Matthew 24:14 - Yak'usda Ooghuni

¹⁴ ꞋEt yakꞌuz kꞌuneꞌ whulꞌen-un ghun khuni unzoo-i yun kꞌut ndulcho whe be yatiduk. ꞋI be ndi yun kꞌut whutꞌenne, buba whubuntilhtun tileh. ꞋEt de ꞌawet whula toh whusaóotiltsꞌulh.”

Matthew 24:14 Iomraidhean Croise

Matthew 10:7

ꞋAhdulh whe ꞌet budóhni, ‘Ntsꞌenꞌa la yakꞌuz kꞌúneꞌ whulꞌen-un ꞌawet nilhdukw.’

Matthew 18:19

Doo cha za ꞌunohdusni, ndai ookwa oodutalhkut-i, nane kꞌus tane ndi yun kꞌut lhgha nohba sooꞌ hoontꞌoh de, yakꞌuz usda-un sBá, ꞌen nohba ꞌuwhutilelh.

Matthew 24:3

ꞋEt ha ooditꞌai-unyaz dzulh Olive huyulhni, ꞌet hukwꞌusda. Yugha hodulꞌehne tsꞌiyawh highu nindil, ꞌinkꞌez whuꞌizyaz huyoodulhkut, “Nkede ꞌuwhutánelh? Ntsꞌowhuya hoozulh whe whusanátandalh, ꞌinkꞌez ntsꞌowhuya whudizulh whe whula toh whutaleh? Ndet whe hóodutaltsilh-un, ꞌet huwa la tꞌetsꞌonoozeh? Nedíni!”

Matthew 24:6

Dune lhugan-un whulh ꞌúdutahtsꞌo. ꞋInkꞌez dune lhutigan-un cha howu yahutilhduk. ꞋEt cha whudutáhtsꞌo. Khun te whénoolhjut junih. Dawhutanelh la ꞌet tsꞌiyawh nduwhutanelh, ꞌet hoontsꞌi ꞌawhuz whula toh iloh ꞌuhoontꞌoh.

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 9:35

ꞋEt Jesus keyoh whuti ꞌinkꞌez keyoh whuyaz cha whunilhchoh nusiya. Lizwifne bulugliz khuni unzoo-i be yakꞌuz kꞌúneꞌ whulꞌen-un ghun whubodulhꞌeh. ꞋEt dunene mbene la ooyustꞌe ndudane ꞌinkꞌez tetsunne, ꞌenne tsꞌiyawh soo naꞌbulhꞌen.

Mark 13:10

ꞋInkꞌez ꞌudechoo ndi yun kꞌut ndulcho whe dune tsꞌiyawh khuni unzoo-i ghun bubulh yatiduk.

Luke 2:1

ꞋEt ꞌoh daꞌ Caesar Augustus huyulhni-un, whunilhchoh keyoh dilhtsꞌine, khuni bunalh yutulhuhizyeꞌ. Tsꞌiyanne bubooziꞌ ꞌukꞌeooges ha.

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

Luke 4:5

ꞋEt netsudule ꞌudedo-i dzulh kꞌuz whe yalhti. ꞋEt ꞌaho yun kꞌut ntsꞌoh tula dune whutꞌi, ꞌinkꞌez lerwene bube ꞌutꞌen kꞌoh, ꞌoh nduwhulcho whinulhtun.

Acts 1:2

ꞌinkꞌez ndet dzin ndo yakꞌuz whenája ꞌet whutsꞌun. ꞋEt ndo yakꞌuz natiltelh whutso ndunne dune whelꞌaꞌne ubulhtsi, Ndoni gha buba núhizyeꞌ.

Acts 11:28

ꞋEt butoh ꞌilhoghun Agabus huyúlhni-un, ꞌen la dudinya ꞌinkꞌez Ndoni gha, “ꞋAwet nilhdukw yun kꞌut ndulcho whe dai whútale,” hubúlhni la. ꞋEt Claudius lerwe ꞌukꞌenus díztiꞌ-un unli whe ꞌet la ndúhooja.

Acts 17:31

ꞋEt ꞌilhudzin ꞌutahahónꞌai ndet ndi yun kꞌut ndulcho whe ye tsꞌihꞌun unꞌa ꞌuntꞌoh-i, ꞌi be dune ba nahutiyeh ha. Ndun ꞌilhoghun dune ꞌen dune ba nahutiyeh ha ꞌutahayálhti. ꞋEn dunaidilhti ꞌet huwa ꞌalhaꞌ ꞌet ndó tanelh.”

Acts 17:6

ꞋEt ꞌaw nalhubuhílhtel whe Jason ꞌinkꞌez whulohne ooba ꞌalha ꞌuhoontꞌohne te ꞌenne la huske bulh keyoh whumoodihne tsꞌú buhoolhtsus ꞌinkꞌez hudultul whe njan duhútni, “Ndunne dune yun kꞌut ndulcho whe nintaꞌhuwhulhꞌih ꞌinkꞌez ꞌawet njan nekeyoh cha ꞌet ndó titꞌelh wheni whusahándil,

Acts 19:27

ꞋInkꞌez neba húwa ꞌóodli suliꞌ. Njan sooniya wheꞌ tsꞌulhꞌen-un nintaꞌhotꞌen la. ꞋEt za iloh, njan neyakꞌusda Artemis oolugliz whucho hukwa lheꞌhunízun ooleꞌ la, ꞌinkꞌez dichꞌoh ye díztiꞌ-i cha la hoonli lhiloh ooleꞌ la. ꞋEn Asia ꞌinkꞌez yun kꞌut ndulcho ndun tsꞌeke neyakꞌusda hitsꞌun tenadudli.”

Acts 20:25

Soo tsꞌiyawh nohtoh nusúsya Yakꞌusda dune kꞌúneꞌ bulꞌen-un huwun nohbulh yásduk. ꞋEt ꞌawet tꞌéoonúszun ꞌaw doo cha za nasoohtꞌen ꞌaítꞌoh.

Romans 10:18

ꞋEt hoontsꞌi ꞌet hukwa nohooduskut, Israel ooduneꞌne ꞌaw eh ndi khuni hiyulh lheꞌditsꞌil? A, huyulh ꞌúdantsꞌo. Njan Yakꞌusda be ꞌudustlꞌus kꞌut ꞌet ꞌutni, “Ndunne nughúni nuꞌáne bughuni tsꞌiyanne ndi yun kꞌut hudántsꞌo ꞌet ooghuni dune hiyubodulhꞌeh-i ntsꞌe la dune huwhutꞌí-un tsꞌiyawh hidántsꞌo.”

Colossians 1:23

Be nohba ꞌalha ꞌuhoontꞌoh-i, soo dutsꞌo-i whe oohtun. ꞋInkꞌez whudutsꞌo-un yoh ookꞌu whuzꞌai-i leꞌ ꞌahtꞌoh. ꞋInkꞌez khuni unzoo-i bulh ꞌudahtsꞌo-un, ndi khuni ooka tse hóohli khun oola doohtnih junih. Ndi yun kꞌut ndulcho whe ndi khuni unzoo-i bugha ídiltsꞌut. ꞋEt huba si, Paul, Christ ba neꞌutꞌen-un susdliꞌ.

Colossians 1:6

Ndi khuni unzoo-i ndi yun kꞌut ndulcho whe núdilhtsꞌut ꞌinkꞌez ꞌi be ꞌuniztꞌai leꞌ hintꞌoh. Nohni cha whuz unꞌa za nohghu diltsꞌut. Ndet dzin ꞌudechoo whudáhtsꞌo whe khuni ꞌalhaꞌ ꞌuntꞌoh-i, ꞌi gha Yakꞌusda ye unzoo-i tꞌewhunihzin, ꞌinkꞌez ꞌon nus soo náhyeh.

Hebrews 1:6

ꞋInkꞌez ꞌudechoo whuzdlí-un, Yakꞌusda doo cha ndi yun kꞌut neítalhtelh whe ꞌet ndutni, “Yakꞌusda oolizas, ꞌenne tsꞌiyawh hitsꞌu teniꞌ noolhdzin.”

Hebrews 2:5

ꞋEt njan howu yatsꞌulhduk ndi ꞌandit-i yun ꞌi ookwꞌuzdutáltsꞌilh huwa, neba whuz de hóoltsꞌulh, ꞌet Yakꞌusda ꞌaw lizas ꞌudedo ꞌuhootꞌeꞌ lhubudínel.

Revelation 14:6

ꞋEt doo cha ꞌuyoon lizas ndo yat nutꞌo whe nusꞌen. Ndi yun kꞌut whutꞌenne, lhelhdun keyoh whutꞌenne, lhelhdoh didowhne, lhelhtsꞌun unꞌa yalhdukne, ꞌinkꞌez tsꞌiyanne, ꞌenne ndi khuni unzoo-i ꞌilhiz ꞌuntꞌoh-i, ꞌi ghun budutánelh, ꞌet huba ndun lizas ndi khuni ꞌet yudilhꞌai.

Revelation 16:14

Ndowhi netsudule oonudúdeh-i ꞌuntꞌoh, whe huwa ꞌítꞌen tuneꞌ ꞌutꞌen. Yun kꞌut ndulcho whe whulerwene ꞌilhubootálelh. Yakꞌusda whanus ꞌultus-un oodzin, ꞌet dzin, ꞌen bulh lhútigan ꞌet wheni lhadútneh.

Revelation 3:10

Nohdásniꞌ dzoh nusahde-un soo whulh nudalhyaꞌ. Whuz unꞌa skꞌuneꞌ zahtꞌen. ꞋEt huwa ndi yun kꞌut ndulcho whe dune dzoh nutidoh-un whusaóotiltsꞌulh ubootálhdzih ha. ꞋEt whutso whuchꞌa nanohtásdlelh.