Matthew 23:14 - Yak'usda Ooghuni

¹⁴ Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Tsandilhne buyoh bugha ha oondunahtꞌah. Tenadudli ꞌi be whuz unꞌa za ꞌonilha saꞌ cho tenadahdli. ꞋEt huwa ꞌon nus ꞌuwhulcho whe nohba nahutideh.

Matthew 23:14 Iomraidhean Croise

Matthew 11:24

ꞋEt hoontsꞌi tsꞌihꞌun nohdusnih, nohba whusaootiltsꞌulh-un, nohba nahutideh ha, Sodom whutꞌenne bubulh dawhutanelh la, ꞌet nohni ꞌon nus ꞌuwhultsiꞌ-un ꞌet nohtsꞌu hooltsꞌulh.”

Matthew 23:13

ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

Matthew 23:33

Tlꞌughus lubezo buzkehke léꞌahtꞌoh! Kwuncho yo wheni nohba nahutideh-un, ntsꞌenꞌa ꞌutihnelh whenghoh táhdulh? Soo gak!

Mark 12:40

Tsandilh cha khábonitꞌoh, ꞌinkꞌez buyoh bugha ha whúhutꞌaih. ꞋInkꞌez ncha náꞌhadudilꞌi whe saꞌ cho tenahududli. ꞋEt hukwꞌelha ꞌon nus buba nahutideh wheꞌ hintꞌoh.”

Luke 12:48

ꞋEt hoontsꞌi mbe tꞌeoonúszun dumoodih ndet la yutsꞌu hukwaꞌ ninzun-un, ꞌinkꞌez dude ꞌutꞌen kꞌoh huwa ootaltsus huba, dzoh tsulyaz za ootaltsus. ꞋEt mbe la dune lhai oogha ntꞌai-un, ꞌen lhat-un yutsꞌu hukwaꞌ ntizilh. ꞋInkꞌez mbe la lhat-un ootlꞌa hoolya, ꞌon nus lhat-un yutsꞌu hukwaꞌ untizilh.”

Luke 20:47

Tsandilhne buyoh bugha ha hódunitꞌah ꞌinkꞌez bughu huhoolhchuk. ꞋInkꞌez ꞌonilha saꞌ cho tenahududli hoohoolhꞌi. ꞋEnne ꞌon nus ꞌuwhulcho whe buba nahutideh.”

2 Timothy 3:6

Nduntꞌohne ꞌuyoonne yoh tsꞌe dahánulꞌih ꞌinkꞌez tsꞌekoo whusnine, lubeshi be dizbunne, ꞌenne ꞌilhiz ubihilhchuk. Lelhdowh ꞌutꞌen dutsun-i, ꞌohwhi za hitsꞌu nintꞌi.

Titus 1:10

Tube lhane ndi khuni hikꞌúneꞌ titꞌen hukwa lheꞌhunizun ꞌinkꞌez ꞌantsꞌi lahóotꞌoh te nuyahalhduk. ꞋInkꞌez ꞌuyoonne nahunaꞌa, butoh Lizwif unline, ꞌenne ꞌukꞌenus hintsiꞌ.

James 3:1

Sulhutsinke nohtoh khun te stalhane dune hodulhꞌehne oohleꞌ hukwaꞌoohtꞌen junih. Wheni dunne hodulhꞌehne, ꞌon nus hooncha whe neba nahutideh ꞌet huwa.

2 Peter 2:14

ꞋUyoonne ꞌat bulh nintaꞌhutꞌih, ꞌet za hunilhꞌen. Lubeshi ꞌuhulhꞌen-un, ꞌaw ꞌetsul ꞌuhooneh ꞌaitꞌoh. Mbene buzul soo lheꞌíltusne, ꞌenne tankꞌus úbonilhtꞌi. ꞋUyoonne chꞌeꞌ haꞌ huninzun ꞌet whuz unꞌa budzi hodilꞌeꞌ. Nduntꞌohne Yakꞌusda bubulh hunilchꞌe whe ꞌudaꞌ buba nahizya wheꞌ hintꞌoh.

2 Peter 2:3

ꞋUyoonne chꞌeꞌ haꞌ huninzun ꞌet whe bughuni whutsꞌit-i be nohgha háꞌ hunduntatꞌo. ꞋEt hoontsꞌi Yakꞌusda ꞌen buba nahutiyeh-un, ꞌudaꞌ buba lhadintꞌoh. ꞋInkꞌez ꞌen ꞌuntꞌoh ye huske-i bugha whútaꞌalh, ꞌen ꞌaw lhitoh whe ꞌuntꞌoh.