Matthew 23:16 - Yak'usda Ooghuni

¹⁶ Nohni hoos̱ꞌenne léꞌahtꞌoh, dawhultsiꞌ-un nohtsꞌu hóoltsꞌulh. Lheꞌahtꞌoh whuzihꞌen ꞌet hoontsꞌi dune ti whubuntilhtun hukwa ꞌahtꞌen. ꞋEt dune whubodulhꞌeh, lugliz whucho hooziꞌ be dune nahuhizya de, ꞌet ꞌantsꞌi ꞌuhoontꞌoh. ꞋEt hoontsꞌi lugliz whucho ꞌet gold ꞌinkꞌez silver bulh ꞌuhoolya, ꞌi be nahuhizya de, whuz unꞌa ꞌuhuhooleh hubaꞌ hoontꞌoh, dahni.

Matthew 23:16 Iomraidhean Croise

Matthew 15:14

Butsꞌá ha lhozahꞌai! Moodih hoos̱ꞌenne leꞌ hintꞌoh. ꞋEt ndiz unꞌa njan duhoontꞌoh, ꞌilhoghun hoos̱ꞌen-un ꞌinkꞌez ꞌilhoghun hoos̱ꞌen-un ghunli de, nahúltꞌoh tsa kꞌet ꞌá hatiltsꞌulh.”

Matthew 23:13

ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

Matthew 23:17

Whusnine ꞌinkꞌez hoos̱ꞌenne ꞌahli! Ndet ꞌukꞌenus whudiztiꞌ? Lugliz whucho kꞌus gold bulh ꞌúhoolya-i, ꞌet tilah? Lugliz whucho ꞌet ꞌukꞌenus whudiztiꞌ. Gold bulh ꞌuhoolya-i, ꞌi ꞌantsꞌi Yakꞌusda ba ꞌudun nenínkat-i ꞌuntꞌoh.

Matthew 23:19

Whusnine ꞌinkꞌez hoos̱ꞌenne ꞌahli. Ndet ꞌukꞌenus whudiztiꞌ? ꞋAntsꞌi huwa tꞌaih-i tilah kꞌus loodel tilah? Loodel ꞌi ꞌukꞌenus diztiꞌ! ꞋAntsꞌet huwa tꞌaih-i, ꞌi loodel ꞌi gha Yakꞌusda oochꞌeꞌ suliꞌ ꞌet huwa.

Matthew 23:24

Whuzihꞌen ꞌet hoontsꞌi dune, ti whúbuntilhtun hukwa ꞌahtꞌen. Lheꞌahtꞌen, ndai ꞌahnai-i nizghes yé tatꞌo de, ꞌi ꞌukutilhtsus, ꞌet hoontsꞌi nohni khuna-i cho, camel huyulhni, ꞌantsꞌi leꞌ hoontꞌoh tilhnoh!

Matthew 23:26

Nohni Phariseene hoos̱ꞌenne ꞌahli! Lusyet ꞌinkꞌez lubot bulh ꞌudechoo bez tsꞌe tunáwhahgus ꞌet de la yoo ꞌaz cha ꞌaw lhditsun ooleꞌ.

Galatians 5:3

Doo cha za whunoh untistun. Mbe la dune yuka dune unli-i kꞌut huyuztꞌus de, ꞌet nduntꞌoh dune, ꞌen Moses be ꞌudustlꞌus, ꞌi tsꞌiyawh yukꞌuneꞌ ootꞌen hubaꞌ hoontꞌoh.

James 5:12

ꞋInkꞌez sulhutsinke ndi ꞌuhoontꞌoh-un ꞌunohdúsni, hoonliyaz dune tsꞌu nahizinya de, khun te yakꞌuz whunalh ꞌudúsni kꞌus ndi yun kꞌut whunalh ꞌudusni, kꞌus ꞌuyoo khuni be, whuz unꞌa te yatoolhdih junih. ꞋEt kꞌus, “A,” dutihnelh de, ꞌantsꞌi, “A,” doohtniꞌ. ꞋEt, “Dah,” dutihnelh de, ꞌet cha, “Dah,” doohtniꞌ! Doo ka si nohba nahoodeh.