Matthew 23:15 - Yak'usda Ooghuni

¹⁵ Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Yun kꞌut ndulcho whe náhdilh ꞌinkꞌez too kꞌut ndulcho whe nahke, ꞌilhoghun tilah nohnichꞌoh nohkꞌunꞌa ꞌuntꞌoh oolhtselh. Whuchꞌa nulhde de, ndun nat ꞌuwhultsiꞌ whe nohanus kwuncho yo whuyeꞌ tileh.

Matthew 23:15 Iomraidhean Croise

Matthew 23:13

ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

Matthew 3:7

ꞋEt hoontsꞌi lhane Phariseene ꞌinkꞌez Sadduceene cha, too beꞌ hutilnelh ha highu nindil. Hubunilhꞌen ꞌinkꞌez ndúbulhni, “Nohni lubezo tlꞌughus buzkehke leꞌ ꞌáhtꞌoh! Yakꞌusda lubeshi ꞌulhꞌenne bubulh huntalchꞌoh-un, ꞌet whuz de hóoltsꞌulh, mbe ꞌunohulhni whuchꞌa úlhwus?

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Matthew 5:29

ꞋEt nailhni tsꞌe nyuna ꞌi be lubeshi ꞌinla de, ha nónꞌalh ꞌinkꞌez ꞌun ntolhꞌis. ꞋEt ꞌon nus sooꞌ hoontꞌoh nohyustꞌe ndulcho dutákꞌun-un whanus sooꞌ hoontꞌoh.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

Acts 13:10

ꞌinkꞌez uyúlhni, “Netsudule ooyeꞌ, ndai la unzoo-i tsꞌiyawh oochꞌaz dintni. Soo hoontsiꞌ whe dune naninꞌah tsꞌiyawh hoontꞌi, Yakꞌusda ooghuni ꞌi cha whutsꞌit khuni naoolhtselh hukwaꞌ ꞌilhꞌen.

Acts 13:43

ꞋEt yanahadil hukwꞌelhꞌaz Paul Barnabas bulh nahutistꞌaz whe Lizwifne ꞌinkꞌez ꞌudun yun kꞌut whutꞌenne, Lizwif tsꞌu nálhyane, bubontizdil ꞌinka Paul Barnabas bulh bubulh yáhulhduk whe, “Yakꞌusda nohtsꞌun yé unzoo-i, ꞌi za gha yinka dólhtsꞌiꞌ,” ꞌubuhútni. ꞋEt whe budzi ulhtus ubuhulhtsi.

Acts 14:19

ꞋEt whulohne Lizwifne Antioch Pisidia whuzꞌai tsꞌe ha hándil ꞌinkꞌez Iconium whuz de cha ꞌinkꞌez ꞌilhozdílne, ꞌenne tsꞌiyawh tsꞌu nebodoldilh hukwaꞌ hutꞌen. Paul tse be whe hínuzilhghi ꞌinkꞌez dazsai za huninzun ꞌinka keyoh yoo ꞌaz tsꞌe ꞌet nehininguz.

Acts 14:2

ꞋEt hoontsꞌi ndunne Lizwifne be ꞌalha ꞌuhoontꞌoh lhílhchulhne ꞌudun yun kꞌut whutꞌenne ꞌutsꞌun úbonilhtꞌi whe ndunne ooba ꞌalha ꞌuhoontꞌohne buchꞌaz náhulhya.

Acts 17:13

ꞋEt hoontsꞌi Lizwif Thessalonica whutꞌenne whulh ꞌúhudantsꞌo keyoh Berea huwhútni ꞌet cha Paul Yakꞌusda ooghuni be bubulh yálhduk whe whuz huyoonizdil ꞌinkꞌez buchꞌa níntaꞌ huholhꞌen hukwaꞌ hutꞌen.

Acts 2:10

Phrygia whutsꞌun, ꞌinkꞌez Pamphylia whutꞌenne cha tsinli. ꞋEt Egypt whutsꞌun, ꞌinkꞌez Lybia whunat Cyrene whuzih whutꞌenne cha, whulohne cha Rome tsꞌe ha tsꞌándil.

Acts 6:5

ꞋEt ꞌilhozdílne tsꞌiyawh whelꞌaꞌne buba sooꞌ hudija ꞌinka Stephen ꞌen ꞌutahahúyalhti soo cho be ꞌalha ꞌuhoontꞌoh ꞌutꞌi-un ꞌúntꞌoh ꞌinkꞌez Ndoni ooyudínda. ꞋEt Philip, Prochorus, Nicanor, Timon, Parmenas cha, ꞌinkꞌez Nicolaus, ꞌen la ꞌudun yun kꞌut whutꞌen-un, Antioch whutꞌen-un ꞌuntꞌoh ꞌen la Lizwif tsꞌú nenadinja inleꞌ, ꞌenne ꞌutahábahanla.

Galatians 4:17

ꞋEt ꞌuyoonne nunútꞌiꞌ be khanóhonotꞌah hukwaꞌ hutꞌen, butsꞌun nenádohdilh ha. ꞋEt ꞌudun nenohoninla. ꞋEt la bukaꞌ nooszin ha.

Galatians 6:12

ꞋEt mbene la ooyustꞌe ꞌet huba soo ꞌuldzooꞌne, ꞌenne ꞌet hukwaꞌ hutꞌen, ꞌenne ꞌuhintꞌoh, nohni ooka dune ꞌahli-i kꞌut nohotitꞌus whutsꞌu nohonilhtꞌi. ꞋEt njan huwa hutꞌen, Christ tulalhgus kꞌut neba dazsai-un huwa yatsꞌulhduk-un, ꞌet huwa dzoh nunéhulhdzut, ꞌet whuchꞌa neꞌhootꞌen-un hukwaꞌ hutꞌen.

Ephesians 2:3

ꞋOh daꞌ wheni cha whuz unꞌa za bukꞌunꞌa ꞌustsꞌintꞌoh inleꞌ. Neyustꞌe lubeshi tsꞌu nintꞌi, ꞌet whuz unꞌa za neyustꞌe ꞌutitꞌelh hukwaꞌ ninzun, ꞌinkꞌez ne-eni cha, ꞌet tsꞌiyawh ꞌutsꞌuholhꞌen inleꞌ. ꞋInkꞌez Yakꞌusda ndet whe bubulh hunilchꞌe-un, ꞌet cha neba whusaóotikulh ínleꞌ ꞌuyoonne kꞌunꞌa.