Matthew 23:27 - Yak'usda Ooghuni

²⁷ Nohni Moses be ꞌudustlꞌus ꞌukꞌu nunáguzne, Phariseene nohni cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! ꞋAntsꞌi tsꞌun kꞌut whuduchun ꞌudustlꞌus-i léꞌahtꞌoh. Yoo ꞌaz tsꞌe soo otꞌen, ꞌinkꞌez bez tsꞌe whudutsun ꞌinkꞌez dune tsꞌun be whudizbun.

Matthew 23:27 Iomraidhean Croise

Matthew 23:28

Dune nalh nohyustꞌe yoo ꞌaz tsꞌe tsꞌihꞌun dune unline dóhtꞌen. ꞋEt hoontsꞌi nohyo tsꞌe tsꞌihꞌun lheꞌahtꞌoh. Duba naꞌudzooꞌ ꞌinkꞌez ꞌukꞌú nulheꞌustꞌen-i cha, be whudizbun.

Luke 11:44

ꞋEt nohni Moses be ꞌudustlꞌus ꞌukꞌu nunáguzne ꞌinkꞌez nohni Phariseene, dune nalh duba naꞌahdzooꞌ. Dawhultsiꞌ-un ꞌet nohtsꞌu hóoltsꞌulh! Nohni tsꞌun kꞌut ꞌa dahla-un, ꞌaw dune lhunohisꞌen leꞌ ꞌahtꞌoh, ꞌinkꞌez ꞌa dahla-un dune tꞌehonúszun whe nohkꞌunuhudilh.”

Acts 23:3

ꞋEt Paul uyúlhni, “Yakꞌusda ꞌen cha la nyunookuk. Sih dutsun-i nadistlꞌus-i leꞌ ꞌintꞌoh whe nyo ꞌet sinda ꞌinkꞌez ndai la Yakꞌusda ye nébalhúhizyeꞌ-i, ꞌi gha sba nahutanyeh ꞌet hoontsꞌi sonookuk huwa bilhꞌa, ꞌet whuz unꞌa Yakꞌusda ooghuni kꞌuninyis wheꞌ dini!”

Galatians 6:12

ꞋEt mbene la ooyustꞌe ꞌet huba soo ꞌuldzooꞌne, ꞌenne ꞌet hukwaꞌ hutꞌen, ꞌenne ꞌuhintꞌoh, nohni ooka dune ꞌahli-i kꞌut nohotitꞌus whutsꞌu nohonilhtꞌi. ꞋEt njan huwa hutꞌen, Christ tulalhgus kꞌut neba dazsai-un huwa yatsꞌulhduk-un, ꞌet huwa dzoh nunéhulhdzut, ꞌet whuchꞌa neꞌhootꞌen-un hukwaꞌ hutꞌen.