Matthew 23:4 - Yak'usda Ooghuni

⁴ ꞋEt diz unꞌa néꞌhutꞌen, lhai cho lhunuhúlhꞌoo tube howa whulnaꞌ dune neyúghe huba. Dune buwus kꞌehúyile. ꞋEt hoontsꞌi didut dulasga ꞌilho hoontsꞌi nahayoolhnaꞌ ꞌaitꞌoh.

Matthew 23:4 Iomraidhean Croise

Matthew 23:23

Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Ndai la ha níyeh-i, ꞌutꞌan sooltsun-i cha, anise huyulhni cha, ꞌinkꞌez cummin huyulhni, ꞌi cha, ꞌi ooloh za, 10%, Yakꞌusda ghahꞌaih. ꞋEt hoontsꞌi Moses be ꞌudustlꞌus kꞌut ꞌukꞌenus whudíztiꞌ-un, ꞌet tsꞌiyawh whula dihtnih. Ndiz unꞌa tsꞌihꞌun ꞌuhoontꞌoh. Ndet la tsꞌihꞌun unꞌa neꞌáhtꞌen-un, ye negha teꞌuntazeh-i cha, ꞌinkꞌez be néba ꞌalha ꞌuhoontꞌoh-i, ꞌi cha, njan ꞌet tsꞌiyawh whula dihtnih, whuz unꞌa ndóhtꞌen hubaꞌ hoontꞌoh, ꞌinkꞌez ꞌonghuni cha ꞌaw lhálhduzahle whe oola doohtnih junih.

Matthew 23:3

ꞋEt huwa khuni hiye nohbulh yalhduk-i, tsꞌiyawh hólhchoot ꞌinkꞌez bukꞌúneꞌ oohtꞌen. ꞋEt hoontsꞌi khun bukꞌunꞌa neꞌóohtꞌen junih. Daja hutni-un, ꞌoh te nulhéꞌhustꞌen ꞌet huwa.

Luke 11:46

ꞋEt ꞌuyulhni, “Nohni cha Moses be ꞌudustlꞌus kꞌut beni hoonli be yalhdukne, dawhultsiꞌ-un ꞌet nohtsꞌu hóoltsꞌulh! Nohni nohgha dune ꞌutꞌen howa whúlnaꞌ-un butlꞌa whahle, ꞌaw hoontsool-unyaz whe hoontsꞌi bula oohneh ꞌaitꞌoh.

Acts 15:10

Ndi Moses ooghuni ꞌukꞌu nusguz-i wheni ꞌinkꞌez netsodaꞌne, ꞌenne hoontsꞌi ꞌaw tsꞌihꞌun unꞌa hukwꞌú nulheꞌhitꞌel inleꞌ. ꞋInkꞌez ꞌandit di ha Yakꞌusda ꞌen óolhdzih wheꞌ dahni? Ndunne yugha hodulꞌehne ꞌuhótꞌeꞌ ꞌaítꞌoh te buba néꞌdahni.

Acts 15:28

ꞋEt Ndoni ꞌen bulh lhgha ꞌúzdija ꞌaw ꞌon ꞌun cha howu whúlnaꞌ nohba tsꞌuhólhꞌeꞌ hukwa lheꞌuznízun. Ndet ꞌandit nohghá whuntꞌai whuz unꞌa za oohtꞌeꞌ hukwa ꞌuzninzun.

Galatians 6:13

ꞋEt ndunne yuka dune unli-i kꞌut ustꞌúsne, ꞌenne hoontsꞌi Moses be ꞌudustlꞌus ꞌaw hikꞌu nulheꞌustꞌen. ꞋEt hoontsꞌi whuz unꞌa ooka dune ꞌahli-i kꞌut nohotitꞌus whuz nohonilhtꞌi. ꞋEt ndunóhohinla de, ꞌet daꞌ wheꞌ hotꞌeꞌ ooleꞌ daꞌ.

1 John 5:3

Ooghuni tsꞌoontun de, ꞌet whuz unꞌa Yakꞌusda ookꞌetsꞌinsiꞌ. ꞋInkꞌez ndi ooghuni ꞌaw oogha lhúhoolnaꞌ whe ookꞌuneꞌ tsꞌootꞌen.

Revelation 2:24

ꞋEt hoontsꞌi nohni ꞌinkꞌez ꞌuyoonne Thyatira whutꞌenne, ndun tsꞌeke ooghuni lhuhuyóotun de, ꞌinkꞌez Satan be ꞌutꞌen ꞌukꞌenus yoo yo ꞌuntꞌoh-i, whuz unꞌa nduhutni, ꞌi cha tꞌehinúszun de, nohdusni, ꞌaw ꞌon ꞌun howa whúlnaꞌ-un nohgha lhótuzasꞌal.