25 ꞋEt soo zulhtsꞌai, whutsodaꞌ nohdásniꞌ.
“Whunulhꞌen, ꞌantsꞌi ꞌusbai yus yugha óolhꞌaz leꞌ hoontꞌoh tsꞌe whuz nohtisꞌaꞌ. ꞋEt huwa tlꞌughus kꞌunꞌa whunih oohleꞌ ꞌinkꞌez dutꞌai, dove huyulhni, ꞌi kꞌunꞌa nohbulh dune ndólhdaꞌ junih.
ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.
ꞋEt huwa dune nohúlhni de, ‘Nulhꞌen ndaꞌ ꞌat dune lhuhootꞌih-un ꞌet usda!’ hutni de, whuz toohdilh junih. Kꞌus, ‘ꞋEt yoh bez tsꞌe usda,’ hutni de, khun nohba ꞌalha hudooniꞌ junih.
ꞋEt ꞌoh de si sghun khuni unzoo-i be yátilhduk.
Jesus ꞌet ꞌon ꞌun ꞌubulhni, “Nohba ꞌalha ꞌuhoontꞌoh-un doo ka si whula doohtnih, ꞌinka ꞌunohdúsni.
Whutsodaꞌ nohdasniꞌ-un whusdloh ꞌet hoontsꞌi nohzih susda hukwꞌunꞌa whulh nat nohtsꞌo kꞌeꞌusges ꞌinkꞌez nanohdúsni, mbene la lubeshi ꞌalhꞌen ꞌinkꞌez ꞌonghohne tubulh nanohdúsni whe dzoh notizut-un, ꞌaw hukwꞌut dodóyaꞌ ꞌaitꞌoh wheꞌ hoontꞌoh.
