Matthew 21:22 - Yak'usda Ooghuni

²² ꞋEt ndai ookaꞌ dahni tenadudli be, nohba ꞌalha ꞌuhoontꞌoh de, ꞌi tsꞌiyawh nohgha tíkulh.”

Matthew 21:22 Iomraidhean Croise

Matthew 18:19

Doo cha za ꞌunohdusni, ndai ookwa oodutalhkut-i, nane kꞌus tane ndi yun kꞌut lhgha nohba sooꞌ hoontꞌoh de, yakꞌuz usda-un sBá, ꞌen nohba ꞌuwhutilelh.

Matthew 7:11

Nohni lubeshi ꞌulhꞌenne ꞌahli, ꞌet hoontsꞌi tꞌeoonahzun unzoo-i nohuzke gha tíhꞌalh. Dáwhulcho-i be ꞌon nus ndo yakꞌuz nohBá yoodulhkutne, unzoo-i bugha tiꞌalh.

Matthew 7:7

“ꞋEt nohdusni Yakꞌusda ndai la ooka yoodulhkut-i nohgha ítaꞌalh. Ookunáhta ꞌinkꞌez nahootáhꞌalh. Dati dunulhkwꞌuz ꞌinkꞌez nohba dáhaꞌ dutikwus.

Mark 11:24

ꞋEt huwaꞌ nohdúsni, tenadahdli de, ꞌinkꞌez hoonli haꞌ dahni te ꞌalhaꞌ nahzun whe nohgha tíkulh nahzun de, ndai la ookaꞌ dahni-i nohgha tíkulh whe ꞌuntꞌoh.

John 14:13

ꞋInkꞌez ndai la si sooziꞌ gha ookaꞌ dahni-i ꞌoh te nohba neꞌtistꞌen. ꞋEt huwa la sBá ꞌen ooYeꞌ gha ooba whudóltiꞌ.

John 15:7

ꞋEt si syódulhtsꞌi ꞌinkꞌez sghuni nohyo dizꞌai de, ꞌet ndet hukwaꞌ nahzun-un, ꞌet tsꞌiyawh nohba ꞌet nduwhutanelh.

John 16:24

ꞋAndit whutsꞌun si sooziꞌ gha ꞌaw ootsꞌo hukwaꞌ dahní-un hooloh. ꞋEt sBá oodulhkut, ꞌet la nohgha whútaltsꞌulh, ꞌinkꞌez ꞌet la be tsꞌoohoontꞌiꞌ tihtꞌelh.”

James 5:16

Lhtsꞌun tankꞌus ꞌahtꞌen de, lhudóhni ꞌinkꞌez lhba tenadoohdli. ꞋEt ndahtꞌen de, ꞌet de la soo naꞌoohtneh. Tsꞌihꞌun dune, ꞌen tsꞌihꞌun unꞌa whe tenadudli de, ꞌet whuz unꞌa ootenadudli gha lhat-un hooncha túneꞌ whutitꞌen ꞌet huwa.

1 John 3:22

Di ootsꞌo óokaꞌ tsꞌutni-i, ꞌi negha íyunle, ooghuni tsꞌoontun ꞌinkꞌez hoonzoo whe oonalh neꞌtsꞌutꞌen ꞌet huwa.