Matthew 24:24 - Yak'usda Ooghuni

²⁴ ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

Matthew 24:24 Iomraidhean Croise

Matthew 22:14

Njan ꞌet ndutni whe ꞌutni, lhane ghu nusja ꞌet hoontsꞌi ntsꞌitneyaz za ꞌutahálya.”

Matthew 24:11

Lhane whutsꞌit be nus hooꞌen unline, lhane dune nahuntiꞌah.

Matthew 24:22

ꞋOh de hoondukw nalhuhóodlel de, ꞌaw dune doojihne hooloh. ꞋEt hoontsꞌi ꞌutꞌahályane, ꞌenne bugha hoondukw whutilꞌeh.

Matthew 24:25

ꞋEt soo zulhtsꞌai, whutsodaꞌ nohdásniꞌ.

Matthew 24:31

Be tsꞌujih-i tube cho beꞌ dutsꞌo whe oolizas whuz de ubutilhꞌalh. ꞋUtahalyane, tsꞌiyawh ꞌilhunaboohootálelh. Diwh hukwꞌunꞌa hutidulh ꞌinkꞌez yat dulcho nótidulh. ꞋEt ndulcho whe ꞌilhunaboohootálelh.”

Matthew 24:5

Lhane sooziꞌ gha whusahutidulh ꞌinkꞌez ꞌuhudutinelh, Christ unli-un, si ꞌustꞌoh, nduhutni whe lhane nahuntiꞌah.

Matthew 7:15

“Mbene la whutsꞌit be nus hooꞌenne naꞌdudilꞌi, ꞌenne buka huwahli! ꞋUsbai zuz be soo dintꞌohne, ꞌenne buyo tsꞌe yus ꞌukꞌenus ntsiꞌ-i, ꞌenne léꞌhintꞌoh.

Mark 13:22

ꞋEt Christ naꞌdudilꞌíne, ꞌinkꞌez nus hóoꞌenne naꞌdudilꞌíne cha, lhat te huwa ꞌítꞌen ꞌinkꞌez hooncha túneꞌ hutitꞌen Yakꞌusda ꞌutáhabanlane, ꞌenne hoontsꞌi nahunooꞌa hukwaꞌ hutitꞌelh.

Luke 18:7

ꞋAw lakw Yakꞌusda ooduneꞌne, mbene la dzin ꞌinkꞌez ꞌulhdzis ibulh hitsꞌu tedudlihne, ꞌenne ꞌaw talhúbudini. ꞋEt soo eh buba kꞌutítnelh? Whuz unꞌa bubaꞌ whutilelh?

John 4:48

ꞋEt Jesus uyúlhni, “Nyunalh huwa ꞌítꞌen tuneꞌ ꞌústꞌen ꞌinkꞌez hooncha te neꞌústꞌen de, ꞌet de za la nohba ꞌalhaꞌ oostꞌeꞌ.”

John 6:37

Tsꞌiyanne sBá sgha bunínlane, ꞌenne la stsꞌun hútoodilh, ꞌinkꞌez mbe la sghu yaih-un, ꞌaw oochꞌaz naóozꞌah ꞌaítꞌoh.

John 6:39

ꞋInkꞌez sBá, whuz de sútilhꞌaꞌ-un, mbene la sgha buninlane ꞌaw ꞌilhoghun hoontsꞌi nintaoostelh hukwa lheꞌnízun, ꞌinkꞌez la ꞌudekꞌez dzin de dunabudosdlelh.

Acts 20:16

ꞋEt Paul ꞌen keyoh Ephesus ꞌoh whuya lhutíkelh hukwaꞌ ninzun tube ꞌa óodulni ꞌet huwa. ꞋAw Asia yun kꞌut oodaꞌ hukwa lheꞌnízun. Soo ꞌa cho Jerusalem tsꞌe ootáyalh hukwa ꞌutꞌen soo tilah Pentecost dzin, ꞌet neóoyaꞌ hukwaꞌ ninzun.

Romans 12:18

Ndet la soo ꞌon ꞌun oohneh ꞌaítꞌoh whe tsꞌiyanne dune tsꞌihꞌun unꞌa lhtsꞌun oohtꞌeꞌ.

Galatians 4:15

Ndet whe ndi ꞌukꞌunus hoonzoo-un nohgha whultsꞌut? ꞋEt dáhooja? Tsꞌihꞌun unꞌa ꞌunohdusni, nohna ha níhla ꞌinkꞌez daꞌ sgha nóhlelh ooleꞌ daꞌ.

2 Timothy 2:19

ꞋEt hoontsꞌi Yakꞌusda ooyoh ookꞌu whuzꞌai-i whudutsꞌo. ꞋAw gak hóleꞌ ꞌaitꞌoh. ꞋI kꞌut khuni ꞌukꞌeyánguz-i ndutni, “Mbene la neMoodihti oochꞌeꞌ unline, ꞌenne tsꞌiyawh tꞌebunínzun.” ꞋInkꞌez cha, “Mbene la ꞌuhutni, Christ ooduneꞌne tsinli de, ꞌenne ꞌutꞌen ꞌutsiꞌ-i tsꞌu níntꞌine, ꞌet ndoohoontꞌoh-un, ꞌet tsꞌiyawh whuchꞌaz náhoolyeh.”

1 Peter 1:5

Nohni nohba ꞌalha ꞌuhoontꞌoh-un be Yakꞌusda ye ulhtus-i búghudli whe whéhudutijih-un huhootálhchulh. ꞋEt ꞌudekꞌez dzin de, yakꞌuz tsꞌe ꞌet neba whuzdla-i, ꞌi tsꞌiyawh tsꞌet ha óotikulh ꞌet wheni lhaóodintꞌoh.

2 Peter 3:17

ꞋEt huwa nohni mbene la ookꞌesiꞌne, njan ꞌet nduwhútanelh whutso, ꞌudaꞌ tꞌeoonáhzun. ꞋEt huwa howahli! Ntsꞌenꞌa la ꞌahtꞌoh, whuz unꞌa za ꞌoohtꞌeꞌ. Doo ka ndunne ntsiꞌne, ꞌenne nintaꞌhutꞌih-un, ꞌenne bukꞌunꞌa ꞌoohneh. Bukꞌunꞌa ꞌahja de, ꞌet tehtsun tihleh.

1 John 2:18

Suzkehne ꞌawet ꞌet néꞌhunintꞌo wheꞌ hoontꞌoh. Christ chꞌaz ditni-un whuz de úyalh whulh ꞌúdahtsꞌo wheꞌ hoontꞌoh. ꞋAndit hoontsꞌi Christ chꞌaz ditnine huldlai wheꞌ hoontꞌoh. ꞋEt whe tꞌetsꞌonínzun ꞌawet ꞌet néꞌhunintꞌo wheꞌ hoontꞌóh.

1 John 2:22

Mbe Jesus ꞌen Christ unli ꞌet whutsꞌoodidlai-un, ꞌen whutsꞌit-un ꞌuntꞌoh. ꞋEn Christ chꞌaz ditni-un ꞌuntꞌoh. ꞋEn ꞌuntꞌoh neBá ꞌinkꞌez ooYeꞌ bulh butsꞌoodidlai.

1 John 5:18

Mbe Yakꞌusda yé ulhtus-i gha whuzdli-un, ꞌaw lubeshi lheꞌulhꞌen, ꞌet tꞌetsꞌoninzun. ꞋEt hoontsꞌi mbe la Yakꞌusda yé ulhtus-i gha whuzdli-un didutchꞌoh khudli whe ꞌuntꞌoh, ꞌinkꞌez ntsiꞌ-un ꞌaw yutꞌaóonalh ꞌaitꞌoh.

Revelation 19:20

ꞋEt ndi khuna-iti ntsiꞌ-i huyílhchoot. ꞋInkꞌez whutsꞌit whe nus hooꞌen-un, ꞌen cha huyílhchoot. ꞋEn ꞌuntꞌoh khuna-iti ntsiꞌ-i nalh huwa ꞌítꞌen te neꞌústꞌen. ꞋI be mbene khuna-iti ntsiꞌ-i oonutsi be bube hóodatꞌenne ꞌinkꞌez mbene ookꞌeyíltsi tsꞌun teniꞌ nalhdzinne, ꞌenne tsꞌiyawh nabunanꞌa. ꞋEt ndunne nahúltꞌoh hukhuna whe kwun sulphur be dízkꞌun-i bunghun dúwhulcho-un, ꞌet tsúbodano.