Matthew 23:8 - Yak'usda Ooghuni

⁸ ꞋEt hoontsꞌi khun te ꞌuyoonne ‘Rabbi’ nohodóniꞌ junih! ꞋAw ꞌilhoghun za whunohodulhꞌeh-un hoonli ꞌet huwa, Christ ꞌen ꞌuntꞌoh. ꞋInkꞌez nohni tsꞌiyawh lhulhutsinke ꞌahli.

Matthew 23:8 Iomraidhean Croise

Matthew 10:25

Dune yugha hodulꞌeh-un, whuyodulhꞌeh-un kꞌunꞌa ootꞌeꞌ hubaꞌ hoontꞌoh, ꞌinkꞌez be ꞌulhna-un, dumoodih kꞌunꞌa ootꞌeꞌ hubaꞌ hoontꞌoh. ꞋEt si Beelzebul suhútni de nohni sgha hodulꞌehne, nohni cha whuz unꞌa za ndunohodutánelh!

Matthew 17:5

Peter yalhduk whe khuntsul kwꞌus be tidatꞌen-i bukꞌeinde. Kwꞌus toh tsꞌe khuntsul ꞌuwhutni, “Ndun sYeꞌ soo ookꞌesiꞌ-un ꞌuntꞌoh. ꞋEn bulh hóonustꞌiꞌ. ꞋEn oozúlhtsꞌai!”

Matthew 23:10

ꞋInkꞌez khun te ꞌuyoonne ‘nemoodih’ nohodóniꞌ junih. ꞋAw ꞌilhoghun za nohMoodihti hoonli ꞌet huwa, ꞌen Christ ꞌuntꞌoh.

Matthew 23:7

ꞋInkꞌez ꞌutꞌalh-i be ꞌóoket-un, tsꞌiyanne hubodílhtiꞌ whe hadih buhutni, ꞌet huhóontꞌiꞌ. ꞋInkꞌez tsꞌiyawh ꞌilhoghun hinli whe, ‘Rabbi! Nehodulhꞌeh-un!’ huba hodóniꞌ hukwaꞌ huninzun.

Matthew 26:25

ꞋEt Judas, whutlꞌa itilhtelh-un, Jesus yoodulhkut, “Rabbi si eh sudíni?” ꞋEt ꞌuyulhni, “Nyunchꞌoh dinja.”

Matthew 26:49

ꞋEt ꞌaho Jesus yughu ninya whe “Hadih Rabbi,” yulhni ꞌinkꞌez naiditsꞌooz.

Mark 10:51

Jesus yoodulhkut, “Ndet mbaꞌ whutisdlelh stsꞌu hukwaꞌ ninzun?” “Nehodulhꞌeh-un doo cha hoosꞌen naoosdleh,” yúlhni.

Mark 11:21

Peter whunalni whe Jesus bulh yátilhduk, “Nehodulhꞌeh-un nilhꞌen nyoo mai cho chun bulh ookwꞌehanya disuz,” yúlhni.

Mark 14:45

ꞋEt ꞌahoh Judas Jesus yughu ninya ibulh uyúlhni, “Hadih, Rabbi,” ꞌinkꞌez naiditsꞌooz.

Mark 9:5

ꞋEt Peter Jesus bulh yátilhduk, “Nehodulhꞌeh-un hoonzoo wheꞌ hoontꞌoh njan uzdilhtsꞌi. Ta nimbali nohba netsꞌoolelh, ꞌilho nyun mba, ꞌilho Moses ba, ꞌinkꞌez ꞌilho Elijah ba.”

Luke 22:32

ꞋEt hoontsꞌi mba tenadisdli whe mba ꞌalhaꞌ ꞌustꞌoh-un, ꞌet ꞌaw nla kꞌéha hooltsꞌit ꞌaitꞌoh. ꞋInkꞌez ndet la stsꞌu naóozinja de, nyulhutsinke hilhtus ubolhtselh.”

John 1:38

Jesus butsꞌun úyalh ꞌubunilhꞌen huyuniꞌus whe ꞌet huboodulhkut, “Di khunáhta whe ꞌahtꞌen?” ubúlhni. ꞋEt ꞌuhuyúlhni, “Rabbi, ntsꞌe la hoontꞌi?” (ꞋEt ndi khuni Rabbi ꞌi Lizwif kꞌunꞌa dune hodulhꞌeh-un ni whe ꞌutni.) ꞋEt Jesus ubúlhni,

John 1:49

ꞋEt Nathanael uyúlhni, “Rabbi, ꞌalhaꞌ Yakꞌusda ooYeꞌ inli ꞌinkꞌez Israel ootsꞌu haindene bulerwe cha inli,” yúlhni.

John 11:8

ꞋEt yugha hodulꞌehne ꞌuhuyúlhni, “Rabbi, ꞌandit ꞌaho Lizwifne tse be nyotúzilhghelh hukwaꞌ huninzun ꞌinkꞌez cha za whuz natandalh eh?”

John 20:16

ꞋEt Jesus yukahizya, “Mary,” yúlhni. ꞋEt Mary nꞌawh nalhꞌa ꞌinkꞌez, “Rabboni!” yúlhni (ꞌi khuni nehodulhꞌeh-un ni whe ꞌutni).

John 3:2

ꞋEn ꞌulhdzis ꞌet Jesus ghu ninya ꞌinkꞌez uyúlhni, “Rabbi, Yakꞌusda yulh ꞌuntꞌoh-un dune, ꞌen za njan huwa ꞌítꞌen-un tuneꞌ ootꞌen huba ꞌuhoontꞌoh. ꞋEt huwa soo tꞌetsꞌonínzun dune hodulꞌeh-un Yakꞌusda tsꞌu haínya-un inli whe ꞌintꞌoh.”

John 3:26

ꞋInkꞌez John highu nindil ꞌinkꞌez huyoodulhkut, “Rabbi ndun dune ꞌilhoghun ngha hodulꞌeh-un, Jordan koh nyaz tsꞌe, ꞌen ghun dune bubulh yaílhduk ínleꞌ, ꞌawet ꞌen dune too be ꞌúlhꞌen ꞌinkꞌez tsꞌiyanne hitsꞌú lhodulh,” huyúlhni.

John 4:31

ꞋOh whuya hoozulh yugha hodulꞌehne huyúlhni, “Rabbi, naꞌintꞌalh!”

John 6:25

ꞋEt ndunne ꞌilhozdílne bunghun lhéya huninki whe Jesus nahuyilhti ꞌinkꞌez huyoodulhkút, “Rabbi nkedaꞌ njan ꞌet whusaínya?” húyulhni.

John 9:2

ꞋEt yugha hodulꞌehne huyoodulhkut, “Whunehodulhꞌéh-un ndun dune mbe oolubeshi gha ꞌúja hoos̱ꞌen whe whuzdli? Didutchꞌoh kꞌus oodusneke bulubeshi?”

2 Corinthians 1:24

ꞋAw nohba ꞌalha ꞌuhoontꞌoh-un whumoodih ꞌuztileh hukwa lheꞌtsꞌustꞌen. ꞋEt kꞌus ndet hoonáhtꞌiꞌ hukwꞌunꞌa ꞌunohtsꞌoolhzin. Bé ꞌalha ꞌuhoontꞌoh-i, ꞌi be Yakꞌusda ba núdulhyai ꞌet huwa.

2 Corinthians 4:5

ꞋAw whenichꞌoh khuyanatsꞌulduk iloh. Christ, ꞌen Jesus neMoodihti, ꞌen ghun ꞌunohtsꞌútni. ꞋEt Jesus ꞌen ba noheꞌustlenne tsinli.

Ephesians 3:15

Booziꞌ gha mbene yakꞌuz dilhtsꞌine ꞌinkꞌez ndi yun kꞌut khunane cha, ꞌenne tsꞌiyawh buzkehke hoodzi.

Philemon 1:16

ꞌaw ꞌon ꞌun nye ꞌulhna lhtisdle. ꞋEt ꞌandit ꞌulhna unli-un whanus ꞌuntꞌoh. Neulhutsin ookwꞌetsꞌinsiꞌ-un unli. Si tube sba díztiꞌ ꞌet hoontsꞌi dalcho-i be suba nyun ꞌon nus mba díztiꞌ. ꞋEt náwhultꞌoh, ndi yun kꞌut huba cha ꞌinkꞌez neMoodihti ba cha.

James 3:1

Sulhutsinke nohtoh khun te stalhane dune hodulhꞌehne oohleꞌ hukwaꞌoohtꞌen junih. Wheni dunne hodulhꞌehne, ꞌon nus hooncha whe neba nahutideh ꞌet huwa.

1 Peter 5:3

Nohtlꞌályanne bumoodih cho oohleꞌ junih. Ndunne ꞌilhoh nuyehne, ꞌenne bunalh tsꞌihꞌun unꞌa oohtꞌen, ꞌet de la ꞌenne cha nohkꞌunꞌa ꞌuhootꞌeꞌ.

Revelation 1:9

Si John nohulhutsin ꞌustꞌoh. Dzoh nahdeh te si cha nohbulh dzoh nuszut. Yakꞌusda lerwe unli-un ꞌinkꞌez Jesus Christ ooba howa whúlnaꞌ ꞌet hoontsꞌi neba whulh ínyin-un, si cha whuz unꞌa za nohbulh susyin. Yakꞌusda ooghuni be yásduk ꞌinkꞌez Jesus Christ tꞌehinoozeh huwa cha, ꞌet huwa ndi noo Patmos huyulhni-i, ꞌi kꞌut ꞌustꞌoh inleꞌ whe,

Revelation 19:10

ꞋInkꞌez oobut nachánisno ootsꞌun teniꞌ untisdzilh ha. ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli. ꞋInkꞌez nyulhutsinke, ꞌinkꞌez Jesus ooghuni ghu yalhdukne, ꞌenne bubulh ꞌulhna-un usdli whe ꞌustꞌoh. Yakꞌusda ꞌen za ootsꞌun téniꞌ nilhdzun!” súlhni. “Ndi khuni Jesus be ghú yaduk-i, ꞌi mba nus hónꞌen wheꞌ hoontꞌoh.”

Revelation 22:9

ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli whe ꞌustꞌoh. ꞋInkꞌez nyulhutsinke nus hooꞌenne, ꞌinkꞌez mbene ndi ꞌudustlꞌus ooghuni óontunne, ꞌenne cha bubulh ꞌulhna usdli whe ꞌustꞌoh. Yakꞌusda, ꞌen za tsꞌun teniꞌ nilhdzun!”