Matthew 21:44 - Yak'usda Ooghuni

⁴⁴ ꞋInkꞌez mbe la ndi tse hikꞌiltsꞌutne, tsꞌiyawh yahidutátih. ꞋInkꞌez mbe la bukꞌé diltsꞌutne, tsꞌiyawh musai hutileh.”

Matthew 21:44 Iomraidhean Croise

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Matthew 21:45

ꞋEt Lizwif lubret bumoodihne ꞌinkꞌez Phariseene cha, ndi khuni be nawhutnuk-i whulh ꞌúhudantsꞌo whe tꞌehonanzin Jesus didut bughu yalhduk whe ꞌutni.

Matthew 26:24

ꞋAlhaꞌ Yinka Dune Yeꞌ ntsꞌenꞌa la ooba ꞌukꞌehooguz, whuz unꞌa ꞌutinelh datitsah. ꞋEt hoontsꞌi dune mbe la whutlꞌa yálhti-un, ꞌen ꞌukꞌenus hoontsiꞌ-un oogha óotaltsꞌulh. Ndun dune ꞌaw lhuhóolel de, ꞌet de daꞌ ꞌon nus ooba hózooꞌ ooleꞌ.”

Matthew 27:25

Tsꞌiyanne dune ꞌet ꞌuhutni, “Wheni tsꞌiyawh neuzkeh tubulh buzkaiꞌ whutaleh-un, ꞌet nekꞌéholtsꞌit!”

Luke 2:34

ꞋEt Simeon Yakꞌusda tsꞌu hukwaꞌ daniꞌ butsꞌun óozooꞌ ha. ꞋInkꞌez ooloo Mary ꞌen njan ndi yulhni, “Ndet huba ndun tsꞌoodun Yakꞌusda ꞌen buba ꞌutahayálhti-un ꞌuntꞌoh, ꞌet nyudutasnelh. Israel ootsꞌu hainzutne, ꞌen gha lhane nahutikulh ꞌinkꞌez lhane dunahudutádulh. ꞋInkꞌez highu tꞌeooninzun ꞌet hoontsꞌi hichꞌaz yatilhduk.

Luke 20:18

Mbene ndi tse yikꞌiltsꞌut-un, tsꞌiyawh yahidutátih. ꞋInkꞌez mbene la ndi tse bukꞌé diltsꞌutne, musai tileh.”

John 19:11

ꞋEt Jesus uyúlhni, “ꞋAw ndus de yakꞌuz whutsꞌun ngha lhúhootꞌal de, ꞌaw sando ꞌontꞌeꞌ ꞌaítꞌoh. ꞋEt huwa mbe la ntlꞌa sálhti-un, ꞌen oolubeshi nyun nlubeshi anus ꞌulcho.”

Romans 9:33

ꞋEt soo whuz unꞌa ꞌuhóoja nus hóoꞌen-un Isaiah whutsodaꞌ Yakꞌusda dája bubúlhni la whe ꞌutni, “Whunulhꞌen, keyoh Zion tsꞌuwhútni-un, ꞌet tse ꞌet nedúntasꞌalh, ꞌi la dune hinedúntidaih. ꞋEt mbene la Yakꞌusda ooghuni lhuyúlhchootne, ndi tse buba lheꞌyízooꞌ. ꞋEt hoontsꞌi mbene la ooba ꞌalha ꞌuhoontꞌohne, ꞌenne ꞌaw hukwaya hooleꞌ ꞌaítꞌoh.”

1 Thessalonians 2:16

ꞋUdun yun kꞌut whutꞌenne hudoojih ha bubulh yaztilhduk, ꞌet whuchꞌa nehuniyoot. Ndunne Lizwifne ꞌuhuyulhꞌen-i ꞌet whe lubeshi be hudizbun. ꞋEt huwa Yakꞌusda ye bubulh hunilchꞌe-i, ꞌi ꞌilhiz wheni huyulh ꞌutitꞌelh.

1 Peter 2:8

ꞋInkꞌez ooghuni ndutni, “Ndi tse ꞌi hitꞌaz nunughalh ꞌinkꞌez ꞌi be ꞌahoolhyiz buba dzoh lhih.” Yakꞌusda ooghuni hikꞌu nulheꞌustꞌen, ꞌi gha nónughalh. ꞋEt whuz unꞌa Yakꞌusda bubaꞌ hóonla.