Matthew 24:13 - Yak'usda Ooghuni

¹³ ꞋEt hoontsꞌi mbene la whula toh whutsꞌun whulh úsyinne, ꞌenne za hudutijih.

Matthew 24:13 Iomraidhean Croise

Matthew 10:22

ꞋInkꞌez si sooziꞌ gha tsꞌiyanne nohtsꞌo dutitni. ꞋEt hoontsꞌi mbene la ꞌudekꞌez whutsꞌun ꞌet whulh núdalyaꞌne, ꞌenne hudutijih.

Matthew 24:12

ꞋInkꞌez ꞌukꞌu nulheꞌustꞌenne, ꞌenne ꞌon nus ꞌuhulsiꞌ tileh. Dune ye lhkꞌesiꞌ-i, ꞌi cha kꞌoh ꞌutinelh.

Matthew 24:6

Dune lhugan-un whulh ꞌúdutahtsꞌo. ꞋInkꞌez dune lhutigan-un cha howu yahutilhduk. ꞋEt cha whudutáhtsꞌo. Khun te whénoolhjut junih. Dawhutanelh la ꞌet tsꞌiyawh nduwhutanelh, ꞌet hoontsꞌi ꞌawhuz whula toh iloh ꞌuhoontꞌoh.

Mark 13:13

Si sunihdulh huwa tsꞌiyanne nohtsꞌo dutitni. ꞋEt hoontsꞌi ꞌudekꞌez whutsꞌun whulh nudalyaꞌne za hudutijih.”

Luke 21:19

Yakꞌusda ba soo cho núdulhya. ꞋI gha la nohzul ohtun.”

Luke 8:15

ꞋEt hoontsꞌi ndai la yun unzoo-i kꞌut nanánkat-i, ꞌenne huhóontꞌiꞌ whe khuni hidantsꞌo ꞌinkꞌez budzi unzoo whe huyoontun. Ntsꞌoh dahoontꞌoh hoontsꞌi ꞌilhiz huyilhchuk. ꞋEt whuz unꞌa bumaiꞌ whulaih.”

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

1 Corinthians 1:8

ꞋEt ꞌudekꞌez dzin whutsꞌun, ꞌet ꞌen gha be tsꞌilhtus-i be nudutalhyalh ꞌet whutsꞌun. ꞋEt whe la neMoodihti Jesus Christ oodzin de, ꞌet dzin ꞌaw be nohkꞌeholtsꞌit-i hootaloh.

Hebrews 10:39

Ndunne mbene la Yakꞌusda ooba ꞌalhaꞌ yintꞌohne ꞌinkꞌez kꞌoh naꞌhuja de, ꞌenne ndai la Yakꞌusda bugha whútaꞌalh-un, ꞌaw huyólhchoot ꞌaitꞌoh. Wheni ꞌaw ꞌenne bukꞌunꞌa lheꞌtsꞌítꞌoh. ꞋEt kꞌus wheni Yakꞌusda ooba ꞌalhaꞌ yintꞌohne tsinli, ꞌet whe dijizne ꞌutsꞌintꞌoh.

Hebrews 3:14

ꞋEt ꞌudechoo whutsꞌun Christ ookꞌúneꞌ tsꞌutꞌen-un, ꞌet whula toh whutsꞌun whulh tsꞌuzyin de, ꞌet de za Christ ootsꞌu ditnine ꞌuztileh.

Hebrews 3:6

ꞋEt hoontsꞌi Christ, ꞌuYeꞌ kꞌunꞌa whe duBá ooyoh huwunleꞌ. ꞋEt ooka tse tsꞌúhooli-i, nedzi yoo do cho whe tsꞌodólhtiꞌ, ꞌinkꞌez ootꞌa niuznintan, ꞌinkꞌez ꞌudekꞌez dzin whutsꞌun soo cho tsꞌoontun de, ꞌet de ooyoh whutꞌi-un tsinli whe ꞌutsꞌintꞌoh.

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.