Matthew 21:26 - Yak'usda Ooghuni

²⁶ ꞋEt hoontsꞌi, ‘Dune tsꞌu ha hóoltsꞌut’ tsꞌutni de, ꞌaw ꞌuzdooniꞌ ꞌaitꞌoh, dune bubeznuljut, tsꞌiyanne John nus hooꞌen-un ꞌuntꞌoh huninzun ꞌet huwa.”

Matthew 21:26 Iomraidhean Croise

Matthew 11:9

Ndet whutihꞌelh-un hukwaꞌ tse hóohli? Nus hooꞌen-un tilah? A, ꞌalha ꞌuhoontꞌoh. ꞋEt ꞌinkꞌez nohdusni, nus hooꞌen-un anus hoonzoo-un whunalhꞌen!

Matthew 14:5

Herod yutuzilhghelh hukwaꞌ ninzun. ꞋEt hoontsꞌi dunene John ꞌen nus hooꞌen-un ꞌuntꞌoh huninzun, ꞌet huwa Herod bube nilhjoot.

Matthew 21:11

ꞋEt ꞌilhunaoosdilne hubuhútni, “Ndun ꞌen Jesus nus hooꞌen-un, ꞌen ꞌuntꞌoh. Keyoh Nazareth yun kꞌut Galilee whuzꞌai-un, whuz de hainya-un ꞌuntꞌoh.”

Matthew 21:25

Ntsꞌenꞌa John dune too be ꞌúlhꞌen? Mbe yutlꞌa honꞌai dune too be tilhꞌelh huba? Yakꞌuz tsꞌe tilah ha hóoltsꞌut, kꞌus dune tilah tsꞌu ha hóoltsꞌut?” Dichꞌoh lhtoh howu yahalhduk ꞌinkꞌez ꞌuhutni, “Yakꞌuz tsꞌe ha hóoltsꞌut tsꞌutni de, ꞌet la ꞌunedóneꞌ, ‘Di ha John nohba ꞌalha lheꞌdusni?’

Matthew 21:27

ꞋInka Jesus nduhuyulhni, “ꞋAw ntsꞌez de ha hóoltsꞌut tꞌetsꞌonuszun.” ꞋInkꞌez Jesus ndúbulhni, “Ndai be dune ando ꞌustꞌoh whe njan nduwhúsꞌen-un, ꞌaw nohdósniꞌ ꞌaitꞌoh.”

Matthew 21:46

Ntsꞌenꞌa suba Jesus huyitálhchulh-un ꞌet hukwaꞌ hutꞌen. ꞋEt hoontsꞌi dune éhunuljut. ꞋEnne Jesus nus hooꞌen-un ꞌuntꞌoh huninzun ꞌet huwa.

Mark 11:32

Kꞌus ‘Dune yugha óoninꞌai tsꞌutni de,’” duduneꞌne be bé hunuljut huwa, tsꞌiyawh dune tꞌehonínzun John dune too be ꞌulhꞌen-un, ꞌen Yakꞌusda be nus hooꞌen-un unli inleꞌ.

Mark 12:12

ꞋEt Jesus huyólhchoot hukwaꞌ hutꞌen tꞌehonínzun didut buchꞌaz yálhduk whe dune hodalhꞌeꞌ, ꞌet hoontsꞌi dune ꞌilhozdílne ehunuljut ꞌinka Jesus dalhúhuyilel whe whenáhidil.

Mark 6:20

Herod John dune too be ꞌulhꞌen-un yé nuljut, tꞌeoonínzun John dune tsꞌihꞌun dune unli, ꞌinkꞌez Yakꞌusda ooduneꞌ ꞌuntꞌoh. ꞋEt huwa yugha ꞌóoli yoozílhtsꞌai hóontꞌiꞌ, ꞌet hóontsꞌi yoozílhtsꞌai totsuk oodzi dútultsꞌuk.

Luke 20:19

Lizwif lubret bumoodihne, ꞌinkꞌez ndunne Moses be ꞌudustlꞌus ꞌukꞌu nunáguzne cha, ꞌet soo ꞌet sadzi hunitꞌo-un, ꞌenne Jesus hiyólhchoot hukwaꞌ hutꞌen. ꞋEt hoontsꞌi dune bubé hunuljut ꞌet huwun ꞌaw ꞌuhooneh ꞌaitꞌoh. Tꞌehoninzun ndi khuni bé whutsꞌodulꞌeh-i, didut buchꞌaz yalhduk whe ꞌutni ꞌet huwa.

Luke 20:6

ꞋEt hoontsꞌi dune tsꞌu ha hóoltsꞌut, tsꞌutni de, ꞌet dune tsꞌiyawh la tse be nehooghan. John ꞌen nus hooꞌen-un ꞌuntꞌoh ꞌet buba ꞌalha ꞌuhoontꞌoh ꞌet huwa.”

Luke 22:2

ꞋInkꞌez ꞌudedo lubretne, ꞌinkꞌez Moses be ꞌudustlꞌus ꞌukꞌu nunáguzne, Jesus whe hituzilhghelh-un, ꞌet hukwa hunuta. ꞋEt dunene bube hunuljut ꞌet huwa whunistꞌi be néꞌhutꞌen.

John 5:35

John ꞌen la too dízkꞌun ꞌinkꞌez be hóotꞌen-i ootsꞌu ha yándi ꞌet ndántꞌeꞌ. ꞋAtsulyaz wheni ndi be hóotꞌen-i, ꞌi be whunúlhni inleꞌ.

John 9:22

Oodusneke tꞌehonínzun Lizwif moodihne ꞌudaꞌ lhgha ꞌúhudija mbene la Jesus Christ ꞌuntꞌoh, ꞌuyoonne hudániꞌ de, lugliz ꞌet whuchꞌa huntájulh. ꞋEt huwa ndun dune oodusneke Lizwif moodihne bube hunuljut.

Acts 5:26

Lugliz whucho huwunlíne bumoodih, duduneꞌne tubulh whuz whe handilh, ꞌet ndunne ꞌilhozdílne bubé hunuljut doo ka la tse be bubuhooghan, ꞌet huwa whelꞌaꞌne nánilhtsulyaz nabuhílhchoot.