Matthew 22:3 - Yak'usda Ooghuni

³ ꞋInkꞌez bughu nuséyane, dude ꞌulhnane butsꞌu whe balhꞌaꞌ, ꞌanih ubuhudóniꞌ ha, ꞌet hoontsꞌi buchꞌa tséhudisnih.

Matthew 22:3 Iomraidhean Croise

Matthew 21:34

Oonujin-un neooninzut whe yun whumoodih de ꞌulhnane, whuz whe balhꞌaꞌ ꞌinkꞌez ꞌutꞌenne, butsꞌun mai hitalhchulh ha.

Matthew 23:37

“Nohni Jerusalem whutꞌenne, dáwhultsiꞌ-un nohtsꞌu hóoltsꞌulh! Nohni nus hooꞌenne ꞌahghan. ꞋInkꞌez nohtsꞌu tílhꞌaꞌne tse be bubahghan. Dantꞌoh la lugok duduzke dudintsꞌun be buboontun, whuz unꞌa nohni cha lhat-un whe ꞌilhunanohootásdlelh hukwaꞌ nuszun, ꞌet hoontsꞌi ꞌaw hukwa lheꞌnahzun.

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 9:15

ꞋEt Jesus ꞌubulhni, “Mbe la ooꞌat whutaleh-un, ookꞌekene, ꞌawhuz huyulh ꞌuntꞌoh, ꞌenne cha eh soo húhootanih? ꞋAwundooh! ꞋEt hoontsꞌi ꞌoh de de ookꞌekene buchꞌa nahuyitálhtelh, ꞌet de za soo hóohootanih.

Luke 13:34

“Nohni Jerusalem whutꞌenne, Jerusalem whutꞌenne, nohni ꞌahtꞌen nus hooꞌenne ꞌahghan. ꞋInkꞌez mbene nohtsꞌu whelꞌaꞌne cha tse be bubahghan. Dantꞌoh la lugok duduzke dutsꞌuntꞌaꞌ ubudilhtsꞌi, whuz unꞌa dáwhultsuk whe ꞌilhunanohootásdlelh hukwaꞌ nuszun, ꞌet hoontsꞌi ꞌaw hukwa lheꞌnáhzun.

Luke 15:28

ꞋEt hoontsꞌi bulhutsin ꞌudetso-un hunilchꞌe. ꞋInkꞌez ꞌaw yoh tsꞌu nátoojaꞌ hukwa lheꞌnizun. ꞋEt oobá tenínya ꞌinkꞌez yughu tedudli.

Luke 19:27

ꞋEt ndunne schꞌaz ditnine, ska lheꞌhunízun whe bulerwe tisdleh, whusábahle ꞌinkꞌez sbut ꞌet bubahghan.’”

John 5:40

Si sgha la ꞌilhiz ooleꞌ huye khúna-i oohtꞌeꞌ, ꞌet hoontsꞌi ꞌaw stsꞌu tóohdilh hukwa lheꞌnáhzun.

Acts 13:45

ꞋEt Lizwifne ꞌilhozdílne hubonilhꞌen, ꞌoonih za hudizbun suliꞌ whe Paul huye dúdulh ꞌinkꞌez hiba whutsꞌit. Daja ni-un, ꞌet cha whuchꞌaz yáhulhduk.

Romans 10:21

ꞋEt hoontsꞌi Yakꞌusda Isaiah ꞌen gha Israel ooduneꞌne njan ꞌet ꞌúbulhni, “Dzin dulyiz whe nohkaꞌdúzni khun tilah stsꞌu tóohdilh ha. ꞋEt hoontsꞌi ꞌaw ꞌukꞌú nulheꞌustꞌenne ꞌinkꞌez ꞌutsꞌun ꞌuninzunne hinli. ꞋInkꞌez ꞌaw stsꞌó tooyaꞌ hukwa lheꞌhunízun.”

Hebrews 12:25

Yakꞌusda nohbulh yálhduk-un, ꞌet huwun nohbulh yalhduk-un, khun dah doohtniꞌ junih. Soo cho whunulhꞌen, yun kꞌut ꞌet ndúbulhni ꞌet hoontsꞌi ꞌaw hikꞌu nulheꞌitꞌel, ꞌet huwa hoolhtus whe buba nahizya. ꞋEt ꞌandit yakꞌuz whutsꞌun nebulh yalhduk-un, ꞌen oochꞌaz nátsꞌulhya de, ꞌet ꞌon nus dáwhultus whe neba nahutideh.

Hebrews 9:15

ꞋEt huwa ndi ꞌandit-i khuni neba lhaídinla-i, ꞌet Christ ꞌen neba ꞌukꞌelha whulhtsi-un unli. Ndunne njan ꞌudechoo khuni buba lhaídinla-i, ꞌet hukwꞌúne ꞌuhootꞌen hukwa ꞌuhitꞌen, ꞌet hoontsꞌi lubeshi ꞌuhalhꞌen, ꞌenne tsꞌiyawh tulalhgus kꞌut buba dazsai ꞌet whe njan ꞌudechoo khuni buba lhaídinla-i, ꞌet whuchꞌa whula naditnine huzdliꞌ. ꞋEt whe la mbene la ꞌilhiz wheni hudutijih ha bukaꞌ daniꞌ, ꞌenne ndi ꞌandit khuni buba lhaídinla-i, ꞌi huyólhchoot ha.

Revelation 22:17

ꞋEt Ndoni ꞌinkꞌez Jesus ghu tidalh-un bulh, “ꞋAnih!” hutni. ꞋInkꞌez mbe whuditsꞌo-un, ꞌen cha, “ꞋAnih!” hudooniꞌ. Mbe la taꞌóosda-un cha diz tóoyaꞌ ꞌinkꞌez ndi be tsꞌúkhuna-i whutooꞌ, ndet hukwaꞌ ninzun totsuk, hiyootnaiꞌ.