Matthew 21:42 - Yak'usda Ooghuni

⁴² ꞋEt Jesus ndúbulhni, “ꞋAw eh hukwꞌu yalhuzulhduk Yakꞌusda ooghuni daja ni inleꞌ daꞌ? ꞋUkꞌehooguz: ‘Ndi tse yoh ꞌuwhulhꞌenne ꞌún hidutilhꞌuz-i, ꞌi yoh ookꞌu whuzꞌai-un huba soo ꞌukꞌenus tse ꞌuntꞌoh-i suliꞌ. Moodihti whuz unꞌa ꞌuhoonla. ꞋInkꞌez wheni tube neba hooncha wheꞌ hoontꞌoh,’ ni.

Matthew 21:42 Iomraidhean Croise

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Acts 4:11

Jesus, ꞌen ꞌuntꞌoh Yakꞌusda ꞌukꞌu nusguz-i kꞌut ndutni whe ooghu yaduk, ‘Nohni yoh ꞌuwhulhꞌenne tse ꞌúndutulhꞌuz-i, ꞌi la ꞌuja ꞌukꞌenus tse ooka dáhotni-i suliꞌ.’

Romans 9:33

ꞋEt soo whuz unꞌa ꞌuhóoja nus hóoꞌen-un Isaiah whutsodaꞌ Yakꞌusda dája bubúlhni la whe ꞌutni, “Whunulhꞌen, keyoh Zion tsꞌuwhútni-un, ꞌet tse ꞌet nedúntasꞌalh, ꞌi la dune hinedúntidaih. ꞋEt mbene la Yakꞌusda ooghuni lhuyúlhchootne, ndi tse buba lheꞌyízooꞌ. ꞋEt hoontsꞌi mbene la ooba ꞌalha ꞌuhoontꞌohne, ꞌenne ꞌaw hukwaya hooleꞌ ꞌaítꞌoh.”

Ephesians 2:20

Nohni Yakꞌusda ooyoh léꞌahtꞌoh. Whelꞌaꞌne ꞌinkꞌez Yakꞌusda be nus hooꞌenne, tsꞌiyawh yoh ookꞌu whuzꞌaine hinli. ꞋInkꞌez nohni whunohodalhꞌeꞌ, ꞌet huwa bubulh ꞌáhtꞌoh. Christ ꞌen dichꞌoh ꞌukꞌenus tse yoh ookꞌu whuzꞌai-un unli whe ꞌuntꞌoh.