Matthew 22:43 - Yak'usda Ooghuni

⁴³ ꞋEt ubúlhni, “Ntsꞌenꞌa David Ndoni be nyun sMoodihti ꞌintꞌoh nyudúsni ni whe ꞌet njan ndutni,

Matthew 22:43 Iomraidhean Croise

Mark 12:36

ꞋEt David Ndoni ꞌi gha la ꞌet ndutni, ‘Moodihti ꞌen sMoodihti ꞌúyulhni nailhni tsꞌunkꞌus sinda. Nchꞌaz ditnine bukꞌut nke naóolhyis mba ubooselh ꞌet whutsꞌun.’

Acts 1:16

ꞌinkꞌez ubúlhni, “Sulhutsinke ndi Yakꞌusda ooghuni ꞌukꞌu nusgúz-i ꞌet lhaóodotneh hubaꞌ hoontꞌoh. Ndet David hónꞌen Ndoni ꞌen gha Judas datínelh ꞌet yughu yalhduk. Judas ꞌen húbunilhtan whe ꞌoh daꞌ Lizwifne Jesus huyílhchoot inleꞌ.

1 Corinthians 12:3

ꞋEt huwa noheni taóodutaltsꞌulh hukwaꞌ nuszun. ꞋAw ꞌilhoghun dune Yakꞌusda ooyughi gha Jesus Christ ꞌen untsiꞌ dooniꞌ ꞌaitꞌoh. ꞋAw ndúzdooniꞌ ꞌaítꞌoh wheꞌ hoontꞌoh. ꞋInkꞌez Ndoni ꞌen gha za tsꞌutni Jesus Christ ꞌen neMoodihti tsꞌilhꞌi.

Hebrews 3:7

ꞋEt huwa Ndoni ꞌalhaꞌ ꞌutni whe njan ndutni, “ꞋAndit dzin Yakꞌusda ooghuni dahtsꞌo de,

2 Peter 1:21

ꞋEt ndi khuni ꞌi be nus tꞌeznanzin-i, ꞌaw dune didutchꞌoh hukwaꞌ huninzun huwa iloh whe neba ꞌukꞌeguz. ꞋEt kꞌus Yakꞌusda ooduneꞌne, mbe la oochꞌeꞌne, ꞌenne ntsꞌenꞌa Ndoni whubúnilhtan yahutilhduk-un, ꞌet whuz unꞌa za yahalhduk whe ꞌukꞌehónguz.

Revelation 1:10

ꞌet ꞌoh daꞌ neMoodihti oodzin, ꞌet ꞌantsꞌi Ndoni bulh sulh wheóodande léꞌusja. ꞋEt stꞌa tsꞌe dune tube yatilhduk, be tsꞌujih-i kꞌunꞌa, ꞌet whudástsꞌo.

Revelation 4:2

ꞋEt ꞌaho Ndoni bulh sulh wheóodande léꞌusja. ꞋInkꞌez yakꞌuz kwꞌutsꞌuzda cho diztiꞌ-i ꞌusꞌai ꞌi kꞌut ꞌilhoghun yukꞌusda, ꞌet whutísꞌen.