Matthew 23:13 - Yak'usda Ooghuni

¹³ ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

Matthew 23:13 Iomraidhean Croise

Matthew 23:16

Nohni hoos̱ꞌenne léꞌahtꞌoh, dawhultsiꞌ-un nohtsꞌu hóoltsꞌulh. Lheꞌahtꞌoh whuzihꞌen ꞌet hoontsꞌi dune ti whubuntilhtun hukwa ꞌahtꞌen. ꞋEt dune whubodulhꞌeh, lugliz whucho hooziꞌ be dune nahuhizya de, ꞌet ꞌantsꞌi ꞌuhoontꞌoh. ꞋEt hoontsꞌi lugliz whucho ꞌet gold ꞌinkꞌez silver bulh ꞌuhoolya, ꞌi be nahuhizya de, whuz unꞌa ꞌuhuhooleh hubaꞌ hoontꞌoh, dahni.

Matthew 23:23

Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Ndai la ha níyeh-i, ꞌutꞌan sooltsun-i cha, anise huyulhni cha, ꞌinkꞌez cummin huyulhni, ꞌi cha, ꞌi ooloh za, 10%, Yakꞌusda ghahꞌaih. ꞋEt hoontsꞌi Moses be ꞌudustlꞌus kꞌut ꞌukꞌenus whudíztiꞌ-un, ꞌet tsꞌiyawh whula dihtnih. Ndiz unꞌa tsꞌihꞌun ꞌuhoontꞌoh. Ndet la tsꞌihꞌun unꞌa neꞌáhtꞌen-un, ye negha teꞌuntazeh-i cha, ꞌinkꞌez be néba ꞌalha ꞌuhoontꞌoh-i, ꞌi cha, njan ꞌet tsꞌiyawh whula dihtnih, whuz unꞌa ndóhtꞌen hubaꞌ hoontꞌoh, ꞌinkꞌez ꞌonghuni cha ꞌaw lhálhduzahle whe oola doohtnih junih.

Matthew 23:25

Nohni Moses be ꞌudustlꞌus ꞌukꞌu nunáguzne, nohni Phariseene cha, nohni duba naꞌudzooꞌne ꞌahtꞌoh. Dawhultsiꞌ-un ꞌet nohtsꞌu hóoltsꞌulh! Lusyet ꞌinkꞌez lubot cha yoo ꞌaz tsꞌe tunáhgus. ꞋEt hoontsꞌi bez tsꞌe ꞌet ꞌuyoonne be béꞌ whulhtsꞌit-i, ꞌinkꞌez hukwaꞌ nahzun tuneꞌ ꞌahtꞌen ꞌet whe ꞌi be nohlusyet ꞌinkꞌez nohlubot te dizbun.

Matthew 23:27

Nohni Moses be ꞌudustlꞌus ꞌukꞌu nunáguzne, Phariseene nohni cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! ꞋAntsꞌi tsꞌun kꞌut whuduchun ꞌudustlꞌus-i léꞌahtꞌoh. Yoo ꞌaz tsꞌe soo otꞌen, ꞌinkꞌez bez tsꞌe whudutsun ꞌinkꞌez dune tsꞌun be whudizbun.

Matthew 23:29

Nohni Moses be ꞌudustlꞌus ꞌukꞌu nunáguzne, Phariseene nohni cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Nohni nus hooꞌenne, ꞌenne buba tse bet ꞌahudutilhtelh-un ꞌuwhulhꞌen. ꞋInkꞌez tsꞌihꞌun ꞌuntꞌohne, ꞌenne butsꞌun kꞌut hoonzoo whulhtsi.

Matthew 3:7

ꞋEt hoontsꞌi lhane Phariseene ꞌinkꞌez Sadduceene cha, too beꞌ hutilnelh ha highu nindil. Hubunilhꞌen ꞌinkꞌez ndúbulhni, “Nohni lubezo tlꞌughus buzkehke leꞌ ꞌáhtꞌoh! Yakꞌusda lubeshi ꞌulhꞌenne bubulh huntalchꞌoh-un, ꞌet whuz de hóoltsꞌulh, mbe ꞌunohulhni whuchꞌa úlhwus?

Luke 11:52

Moses be ꞌudustlꞌus kꞌut daja ni whe beni hoonli be yalhdukne, ꞌawet dawhultsiꞌ-un ꞌet nohtsꞌu hóoltsꞌulh! Dune tꞌehonózin-un, ꞌet bughu nawhúlhchoot! Nohnichꞌoh ꞌaw lhuwhúlhchulh. ꞋInkꞌez mbene la hóolhdzihne, ꞌenne cha kꞌoh úboohtun!”

John 9:22

Oodusneke tꞌehonínzun Lizwif moodihne ꞌudaꞌ lhgha ꞌúhudija mbene la Jesus Christ ꞌuntꞌoh, ꞌuyoonne hudániꞌ de, lugliz ꞌet whuchꞌa huntájulh. ꞋEt huwa ndun dune oodusneke Lizwif moodihne bube hunuljut.

John 9:24

ꞋEt doo cha za ndun dune hoos̱ꞌen inleꞌ-un, “ꞋAnih,” huyúlhni, ꞌinkꞌez ꞌuhutni, “Njan daínja-un la Yakꞌusda ꞌen ooba whudílhtiꞌ, ꞌaw ndun dune ꞌen íloh, tꞌetsꞌonínzun lubeshi ꞌulhꞌen-un ꞌuntꞌoh ꞌet huwa.”

John 9:34

“Lubeshi toh whuzindli ꞌinkꞌez mbe naꞌdunínzun whe whuneoodolhꞌeh hukwaꞌ dini?” huyúlhni ꞌinkꞌez ꞌaz tenáhinino.

Acts 13:8

ꞋEt hoontsꞌi ndun neꞌdulhdeh-un, Greek bughuni kꞌunꞌa Elymas cha huyúlhni, ꞌen Yakꞌusda ooghuni yuchꞌaz yúnoolhtꞌi hukwaꞌ yulhꞌen.

Acts 5:28

“Soo khuni ulhtus-i be nohba natsꞌúhizya ínleꞌ ndun Jesus ghun dune hubodulhꞌeh íloh nohtsꞌútni inleꞌ. ꞋAndit whunulhꞌen lheꞌahja, Jerusalem ndulcho whe ꞌawet hubodilhꞌeꞌ. ꞋEt ndun dune dazsai ꞌet wheni nekꞌéwhuhꞌai!” hutni.

Acts 5:40

ꞋEt nahíyilhne buba ꞌalhaꞌ dija. Whelꞌaꞌne danáboninla ꞌinkꞌez “Bubuholhtsas,” ꞌubuhútni. ꞋInkꞌez “Jesus booziꞌ gha dune huhodoolhꞌeh junih!” ꞌubuhútni, ꞌinkꞌez la bula nahuditni.

Acts 8:1

ꞋEt nyoon Saul hiyeni kꞌunꞌa ꞌuyínla. ꞋEt dzin za Jerusalem tsꞌe Jesus ba ꞌilhozdílne bube túzilalh ꞌinkꞌez dzoh nótizut. ꞋEt tsꞌiyanne ooba ꞌalha ꞌuhoontꞌohne Judea ꞌinkꞌez Samaria whutꞌenne bukeyoh tsꞌe whuz tsꞌiyawh whutabonínyoot. Whelꞌaꞌne, ꞌenne za ꞌawet hudilhtsꞌi.

2 Timothy 3:8

ꞋEt nyoonne Jannes ꞌinkꞌez Jambres bulh Moses hichꞌaz níntꞌi inleꞌ. ꞋEt whuz unꞌa ndunne khuni ꞌalhaꞌ ꞌuntꞌoh-i, hichꞌaz nintꞌi. ꞋEnne bubeni soo ꞌukꞌenus untsiꞌ suliꞌ. ꞋInkꞌez ndi be ꞌalha ꞌuhoontꞌoh-i ghun buba ꞌantsꞌi hoontꞌoh.

2 Timothy 4:15

Nyun cha ookwa huwonleꞌ. ꞋEn dune ulhtus-i be neghuni dulhyoh ꞌitꞌelh-un ꞌuntꞌoh ꞌet huwa.