Matthew 23:5 - Yak'usda Ooghuni

⁵ ꞋUtꞌen ꞌuhuyulhꞌen-i, ꞌi hiyoonne yunoolhꞌen huba za ꞌuhuyulhꞌen. ꞋInkꞌez Yakꞌusda ooghuni zus, Phylacteries huyulhni, ꞌon nus ncha huyilhꞌi tsꞌiyanne hinoolhꞌen ha. ꞋInkꞌez luglok tenahududli te nahuyitsꞌuz-i, ꞌi cha ootso ꞌon nus ꞌudilyiz nahuyulhtsih.

Matthew 23:5 Iomraidhean Croise

Matthew 9:20

ꞋOh whuya hidulh whe khuntsul ꞌilhoghun tsꞌeke, ꞌen whunizyat ꞌon ꞌat nat yus kꞌut ꞌuskaiꞌ ꞌuyulhꞌen. Jesus yutꞌa tsꞌe gha ninya ꞌinkꞌez nayitsꞌuz-i nyus tsꞌe yuban yutꞌaiznai.

Luke 16:15

ꞋInka ꞌubulhni, “Dune toh tsꞌihꞌun ꞌuntꞌohne naꞌdudulhꞌi, ꞌet hoontsꞌi Yakꞌusda nohdzi dantꞌoh la tꞌeooninzun. Di la dune ba díztiꞌ-i, ꞌi Yakꞌusda yutsꞌu dutni whe ꞌuntꞌoh.

Luke 20:47

Tsandilhne buyoh bugha ha hódunitꞌah ꞌinkꞌez bughu huhoolhchuk. ꞋInkꞌez ꞌonilha saꞌ cho tenahududli hoohoolhꞌi. ꞋEnne ꞌon nus ꞌuwhulcho whe buba nahutideh.”

John 12:43

ꞋEnne dune ubudílhtiꞌ-un, ꞌet Yakꞌusda ubúdutálhtiꞌ-un whanus huhóontꞌiꞌ.

John 5:44

Nohnichꞌoh nohtoh lhudúlhtiꞌ. ꞋEt hoontsꞌi, ndai la be ꞌúzdilhtiꞌ-i Yakꞌusda didutchꞌoh ootsꞌu haídiltsꞌut-i, ꞌi ꞌaw ookúlhnuzahtoh, ꞌet huwa ntsꞌenꞌa nohba ꞌalhaꞌ whutatꞌelh?

John 7:18

ꞋEt dune didutchꞌoh khuyanalduk de, dichꞌoh dutátiꞌ-i ꞌet za hukwunúta whe ꞌutni. ꞋEt hoontsꞌi dune yalhdúk-un, mbe la whuz de yútilhꞌaꞌ-un, ꞌen yudutálhtiꞌ-un hukwunúta de, ꞌen tsꞌihꞌun unꞌa dune unli whe ꞌutni ꞌinkꞌez tankꞌus neꞌutꞌen-i ooghu whéyooloh.

Philippians 1:15

ꞋAlhaꞌ whulohne sghe hoolnih, ꞌinkꞌez sondólhdah hukwa hutꞌen. ꞋEt hoontsꞌi whulohne si stsꞌun budzi unzoo. ꞋEt whuz unꞌa Christ ꞌen ghu yahalhduk.

Philippians 2:3

Nohnichꞌoh hukwaꞌ nahzun te za neꞌóohtꞌen junih. ꞋAntsꞌi yo ꞌúdudulhdzun ꞌinkꞌez ꞌuyoonne nohanus hinzoo noohzin.

2 Thessalonians 2:4

Yakꞌusda chꞌaz ditni, ꞌinkꞌez yando ꞌuntꞌoh naꞌdudilꞌí-un, ꞌen tsꞌiyanne budutanelh, “Si za Yakꞌusda usdli. ꞋUyoon Yakꞌusda ootsꞌu tenadoohdli junih!” ꞋEt whuz unꞌa Yakꞌusda oolugliz whucho ꞌet dayaih ꞌinkꞌez ꞌet Yakꞌusda buba naꞌdudilꞌi.