Matthew 22:37 - Yak'usda Ooghuni

³⁷ ꞋEt Jesus ndúyulhni, “‘Yakꞌusda nyuMoodihti ndzi ndulcho-i be cha, nzul ndulcho-i be cha, nyeni tsꞌiyawh ꞌi be cha, tsꞌiyawh be ookꞌeoonsiꞌ.’

Matthew 22:37 Iomraidhean Croise

Matthew 22:36

“Dune hodulhꞌeh-un kꞌus undai khuni la kꞌus diztiꞌ-i neba yutulhúhizyeꞌ?”

Matthew 22:38

Ndi nohba yutulhuhizyeꞌ-i, ꞌi ꞌudechoo ꞌinkꞌez ꞌukꞌenus diztiꞌ-i ꞌuntꞌoh.

Mark 12:33

ꞋInkꞌez dune dudzi ndulcho ꞌi be Yakꞌusda kꞌeoosiꞌ, dudeni tsꞌiyawh be cha, duzul be cha, oonutꞌi tsꞌiyawh whe cha ꞌinkꞌez dichꞌoh kꞌenatsiꞌ whuz unꞌa dulh dunene bukꞌeoosiꞌ. ꞋEt ꞌukꞌenus neba hooncha nanki khuni higha néꞌulhꞌa-i ookꞌúneꞌ tsꞌootꞌen. Khuna-i ꞌinkꞌez ꞌuyoo hoonliyaz loodel kꞌut Yakꞌusda gha dizkꞌun, ꞌi ba nus whudíztiꞌ.”

Luke 10:27

ꞋEt ndúyulhni, “Yakꞌusda nyuMoodihti ndzi ndulcho-i be cha, nzul ndulcho-i be cha, nyunutꞌi tsꞌiyawh ꞌi be cha, nyeni tsꞌiyawh ꞌi be cha ookꞌeoonsiꞌ. ꞋEt dáhoontꞌoh hukwꞌunꞌa nyunchꞌoh kꞌenaintsiꞌ, ꞌet whuz unꞌa za nyulh dune ookꞌeoonsiꞌ.”

Romans 8:7

Njan huwaꞌ dusni, mbene la ꞌahoolhyiz lubeshi ghu nuní nuzutne, ꞌenne Yakꞌusda chꞌaz ditnine hinli ꞌinkꞌez Yakꞌusda ookꞌoh tsꞌe kꞌúneꞌ hootꞌen-un whutlꞌa lhéꞌhududulhti, Yakꞌusda kꞌúneꞌ hutitꞌen ꞌaw ꞌúhóoneh ꞌaítꞌoh ꞌet huwa.

1 John 4:21

ꞋInkꞌez ndi khuni netlꞌa ídanꞌai-i, ndiz unꞌa njan dúhoontꞌoh; mbe Yakꞌusda yukꞌensiꞌ-un, dudulhutsin cha kꞌeoosiꞌ hubaꞌ hoontꞌoh.