Matthew 22:19 - Yak'usda Ooghuni

¹⁹ Deꞌ nyoo sooniya snalhtsꞌet nahꞌa!” ꞋIlho sooniya tsꞌuditiꞌ-i hitlꞌa húyanꞌai.

Matthew 22:19 Iomraidhean Croise

Matthew 17:25

“A,” ni. ꞋEt Peter yoh tsꞌu whinya. ꞋEt Jesus yutso yatílhduk ꞌinkꞌez ndúyulhni, “Simon, daja ninzun? Sooneya lerwene buba ꞌukꞌelha yutaleh-i, sooniya ꞌilhunahosꞌaih? Dichꞌoh bubuzkeh tilah kꞌus nꞌawh whutꞌenne tilah buba kꞌelha huwhulhtsꞌih?”

Matthew 18:28

ꞋEn ꞌulhna za ꞌaz whinya ꞌilhoghun dudulh ꞌulhna-un, ꞌen nayilhti. ꞋEn whunizyat whunizyai (100) sooniya tsꞌuditiꞌ-i, be yutsꞌu whulhꞌai. Yuzool ílhchoot ꞌinkꞌez uyúlhni, ‘Ndai la bé ntsꞌo zusꞌai-i, sba ookꞌelha hoolhtsi!’

Matthew 20:2

ꞋEt ubalhꞌaꞌne ꞌilho sooniya tsꞌuditiꞌ ꞌi dzin ndulyiz whe hikꞌelha ꞌutitꞌelh-un, huhóostꞌet. ꞋEt huwa tsꞌekoo tooꞌ mai chun ha niyeh kꞌez whe balhꞌaꞌ.

Matthew 22:18

ꞋEt hoontsꞌi Jesus tꞌeooninzun ntsꞌenꞌa la hoontsiꞌ kꞌoh tsꞌe hoontꞌoh, ꞌet huwa ꞌubulhni, “ꞋEt di ha soo zúlhtsꞌi? Nohni duba naꞌudzooꞌne ꞌahtꞌoh!

Matthew 22:20

ꞋEt ꞌubulhni, “Mbe oonin ꞌinkꞌez booziꞌ cha ookꞌusguz?”

Mark 12:16

ꞋIlhoghun sooniya yutlꞌa ínꞌaih. ꞋEt Jesus uboodulhkut, “Mbe oonin ꞌinkꞌez booziꞌ cha ookꞌusguz?” ꞋEt ꞌuhuyúlhni, “Keyoh whumoodih Caesar huyúlhni-un ꞌuntꞌoh.”

Revelation 6:6

ꞋInkꞌez nyoo dunghi ꞌusjiz-i ootoh tsꞌe ꞌuwhutni, “Lhes ha núyeh-i oosaꞌ ꞌilho dizbun, ꞌi ꞌilho sooniya denarius huyúlhni-i, ꞌi kꞌelha yutizꞌai. ꞋInkꞌez ta oosaꞌ ndultsuk-i tlꞌo maiꞌ, barley huyúlhni-i, ꞌi ꞌilho sooniya denarius, ꞌi kꞌelha yutizꞌai. ꞋInkꞌez khe be ꞌutꞌes-i ꞌinkꞌez tsꞌekoo tooꞌ cha, ꞌi ꞌohwhi khun te nintaꞌoolhꞌen junih.”