitsa whutsꞌo huyuntilhꞌelh.”

Matthew 17:19

ꞋEt Jesus yugha hodulꞌehne, disoh tsꞌe highu nindil whe ꞌuhuyulhni, “Dahoontꞌoh huwa ndun tsꞌoodun ntsiꞌ-i nududeh-i ootsꞌu ha nátsꞌinooyoot ꞌaitꞌoh?”

Matthew 21:1

ꞋEt ꞌawet Jerusalem whenghoh hidulh whe keyoh whuyaz Bethphage huwhutni-un, ꞌet whuz hoozdil. ꞋI dzulh enun, Olive huwhutni. ꞋEt Jesus nane yugha hodulꞌehne dutso whébalhꞌaꞌ

Matthew 24:27

ꞋEt ditni kwun ndaz de ha dánat ꞌinkꞌez nooꞌ whe dánat. ꞋEt tsꞌiyanne dune yunoolhꞌen ha, ꞌet whuz unꞌa Yinka Dune Yeꞌ whusatiyalh.

Matthew 24:30

ꞋEt de la tsꞌiyanne dune yunoolhꞌen ha Yinka Dune Yeꞌ yakꞌuz tsꞌe be hóodutaltsilh. ꞋEt ꞌoh whuya hoozulh de, dune ndi yun kꞌut ndulcho whe tso yahutilhduk. ꞋEt Yinka Dune Yeꞌ whuz de uyalh whe huyuntilhꞌelh. Kwꞌus kꞌut yakꞌuz tsꞌe ha tíyalh. Ye diztiꞌ-i ꞌinkꞌez ye ulhtus-i, ꞌi be tinelh.

Matthew 24:37

ꞋOh daꞌ Noah khuna daꞌ, dune dahíntꞌoh la, ꞌet whuz unꞌa za ꞌuwhutátꞌelh whe Yinka Dune Yeꞌ whusanátidalh.

Matthew 24:39

Dunene ꞌaw tꞌehonuszun nkede too dudutáltꞌo. ꞋEt ꞌawet dutadiltꞌo whe tsꞌiyawh too ꞌubanghan. ꞋEt whuz unꞌa za Yinka Dune Yeꞌ whusainya de, ꞌet ndó tanelh.

Matthew 24:43

ꞋEt ndi noheni taoonahle, yoh moodih-un, ntsꞌowhuya whudizulh-un ꞌundunutꞌih-un whusatiyalh, ꞌet tꞌewhuninzun de, ꞌet soo tsꞌihꞌun daꞌ huwoleꞌ, ꞌinkꞌez ꞌaw hiyoh daꞌ óoyis ꞌaitꞌoh.

Matthew 28:20

Khuni nohtlꞌa dísꞌai-i, tsꞌiyawh hikꞌuneꞌ ootꞌen-un hubodoolhꞌeh. ꞋInkꞌez soo zulhtsꞌai, dzin whula toh lhaooduja de, ꞌet whutsꞌun ꞌahoolhyiz nohbulh ꞌútistꞌelh wheꞌ hoontꞌoh.” ꞋEt ndo honeh.

Luke 21:7

ꞋInkꞌez huyoodulhkut, “Whuneoodulhꞌeh-un, ntsꞌo whúde ꞌuwhutánelh? ꞋInkꞌez ꞌawet nilhdukw suliꞌ de, dantꞌi-i be whe hóodutaltsilh?”

Acts 1:7

ꞋEt Jesus ubúlhni, “Ntsꞌo whude ꞌuwhutánelh-un ꞌaw nohni tꞌeoonózin huba lheꞌhóotꞌoh. SBá, ꞌen za tꞌewhunínzun.

Hebrews 9:26

ꞋEt ndúja de, ndi yun ꞌulya daꞌ whutsꞌun ꞌandit whutsꞌun, ꞌet de tube lhat daꞌ daootsah ooleꞌ. ꞋEt ꞌandit ꞌawet ndi yun ꞌetsul ꞌutinelh-un nilhdukw whuzdliꞌ, ꞌet ꞌilhoh za ndi yun kꞌut nuseya, ꞌinkꞌez neba huwaꞌ dudulti. Whuz unꞌa nelubeshi neba yunaoodilhnoh.