Matthew 23:24 - Yak'usda Ooghuni

²⁴ Whuzihꞌen ꞌet hoontsꞌi dune, ti whúbuntilhtun hukwa ꞌahtꞌen. Lheꞌahtꞌen, ndai ꞌahnai-i nizghes yé tatꞌo de, ꞌi ꞌukutilhtsus, ꞌet hoontsꞌi nohni khuna-i cho, camel huyulhni, ꞌantsꞌi leꞌ hoontꞌoh tilhnoh!

Matthew 23:24 Iomraidhean Croise

Matthew 15:14

Butsꞌá ha lhozahꞌai! Moodih hoos̱ꞌenne leꞌ hintꞌoh. ꞋEt ndiz unꞌa njan duhoontꞌoh, ꞌilhoghun hoos̱ꞌen-un ꞌinkꞌez ꞌilhoghun hoos̱ꞌen-un ghunli de, nahúltꞌoh tsa kꞌet ꞌá hatiltsꞌulh.”

Matthew 19:24

Doo cha za ꞌunohdúsni, khuna ncha-i, camel huyulhni, ꞌi ooba howa whulnaꞌ whe ꞌughabátsulh oolatoh ookonínꞌa-un hukwa tílgwulh. ꞋEt hoontsꞌi whanus howa whulnaꞌ whe hoonzooꞌ ꞌuntꞌoh-un, ꞌen Yakꞌusda whe lerwe unli-un whuz datíyalh.”

Matthew 23:16

Nohni hoos̱ꞌenne léꞌahtꞌoh, dawhultsiꞌ-un nohtsꞌu hóoltsꞌulh. Lheꞌahtꞌoh whuzihꞌen ꞌet hoontsꞌi dune ti whubuntilhtun hukwa ꞌahtꞌen. ꞋEt dune whubodulhꞌeh, lugliz whucho hooziꞌ be dune nahuhizya de, ꞌet ꞌantsꞌi ꞌuhoontꞌoh. ꞋEt hoontsꞌi lugliz whucho ꞌet gold ꞌinkꞌez silver bulh ꞌuhoolya, ꞌi be nahuhizya de, whuz unꞌa ꞌuhuhooleh hubaꞌ hoontꞌoh, dahni.

Matthew 7:4

Ntsꞌenꞌa nyulhutsin ꞌudutánelh, ‘Nyuna kꞌeltsꞌut-i nyuna kꞌehanaóosꞌalh,’ ꞌinkꞌez nyunchꞌoh lhelcho-i nyuna kꞌet ꞌusꞌai-i ꞌaw lhnílhꞌen?

John 18:28

ꞋEt Jesus Caiaphas ooyoh tenáhinilhti, yun kꞌut humoodih, Pilate huyulhni ꞌen ooyoh tsꞌe whe húyalhti. Bundada tube ꞌudaꞌ ꞌuhoontꞌoh ꞌinkꞌez Lizwifne ꞌaw hiyoh dálhidulh. ꞋEt yoh dahúnindil de, ꞌenne buba me hoonli. ꞋEt ndahúja de, ꞌaw njan Butus Lhuseya naꞌhutꞌulh-un, ꞌaw ꞌuhooꞌalh ꞌaítꞌoh ꞌet huwa.

John 18:40

ꞋEt soo tsꞌiyawh sulya hulhduk whe ꞌuhutni, “Barabbas ꞌen oola nadintnih, ꞌaw ndun ꞌen íloh!” ꞋEt ndun Barabbas ꞌen ꞌundunutꞌih-un ꞌuntꞌoh.

Revelation 12:16

ꞋEt hoontsꞌi ndi yun tsꞌeke yula ꞌuja. Yun lhchꞌaz ꞌuja ꞌinkꞌez ndi tlꞌughus cho khuna-i kꞌunꞌa nulget-i too oozá hayangoo-i, whuz ꞌajul.