Matthew 21:31 - Yak'usda Ooghuni

³¹ ꞋEt Jesus ꞌutni, “Ndunne nane kꞌus mbe oobá buba hukwaꞌ ninzun ꞌoh te hukwꞌu neꞌhustꞌen?” “ꞋUdechoo-un, ꞌen za,” hutni. ꞋEt Jesus ndúbulhni, “Tsꞌihꞌun nohdusni ndunne sooniya nalhdzoohne ꞌinkꞌez tsꞌekoo ꞌulꞌenne cha, Yakꞌusda lerwe unli-un, whuz nohtso dahutidulh.

Matthew 21:31 Iomraidhean Croise

Matthew 12:50

ꞋEt huwa sBá ꞌen yakꞌuz usda, yukꞌuneꞌ ꞌutꞌen-un, ꞌen sulhutsin, sulhtus, ꞌinkꞌez sloo ꞌuhintꞌoh!”

Matthew 18:3

ꞋInkꞌez ꞌet ꞌúbulhni, “ꞋEt soo tsꞌihꞌun unꞌa nohdusni, ꞌaw ꞌutsꞌun unꞌa nalheꞌzahtne de, ꞌinkꞌez tsꞌoodunneyaz kꞌoh tsꞌe ꞌahtꞌoh nasahdliꞌ de, ꞌet de za yakꞌuz whulerwe unli-un whuz tihdulh.

Matthew 20:16

ꞋEt huwa Jesus njan howu yalhduk whe ubúlhni, “Mbene la ꞌudekꞌoh unline, ꞌenne ꞌudechoo nahutidleh. ꞋInkꞌez ꞌudechoo unline, ꞌenne ꞌudekꞌoh nahutidleh. ꞋEt huwa Yakꞌusda lhane ꞌanih dániꞌ, ꞌet hoontsꞌi ntsoolneyaz za ꞌutahaínla.”

Matthew 21:30

ꞋEt bulh nat-un ooyeꞌ, ꞌen cha yughu ninya ꞌinkꞌez ꞌuyulhni. ‘A, whuz toosyaꞌ ꞌinkꞌez ꞌoostꞌen la!’ yulhni. ꞋEt hoontsꞌi ꞌaw whuz lhtiyal.”

Matthew 5:18

ꞋAlhaꞌ dusni, Moses be ꞌudustlꞌus Hebrew bughuni kꞌunꞌa hoontꞌum-unyaz whe ꞌukꞌeguz-un ꞌinkꞌez hoontꞌum-unyaz usgus-un, ndet ꞌuwhulhni, ꞌet tsꞌiyawh ꞌet ndúhooja de, ꞌet whutsꞌun ꞌaw ndi yun ꞌinkꞌez yakꞌuz cha ꞌetsul ꞌuhóneh ꞌaitꞌoh.

Matthew 5:46

Mbene nohkꞌensiꞌne, ꞌenne za bukꞌehtsiꞌ de, di suba nohgha óokat? Ndunne sooniya nalhdzoohne, ꞌenne cha whuz unꞌa za nduhutꞌen.

Matthew 6:5

“Tenadahdli de, khun duba naꞌudzooꞌne kꞌoh tsꞌe tenadoohdli junih. Whuz unꞌa lizwif bulugliz cha nódilhya, kꞌus ti whulheto huhóontꞌiꞌ whe whuz unꞌa tenahududli tsꞌiyanne ubunoolhꞌen ha. Nohdúsni, ꞌudaꞌ buba ꞌukꞌelha whuzdliꞌ wheꞌ hintꞌoh.

Matthew 7:21

“ꞋAw tsꞌiyanne, ‘SMoodihti, sMoodihti,’ sulhnine, ꞌaw yakꞌuz kꞌuneꞌ tsꞌuwhulꞌen-un whuz hutooyaꞌ ꞌaitꞌoh. Mbe la ꞌuBá butsꞌo hukwaꞌ ninzun tuneꞌ ꞌutꞌenne, ꞌenne za yakꞌuz tsꞌe hutidulh.

Matthew 9:9

ꞋEt hukwꞌelhꞌaz Jesus ꞌoh whuya uyalh whe sooniya naldzooh-un, ꞌilhoghun dune Matthew huyulhni, ꞌet usda yunilhꞌen. “Sunanyalh,” yulhni. Dudinya ꞌinkꞌez yikꞌoh tsꞌe ꞌutitꞌelh ha yuntizya.

Luke 15:10

Whuz unꞌa za nohdusni, ꞌilhoghun dudeni nahundunizꞌai de, Yakꞌusda oolizasne tsꞌiyawh howun tálhni.”

Luke 19:22

ꞋInkꞌez ꞌuyulhni, ‘Nyunchꞌoh nze whe dája dini-un, ꞌet whe mba nahutisyeh. Seꞌulhna-un intsiꞌ. Tꞌeooninzun dantꞌoh-un dune usdli, dalhúzusꞌai-i, uschuk. ꞋInkꞌez ndai la ꞌalhnúsdlel-i ha núsdlih ꞌinkꞌez be sooniya ꞌusꞌen.

Luke 7:29

Tsꞌiyanne dune ꞌinkꞌez sooniya nalhdzoohne, Jesus daja ni hidantsꞌo whe Yakꞌusda buba ꞌalhaꞌ yija, John too beꞌ balhꞌen ꞌet huwa.

John 3:3

ꞋEt Jesus yúlhni, “Soo tsꞌihꞌun unꞌa nyudúsni, dune doo cha za whuzdli de, ꞌet de za Yakꞌusda lerwe unli-un whutiꞌelh.”

John 3:5

ꞋEt Jesus uyúlhni, “Soo tsꞌihꞌun unꞌa nyudúsni, dune too ꞌinkꞌez Ndoni be cha whuzdli de, ꞌet de za ntsꞌe la dune Yakꞌusda bulerwe unline ꞌet ꞌaw dahóoya ꞌaitꞌoh.

Acts 17:30

ꞋEt ꞌoh daꞌ dune tꞌehonúszun huwa Yakꞌusda dzoh nulhúbilhdzulh, ꞌet hoontsꞌi ꞌawet ꞌandit Yakꞌusda tsꞌiyanne dune ndulcho dudeni nahondunooleh ꞌubulhni.

Romans 3:19

ꞋAlhaꞌ tꞌetsꞌonínzun Moses be ꞌudustlꞌus hikꞌúneꞌ ꞌutꞌenne ꞌudustlꞌus daja ni la, tsꞌiyawh hikꞌúneꞌ ootꞌen hubaꞌ hoontꞌoh. ꞋEt whula gha tsꞌe tsꞌiyanne Yakꞌusda hibut neníndil de, lubeshi ꞌuhulhꞌen tꞌéhonínzun, ꞌet huwa ꞌaw hoonli ꞌuhudooniꞌ ꞌaítꞌoh.

Romans 5:20

ꞋEt ꞌon ꞌun cha Yakꞌusda dughuni Moses tlꞌa ídanꞌai, ꞌet whe la whunenulhtun dáhooltsuk whe Yakꞌusda ooghuni kꞌúzninyuz. Ndet la tꞌetsꞌonínzun lubeshi ꞌulhꞌen ntsiꞌne tsꞌinli de, ꞌet de natsꞌuhooꞌaih Yakꞌusda ye nétsꞌun únzoo-i, ꞌi ꞌon nus ulhtus whe nelubeshi yuchꞌaꞌ nilhde.

2 Peter 3:9

NeMoodihti ntsꞌenꞌa netsꞌu náhizya-un, ꞌaw saꞌ nulhéꞌustꞌen. ꞋEt whulohne saꞌ sla ꞌutꞌen huninzun. ꞋEt hoontsꞌi tube saꞌ neba sulhꞌi. ꞋAw ꞌilhoghun ninta ooltsꞌit hukwa lheꞌnizun. ꞋEt tsꞌiyanne dudzi nahondunooleh ꞌet za butsꞌu hukwaꞌ ninzun.