Matthew 23:39 - Yak'usda Ooghuni

³⁹ ꞋInka ꞌaw ꞌon ꞌun sulh tuzihꞌel. ꞋEt ndudútihnelh de za, ‘Mbe la Yakꞌusda booziꞌ be whusatíyalh-un, ꞌukꞌenus hoonzoo-un ootsꞌó tiltsꞌulh,’ ꞌet de za sutihꞌelh!”

Matthew 23:39 Iomraidhean Croise

Matthew 21:9

ꞋEt ꞌawet ꞌilhunaoodilhne whulohne ootso ꞌinkꞌez whulohne ookꞌoh tsꞌe hidulh ꞌinkꞌez tube cho huhuyih whe nduhutni, “David ootsꞌu haínzut-un ba tsꞌodilhtiꞌ! NeMoodihti booziꞌ be whuz de úyalh. ꞋEn ꞌukꞌenus hoonzoo-un oogha whultsꞌut. ꞋEt soo yoodughi hidílhtiꞌ!” hutni.

Luke 17:22

ꞋInkꞌez ꞌet yugha hodulꞌehne ꞌubulhni, “ꞋEt ꞌoh dzin whusaóotikulh ꞌinkꞌez Yinka Dune Yeꞌ, ꞌilhoh dzin whutihꞌelh hukwaꞌ ntihzilh, ꞌet hoontsꞌi ꞌaw hoohꞌen ꞌaitꞌoh.

John 14:19

Dzoh saꞌyaz inleꞌ de, ꞌinkꞌez yinka whuduneꞌne, sulhotisꞌel, ꞌet hoontsꞌi nohni suntilhꞌelh. Si khusna ꞌet huwa nohni cha khutihnalh.

John 14:9

ꞋEt Jesus ꞌuyulhni, “Philip, lheꞌwhuldzoh nohbulh ꞌústꞌen, ꞌet ꞌawhuz eh tꞌésunuzínzun? Mbe la sanꞌen-un, ꞌen sBá cha hiyanꞌen. ꞋInkꞌez di ha, ‘MBá bunenilhtun,’ díni?

John 8:21

ꞋEt Jesus doo cha ubúlhni, “Nohghu tisyalh. Ska itóhꞌen la ꞌet hoontsꞌi nohlubeshi bulh la yaóohdlah, ꞌet huwa ntsꞌe la tisyalh tsꞌe nohni cha ꞌaw whuz toohdilh ꞌaítꞌoh.”

John 8:24

ꞋEt huwa ꞌunohdusni nohlubeshi bulh yatáhdlah. ꞋAw nohba ꞌalhaꞌ lheꞌútꞌoh si mbe ꞌustꞌoh ꞌet huwun, ꞌet huwa la nohlubeshi bulh la yatáhdlah,” ubúlhni.

John 8:56

Nohbá Abraham tube hóontꞌiꞌ whe sdzin honꞌen. ꞋAwet whunalhꞌen ꞌinkꞌez tube whunálhni.”

Romans 11:25

Sulhutsinke njan wheꞌ hoontꞌoh ooyoh-un, ꞌet tꞌewhuntihzeh nohba hukwaꞌ nuszun, doo ka la tsꞌiyantsuk tꞌetsꞌonínzun naꞌdudólhꞌeꞌ. Njan ꞌet dúhoontꞌoh, ꞌet whulohne Lizwifne budzi dutsꞌun hutileh, ndet la ꞌudun yun kꞌut whutꞌenne whudizulh-un, ꞌenne buba ꞌetsul ꞌuwhutánelh ꞌet whutsꞌun.