Matthew 21:3 - Yak'usda Ooghuni

³ Dune nohoodulhkut de, ‘Di ha ꞌubulhꞌen?’ nohuwhútni de, ‘NeMoodihti yukaꞌ ninzun,’ dóhniꞌ. ꞋEt ꞌaho stsꞌun bula dutitnih.”

Matthew 21:3 Iomraidhean Croise

Matthew 21:2

whe ꞌubulhni, “Njan keyoh whuyaz nohanchꞌaz whuz ahꞌus. ꞋEt whuz oozahꞌaz de, ꞌet ꞌaho yeztliyaz, donkey huyulhni, ooyaz bulh whehudintꞌi, ꞌet la ubunoolhꞌen, kꞌunaboohꞌuk ꞌinkꞌez diz stsꞌún ꞌubutoolhdlooh.

Matthew 21:4

ꞋEt whuz unꞌa ndi tsꞌiyawh ꞌoh tuneꞌ whustꞌen. ꞋI be nus honꞌen-un daja ni la, ꞌet ndulcho ꞌet ndúhooja ꞌet njan ndutni,

John 17:2

ꞋEt ntsꞌenꞌa whe yinka whuduneꞌne tsꞌiyawh buba ndo ootꞌeꞌ-un, ꞌet oogha óoninꞌai, ꞌet whe la mbene la sghá buninlane ꞌilhiz wheni huye khútinalh-i bugha ítasꞌalh.

John 3:35

Yakꞌusda ꞌen duYeꞌ yukꞌensiꞌ ꞌet huwa tsꞌiyaitsuk kꞌúneꞌ hoolꞌen-un, ꞌet yugha óoninꞌai.

Acts 17:25

ꞋEt ꞌinkꞌez dune buyiz huye khúna-i ꞌinkꞌez tsꞌiyaitsuk cha soo dichꞌoh za huwá yunle whe ꞌuntꞌoh. ꞋEt huwa ꞌaw dune ꞌuyinla-i yukalheꞌnizun.

2 Corinthians 8:16

Yakꞌusda tsꞌun musi tsꞌutni. Titus oodzi lhtus yulhtsi, ꞌet whe soo cho nohla titꞌelh ꞌet hukwaꞌ ninzun.

2 Corinthians 8:9

NeMoodihti Jesus Christ, ꞌen ye unzoo-i ooghu tꞌeoonáhzun ꞌet huwa. Dalcho-i be la hoonzooꞌ ꞌuntꞌoh, ꞌet hoontsꞌi nohni nohba telꞌen suliꞌ. ꞋEt whe ndai la ye telꞌen-i, ꞌi nohni be hoonzooꞌ oohneh.

James 1:17

NeBá, ꞌen yakꞌuz be hootꞌen-i tsꞌiyawh ꞌuyinla. Ndi be hootꞌen-i whuloh te ꞌutsꞌun unꞌa naꞌutꞌih ꞌinkꞌez tsawhúsꞌih leꞌ whulhꞌih. NeBá ꞌaw nawh huninizun-un unli iloh. ꞋEt huwa dai la ndus de negha nukat-i unzoo ꞌinkꞌez soo tsꞌihꞌun ꞌuntꞌoh, ꞌi tsꞌiyawh ꞌen za tsꞌu ha whúkat wheꞌ hoontꞌoh.