Matthew 22:16 - Yak'usda Ooghuni

¹⁶ ꞋEt whe Phariseene bugha hodilhꞌeꞌne ꞌinkꞌez Herod didowhne cha, Jesus tsꞌe whebuhalhꞌaꞌ. ꞋEt nduhúyulhni, “Dune hodulhꞌeh-un tꞌetsꞌoninzun nyun tsꞌihꞌun dune ꞌintꞌoh ꞌinkꞌez khuni ꞌalha ꞌuntꞌoh-i be Yakꞌusda kꞌunꞌa dune hodilhꞌeh. Tsꞌiyanne mba lhgha ꞌintꞌoh. Dune dahótꞌen ꞌet hoontsꞌi mba ꞌantsꞌi ꞌuhoontꞌoh.

Matthew 22:16 Iomraidhean Croise

Matthew 22:24

Hiyoodulhkut, “Dune hodulhꞌeh-un Moses njan ndutni, dune ꞌaw buzkeh hooloh whe dazsai ꞌinkꞌez ooꞌat khuna de, ꞌet bulhutsin ꞌen yughu naoodaꞌ hubaꞌ hoontꞌoh. Bulhutsin ꞌen dughe inleꞌ yughu nasda de, dulhutsin ba buzkeh whutaleh.

Matthew 22:26

Búlh nane cha dazsai. Bulh tat-un, ꞌen cha whuz unꞌa za ꞌuja. ꞋEt dúwhulyiz whe lhtakꞌantꞌine tsꞌiyawh yahadla.

Matthew 26:18

ꞋEt ubúlhni, “Nghuz keyoh whuti whuz ꞌahdulh. ꞋIlhoghun dune sba dáhni, ‘Nehodulhꞌeh-un njan ndutni, ꞌawet sba nilhdukw hoozulh. Nyoh tsꞌe ndunne sgha hodulꞌehne njan butus lhuseya-un, ꞌalhgoh bubulh whunatiznih.’”

Matthew 26:49

ꞋEt ꞌaho Jesus yughu ninya whe “Hadih Rabbi,” yulhni ꞌinkꞌez naiditsꞌooz.

Mark 10:17

ꞋEt Jesus ti tizya whe ꞌilhoghun dune yutsꞌu tílhgai ꞌinkꞌez yubut dugwutsi be nenínya ꞌinkꞌez yoodalhkut, “Dune hodulhꞌeh-un unzoo-un, dastꞌen whe ꞌilhiz khutisnalh-un whuchꞌa ootásdoh?”

Mark 12:13

ꞋEt whulohne Phariseene ꞌinkꞌez Herod ooduneꞌne cha Jesus khuni be huyoolhgooh ha hitsꞌú whe bahalhꞌaꞌ.

Mark 12:14

Jesus highu nindil whe ꞌuhutni, “Dune hodulhꞌéh-un tꞌetsꞌonínzun tsꞌihꞌun zaꞌ danelh. ꞋAw ꞌuyoonne daja huntizilh-un huwu ni lhínlo. Dune dantꞌóhne hoontsꞌi lhubunílhꞌen ꞌet hoontsꞌi Yakꞌusda beni kꞌoh tsꞌe huwun khuni ꞌalhaꞌ ꞌuntꞌoh-i be whúbodilhꞌeh. ꞋEt nedíni, Roman keyoh whumoodih ootsꞌun yun kꞌelha tsꞌuhoolhꞌi ꞌukꞌelha tsꞌuholhꞌeh kꞌus ꞌawundooh?”

Mark 3:6

ꞋEt ꞌahoh Phariseene lugliz tenáhundil ꞌinkꞌez Herod didowhne bulh highu yalhduk ntsꞌenꞌa Jesus hituzilhghelh ꞌet wheni lhahóduleh.

Mark 8:15

ꞋEt Jesus bugha ꞌutni whe, “Huwohleꞌ, ꞌahoolhyiz khuhdli Phariseene ꞌinkꞌez Herod bules untuldoh-i chꞌa,” ubúlhni.

Luke 20:21

ꞋEt nunúlꞌiꞌne huyoodulhkut, “Whunehodulhꞌeh-un tꞌetsꞌoninzun tsꞌihꞌun unꞌa yailhduk. Tsꞌiyanne mba lhgha ꞌúhintꞌoh. Tsꞌihꞌun unꞌa Yakꞌusda kꞌunꞌa dune hodilhꞌeh.

Luke 7:40

ꞋEt Jesus uyúlhni, “Simon, hoonliyaz nyudutásnelh.” “Nehodulhꞌeh-un dini,” ni.

John 14:6

ꞋEt Jesus ꞌuyulhni, “Si yakꞌuz ti ꞌustꞌoh, khuni ꞌalhaꞌ ꞌuntꞌoh-i usdli, ꞌinkꞌez ꞌilhiz wheni be tsꞌukhuna-i, ꞌi cha usdli. ꞋAw ꞌilhoghun hoontsꞌi sBá yutsꞌun tóoyaꞌ ꞌaítꞌoh, si sgha za ꞌet ndótinelh.

John 18:37

ꞋEt huwa Pilate yoodulhkut, “ꞋEt de lerwe inli whe ꞌintꞌoh!” ꞋEt Jesus ꞌuyulhni, “Nyun ꞌalhaꞌ ꞌudini lerwe usdli. ꞋEt wheni whuzúsdli ꞌet huwa yinka whuduneꞌne soo cho dudeni be khuni ꞌalhaꞌ ꞌuntꞌoh-i tꞌéhinoozeh ꞌinka ndi yun kꞌut nenúsya. Mbene la khuni ꞌalhaꞌ ꞌuntꞌoh-i tꞌehuninzunne, daja dusni la soo cho suhoozílhtsꞌai.”

John 7:18

ꞋEt dune didutchꞌoh khuyanalduk de, dichꞌoh dutátiꞌ-i ꞌet za hukwunúta whe ꞌutni. ꞋEt hoontsꞌi dune yalhdúk-un, mbe la whuz de yútilhꞌaꞌ-un, ꞌen yudutálhtiꞌ-un hukwunúta de, ꞌen tsꞌihꞌun unꞌa dune unli whe ꞌutni ꞌinkꞌez tankꞌus neꞌutꞌen-i ooghu whéyooloh.

2 Corinthians 2:17

ꞋEt lhane Yakꞌusda ooghuni ꞌutsꞌun unꞌa náhuyulhꞌen. ꞋEt whe sooniya ꞌuhulhꞌen. ꞋEt wheni ꞌaw ndúlhtsꞌitꞌoh. ꞋEt tsꞌihꞌun unꞌa Yakꞌusda ba yatsꞌulhduk wheꞌ tsꞌutni, ꞌet whuz unꞌa oonalh whe Christ ꞌen be yatsꞌulhduk.

2 Corinthians 4:2

ꞋEt hoontsꞌi dune nunúlꞌiꞌne hukwaya hoonli, ꞌet huwa wheni tsꞌiyawh ꞌet whuchꞌa dah tsꞌutni. Dune naznaꞌah-un, ꞌet wheni ꞌaw ndúlhtsꞌustꞌen. ꞋInkꞌez Yakꞌusda ooghuni ꞌaw whutsꞌit bulh lhtalhtsꞌusdloh. ꞋEt hoontsꞌi khuni ꞌalhaꞌ ꞌuntꞌoh-i búbuznulhtun. ꞋEt whuz unꞌa Yakꞌusda nalh tsꞌiyanne buyo tsꞌe oogha tꞌetsꞌoninzun-i, ꞌi tsꞌun buba natsꞌoodutadziꞌ.

2 Corinthians 5:16

ꞋEt ꞌinka ꞌandit dzin whutsꞌun ndi yun kꞌut dune nena be uznilhꞌen dahíntꞌoh la, ꞌet ꞌaw whuz unꞌa iloh whe dune tꞌebuzninzun. ꞋEt hoontsꞌi ꞌet whuz unꞌa Christ ꞌen ghun tꞌezninzun. ꞋEt hoontsꞌi ꞌandit ꞌaw whuz unꞌa za ꞌen ghun tꞌetsꞌonínzun.

Galatians 1:10

Daja nuhzun? Yakꞌusda tilah kꞌus dune tilah ba whudóstiꞌ? Soo cho whunulhꞌen, dune ba ꞌuszoo naꞌduduzꞌi de, ꞌet de Christ be ꞌulhna-un tisdleh, ꞌaw oosdleꞌ ꞌaitꞌoh.

Galatians 2:6

ꞋEt ndunne nchane unli butsꞌutni, ꞌenne lhgha za ubunusꞌen. Mbe hinli ꞌet hoontsꞌi sba dalhúhitꞌoh. Yakꞌusda nalh lhgha za ꞌutsꞌintꞌoh ꞌet huwa.

1 Thessalonians 2:4

ꞋEt hoontsꞌi Yakꞌusda nebulh soo neooninꞌai whe ooghuni unzoo-i, ꞌi be netlꞌa honꞌai, ꞌet whuz unꞌa za yatsꞌulhduk. ꞋEt hoontsꞌi dune hodutátsꞌo ꞌet hukwaꞌ huninzun, ꞌi khuni ꞌaw whuz unꞌa iloh yatsꞌulhduk. ꞋEt kꞌus Yakꞌusda netsꞌu hukwaꞌ ninzun-un, ꞌet za howu yatsꞌoolhduk. Yakꞌusda ꞌen nedzi yoolhdzih.

James 3:17

ꞋEt hoontsꞌi ndus de be whutnih-i, ꞌudechoo-i netsun hooloh neilhꞌi, ꞌinkꞌez nedzi dizghel cha yulhtsi, ꞌinkꞌez nánilhtsulyaz néꞌtsꞌutꞌen. ꞋEt whe ꞌuyoonne hukwaꞌ huninzun kꞌunꞌa bugha tsꞌúwhunle. Be teꞌ nudzun-i, cha ꞌuztitꞌelh, ꞌinkꞌez ꞌuyoonne ba cha ꞌutꞌen unzoo-i ꞌutsꞌoolhꞌen. ꞋInkꞌez tsꞌiyanne lhgha za nebutsꞌoolhꞌen, ꞌinkꞌez ꞌaw nawh lheꞌtsꞌunizun whe neꞌtsꞌootꞌen.

1 John 5:20

Yakꞌusda ooYeꞌ whusainya ꞌinkꞌez tꞌetsꞌonínzun njan tꞌetsꞌonózin-un, ꞌet negha óoninꞌai. ꞋEt whe ndun ꞌalhaꞌ ꞌuntꞌoh-un tꞌeznoozeh ha. Ndun ꞌalhaꞌ ꞌuntꞌoh-un, ꞌen bulh ꞌutsꞌintꞌoh. OoYeꞌ Jesus Christ ꞌen bulh ꞌutsꞌintꞌoh. Ndun ꞌen ꞌuntꞌoh soo ꞌalhaꞌ Yakꞌusda ꞌuntꞌoh ꞌinkꞌez ꞌilhiz be tsꞌúkhuna-i unli whe ꞌuntꞌoh.