Matthew 21:9 - Yak'usda Ooghuni

⁹ ꞋEt ꞌawet ꞌilhunaoodilhne whulohne ootso ꞌinkꞌez whulohne ookꞌoh tsꞌe hidulh ꞌinkꞌez tube cho huhuyih whe nduhutni, “David ootsꞌu haínzut-un ba tsꞌodilhtiꞌ! NeMoodihti booziꞌ be whuz de úyalh. ꞋEn ꞌukꞌenus hoonzoo-un oogha whultsꞌut. ꞋEt soo yoodughi hidílhtiꞌ!” hutni.

Matthew 21:9 Iomraidhean Croise

Matthew 21:10

ꞋEt Jesus keyoh Jerusalem whuz oozya whe keyoh whutꞌenne khuna huntisdil whe ꞌulhodutni, “Ndun mbe whe ꞌuntꞌoh?”

Matthew 21:15

ꞋEt lubret bumoodihne ꞌinkꞌez Moses be ꞌudustlꞌus ꞌukꞌu nunáguzne, huwa ꞌítꞌen tuneꞌ ꞌustꞌen whe hinalhꞌen. ꞋInkꞌez tsꞌoodunne, cha lugliz whucho sulyahalhduk whe njan nduhutni, “David ootsꞌu haínzut-un ooba tsꞌodilhtiꞌ!” ꞋEt lubret ꞌinkꞌez ꞌonghunne cha honalhꞌen whe hukwa ha hunilchꞌe.

Matthew 23:39

ꞋInka ꞌaw ꞌon ꞌun sulh tuzihꞌel. ꞋEt ndudútihnelh de za, ‘Mbe la Yakꞌusda booziꞌ be whusatíyalh-un, ꞌukꞌenus hoonzoo-un ootsꞌó tiltsꞌulh,’ ꞌet de za sutihꞌelh!”

Matthew 9:27

Jesus natisja whe nane dune hoos̱ꞌenne hiyuntizꞌaz ꞌinkꞌez hikazulh, “NeMoodihti David ootsꞌuhainzut-un negha teꞌninzeh!”

Luke 13:35

Whunulhꞌen, Jerusalem whutꞌenne nohkeyoh ꞌaw hoonli hooloh suliꞌ whe nohba ꞌet nenáwhultsꞌut Yakꞌusda nohladutitnih. ꞋInkꞌez ꞌalhaꞌ nohdusni, ndet la whusaóotiltsꞌulh, ꞌet ꞌoh de ꞌet ndudútihnelh, ‘Mbe la Moodihti booziꞌ be whusatiyalh-un, ꞌen ꞌukꞌenus hoonzoo-un oogha whultsꞌut.’ ꞋEt ndudútihnelh whutso, ꞌaw soohꞌen ꞌaitꞌoh.”

Luke 2:14

“Yakꞌusda ꞌudedo yakꞌut, ꞌen uzdilhtiꞌ. ꞋInkꞌez ndi yun kꞌut nedzi doghel, ꞌi be tsꞌiyanne dune butsꞌun hoonzoo holeꞌ!”