Matthew 24:27 - Yak'usda Ooghuni

²⁷ ꞋEt ditni kwun ndaz de ha dánat ꞌinkꞌez nooꞌ whe dánat. ꞋEt tsꞌiyanne dune yunoolhꞌen ha, ꞌet whuz unꞌa Yinka Dune Yeꞌ whusatiyalh.

Matthew 24:27 Iomraidhean Croise

Matthew 16:27

Yinka Dune Yeꞌ whusatiyalh, ooBá ye diztiꞌ-i ꞌinkꞌez oolizas, bubulh, whusatiyalh whe tsꞌiyanne dahitꞌen, whuz unꞌa ꞌilhone whe buba kꞌelha whutilhtselh.

Matthew 16:28

Soo tsꞌihꞌun unꞌa nohdusni, whulohne njan núdilhyane, dahutitsah whutsꞌo Yinka Dune Yeꞌ whe lerwe unli-un, whuz unꞌa whuz de uyalh de, dahútitsa whutsꞌo huyuntilhꞌelh.”

Matthew 24:26

ꞋEt huwa dune nohúlhni de, ‘Nulhꞌen ndaꞌ ꞌat dune lhuhootꞌih-un ꞌet usda!’ hutni de, whuz toohdilh junih. Kꞌus, ‘ꞋEt yoh bez tsꞌe usda,’ hutni de, khun nohba ꞌalha hudooniꞌ junih.

Matthew 24:3

ꞋEt ha ooditꞌai-unyaz dzulh Olive huyulhni, ꞌet hukwꞌusda. Yugha hodulꞌehne tsꞌiyawh highu nindil, ꞌinkꞌez whuꞌizyaz huyoodulhkut, “Nkede ꞌuwhutánelh? Ntsꞌowhuya hoozulh whe whusanátandalh, ꞌinkꞌez ntsꞌowhuya whudizulh whe whula toh whutaleh? Ndet whe hóodutaltsilh-un, ꞌet huwa la tꞌetsꞌonoozeh? Nedíni!”

Matthew 24:37

ꞋOh daꞌ Noah khuna daꞌ, dune dahíntꞌoh la, ꞌet whuz unꞌa za ꞌuwhutátꞌelh whe Yinka Dune Yeꞌ whusanátidalh.

Matthew 24:39

Dunene ꞌaw tꞌehonuszun nkede too dudutáltꞌo. ꞋEt ꞌawet dutadiltꞌo whe tsꞌiyawh too ꞌubanghan. ꞋEt whuz unꞌa za Yinka Dune Yeꞌ whusainya de, ꞌet ndó tanelh.

Matthew 24:44

ꞋEt huwa nohni cha lhadóohtꞌeꞌ. Ntsꞌowhuya whudizulh-un, ꞌet ookwa tse lhúwhahlih-un, ꞌet Yinka Dune Yeꞌ ꞌet whusatiyalh.”

Matthew 8:20

Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”

James 5:8

Nohni cha neMoodihti whusanatidalh-un, whuz unꞌa za huba oolhꞌeꞌ, ꞌinkꞌez nohdzi soo cho ulhtus óolhꞌeꞌ. ꞋAwet neba nilhdukw suliꞌ ꞌet huwa.

2 Peter 3:4

ꞋInkꞌez ꞌuhudutinelh, “ꞋAlha eh Jesus Christ nohtsꞌu nahizya doo cha whusanatidalh-un. Ndun ꞌudáhni-un, ꞌen ntsꞌé ꞌutꞌen? Netsodaꞌne tsꞌiyawh yahadla ꞌet hoontsꞌi ꞌawhuz whusanálhusdai. Ndi yun ꞌulya ꞌinkꞌez ꞌandit dzin whutsꞌun, tsꞌiyantsuk dawhútꞌen, ꞌet za nduwhútꞌen.”