Matthew 22:10 - Yak'usda Ooghuni

¹⁰ ꞋEt be ꞌulhnane ti tsꞌe whehandil. Mbene la nabuhinlane, ntsiꞌne ꞌinkꞌez unzoone tubulh ꞌalhgoh tsꞌiyawh whusábahanla. ꞋEt naꞌhutitꞌulh-un yoh whudizbun.

Matthew 22:10 Iomraidhean Croise

Matthew 13:38

Ha niyeh kꞌet, ꞌi yun kꞌut ꞌuhoontꞌoh. Mai unzoo-i, ꞌi yakꞌuz whulerwe buzkehne, nuhíntꞌoh. ꞋEt hoontsꞌi ꞌutꞌantsiꞌ, ꞌi ntsiꞌ-un buzkeh nuhíntꞌoh.

Matthew 22:9

ꞋEt huwa ti tsꞌóhdulh. Lhane cho nahla de, ꞌenne tsꞌiyawh bughu nóhdilh.

Matthew 25:10

Whuz whehandil whe ꞌat titꞌelh-un bukꞌelhꞌo whusaínya. ꞋInkꞌez yuba lhadintꞌohne, naꞌhutitꞌulh tsꞌe huyúlh danindil, ꞌinkꞌez dati dánahidintan.

Matthew 9:15

ꞋEt Jesus ꞌubulhni, “Mbe la ooꞌat whutaleh-un, ookꞌekene, ꞌawhuz huyulh ꞌuntꞌoh, ꞌenne cha eh soo húhootanih? ꞋAwundooh! ꞋEt hoontsꞌi ꞌoh de de ookꞌekene buchꞌa nahuyitálhtelh, ꞌet de za soo hóohootanih.

2 Corinthians 12:21

ꞋInka whesaz whe doo cha za nohtsꞌu natisdalh. Kꞌus lhane nohtoh lubeshi ꞌuhínla tilah. Lheꞌhóozooꞌ tuneꞌ hutꞌen. Dune tsꞌeke bulh nintaꞌutꞌi ꞌet whe lubeshi ꞌulhꞌen. ꞋInkꞌez lubeshi dutsun-i ꞌuhulhꞌen. ꞋEt ꞌawhuz tilah budzi kꞌoh nalheꞌhuyilel. ꞋEt whuz unꞌa ꞌet ndúhoontꞌoh de, ꞌet howa sdzi yo ꞌútinelh ꞌinkꞌez howu ni tisdleh. ꞋEnne bugha Yakꞌusda ꞌet yo úsutilelh.

1 John 2:19

Netsꞌu ha hándil wheꞌ hintꞌoh ꞌet hoontsꞌi ꞌaw nebulh didowhne iloh ꞌuhintꞌoh. Nebulh didowhne ꞌuhintꞌoh de, nebulh za da ꞌuhootꞌeꞌ ooleꞌ. ꞋEt hoontsꞌi whehandil ꞌet huwa la tsꞌiyanne tꞌebunózin ꞌaw nebulh didowhne lhuhíloh.

Revelation 5:9

ꞋInkꞌez ꞌandidi shun ꞌi hiyé whenijun whe njan duhutni, “Ndi ꞌudustlꞌus itálhchulh ꞌinkꞌez oodáhaꞌ datalhchꞌulh ꞌet huba soo ꞌíldzooꞌ. Dune nyozilhghi ꞌinkꞌez ꞌuyoonne tsꞌiyanne didohne, ꞌinkꞌez lhelhtsꞌun unꞌa yalhdukne, ꞌinkꞌez ꞌuyoonne dune, ꞌinkꞌez lhelhdun keyoh whutꞌenne cha, nyuzkaiꞌ be tsꞌiyawh Yakꞌusda ba naneonket, ꞌet huwa.

Revelation 7:9

ꞋEt hukwꞌelhꞌaz whunisꞌen ꞌinkꞌez lhane dune, huldlai kꞌet ꞌaw ꞌubutsꞌolhto ꞌaitꞌoh, ꞌenne ubunusꞌen. Lhelhdun keyoh whutꞌenne, lhelhdoh didowhne. Yinka duneꞌne cha. Tsꞌiyawh lhelhtsꞌun unꞌa yalhdukne ꞌuhintꞌoh. ꞋEnne tsꞌiyawh kwꞌutsꞌuzda cho diztiꞌ-i ꞌinkꞌez ꞌusbaiyaz hibut núdilhya. Tsꞌiyawh ꞌulhyul-i nahuyitsꞌuz-i be dune hinli ꞌinkꞌez ꞌul tlꞌotel, ꞌi nahídule.