Matthew 22:14 - Yak'usda Ooghuni

¹⁴ Njan ꞌet ndutni whe ꞌutni, lhane ghu nusja ꞌet hoontsꞌi ntsꞌitneyaz za ꞌutahálya.”

Matthew 22:14 Iomraidhean Croise

Matthew 20:16

ꞋEt huwa Jesus njan howu yalhduk whe ubúlhni, “Mbene la ꞌudekꞌoh unline, ꞌenne ꞌudechoo nahutidleh. ꞋInkꞌez ꞌudechoo unline, ꞌenne ꞌudekꞌoh nahutidleh. ꞋEt huwa Yakꞌusda lhane ꞌanih dániꞌ, ꞌet hoontsꞌi ntsoolneyaz za ꞌutahaínla.”

Matthew 24:22

ꞋOh de hoondukw nalhuhóodlel de, ꞌaw dune doojihne hooloh. ꞋEt hoontsꞌi ꞌutꞌahályane, ꞌenne bugha hoondukw whutilꞌeh.

Matthew 24:24

ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

2 Peter 1:10

ꞋInka sulhutsinke nohdzi ndulcho-i be ꞌinkꞌez ꞌon ꞌun cha, ꞌet ntsꞌenꞌa la dutihjih ha nohkaꞌ daniꞌ, ꞌinkꞌez ꞌutahalyane ꞌahli soo tsꞌihꞌun unꞌa njan ꞌet whunaoodoolhnoh junih. ꞋEt ndi tsꞌiyawh ꞌi be whuz unꞌa ndahtꞌen de, ꞌet de ꞌaw ntoohghalh ꞌaitꞌoh.

Revelation 17:14

Ndunne ꞌusbaiyaz bulh lhotigan. ꞋInkꞌez ꞌusbaiyaz buchꞌaꞌ tilhdoh! ꞋEn ꞌuntꞌoh moodihne buMoodihti unli ꞌinkꞌez lerwene bulerwe cha unli ꞌet huwa. Ndunne yulh ꞌúntꞌohne, ꞌenne ꞌutahálya ꞌinkꞌez ooghu nusjáne, ꞌenne ꞌaw Jesus hilalhditnelne hinli.”