Matthew 21:23 - Yak'usda Ooghuni

²³ ꞋEt ꞌawet lugliz whucho daninya whe ꞌet dilhtsꞌine whe whúbondunilhꞌeꞌ. ꞋEt ꞌudedo lubretne ꞌinkꞌez dune ꞌutso whudilhdzulhne cha, highu nindil ꞌinkꞌez ꞌuhuyúlhni, “Nedini ndai gha dune ando ꞌintꞌoh whe njan ndintꞌen-un. ꞋInkꞌez mbe ntlꞌa honꞌai whe dune bukꞌunuhilhyeꞌ?”

Matthew 21:23 Iomraidhean Croise

Matthew 20:4

ꞋEt njan dúbulhni, ‘Nohni cha nghuz tsꞌekoo tooꞌ mai chun ha niyeh tsꞌe ꞌahdulh. Ntsꞌenꞌa la sooniya tsꞌihꞌun ꞌuntꞌoh-i, ꞌi nohba ꞌukꞌelha tiselh.’ ꞋInkꞌez whuz whehandil.

Matthew 21:24

ꞋEt Jesus ꞌubulhni, “Si cha ꞌilhoghun hukwaꞌ nohoodutaskut. Sudahni de, nohdutasnelh ndai gha dune ando ꞌustꞌoh whe njan ndustꞌen.

Matthew 24:1

ꞋEt ꞌawet lugliz whucho Jesus ꞌaz ꞌinkꞌez naja whe yugha hodulꞌehne highu nindil. Lugliz whucho ntsꞌenꞌa ꞌuhóolya ꞌet whuhínulhtun.

Matthew 26:55

ꞋEt ꞌawet ꞌoh whuya ꞌuhunitꞌoh whe Jesus ꞌilhunaoosdilne ndúbulhni, “ꞋEt di ha saluzti ꞌinkꞌez tutꞌoh cha nuhle ꞌinkꞌez ꞌundunustꞌih kꞌunꞌa ska tíhdil? Dzin totsuk lugliz whucho nohtoh susda ꞌinkꞌez whunohodusꞌeh. ꞋInkꞌez ꞌaw sulhúlhchulh.

Luke 19:47

ꞋInkꞌez ꞌet lugliz whucho dzin totsuk dune hodulhꞌeh. ꞋEt hoontsꞌi soo ꞌudedo lubretne, ꞌinkꞌez Moses be ꞌudustlꞌus ꞌukꞌu nunáguzne, ꞌinkꞌez dune tso whudilhdzulhne cha, tsꞌiyawh hituzilhghelh-un hukwa hitísꞌen.

Luke 20:1

ꞋEt ꞌoh daꞌ ꞌet ꞌilhudzin ꞌet ndúhooja. Lugliz whucho Jesus dune hodulhꞌeh whe khuni unzoo-i be bubulh yalhduk whe ꞌudedo lubretne, Moses be ꞌudustlꞌus ꞌukꞌu nunáguzne cha, ꞌalhgoh ꞌutso whudilhdzulhne hikꞌu dugháhinya.

Acts 4:7

Whelꞌaꞌne ꞌinkꞌez soo naꞌhuyinla-un, ꞌen cha dubut nébodinla ꞌinkꞌez hubuhoodulhkut “Dáhla whe ꞌahla? Ndai be úlhtus-i be uhtꞌi? Mbe booziꞌ gha ndun dune soo naꞌuhla?”

Acts 7:27

ꞋEt nyoon oogháꞌ whutꞌen-un Moses ꞌun beꞌ yunilhtsut ꞌinkꞌez la, ‘Mbe nemoodih ꞌinkꞌez nahíyilh-un nyulhtsi whe ꞌintꞌen?