Matthew 21:19 - Yak'usda Ooghuni

¹⁹ ꞋEt ti whuzih mai chun, fig huyulhni, yutilhꞌen. ꞋEt yutsꞌoozya ꞌaw oomaiꞌ ooghu hooloh. ꞋUtꞌan za ooghu hoonli whe ꞌuyulhni, “ꞋAw ꞌilhiz nyumaiꞌ hootáloh.” Ni ibulh duchun ꞌuyulhni-i dizgi.

Matthew 21:19 Iomraidhean Croise

Matthew 21:20

Yugha hodulꞌehne huyanꞌen whe tube buba hooncha. ꞋEt ꞌuhutni, “Nyoo mai chun, fig huyulhni, daja whe ꞌuja ꞌá dizgi?”

Mark 11:14

ꞋEt Jesus mai chun uyúlhni, “ꞋAw ꞌon ꞌat dune nyumaiꞌ hooꞌalh ꞌaítꞌoh!” ꞋEt ndutni whe yugha hodulꞌehne hidántsꞌo.

Mark 11:20

ꞋOm bun bundadaꞌ ti hidulh whe mai cho chun hinilhꞌen. Ooghih tubulh ꞌatsꞌo disuz.

Luke 3:9

Njan whunulhꞌen, nohni duchun léꞌahtꞌoh. ꞋAwet tsetselh lhadíntꞌoh-un oomaiꞌ hooloh-i, ooghih tubulh tsuhidantsel ꞌinkꞌez hidutálhkꞌun.”

John 15:2

Mbene la si sgha ꞌuzuschum unline, bumaiꞌ hooloh de, ꞌi ꞌuzooschum butsꞌu haídule. ꞋInkꞌez mbene la bumaiꞌ lhai de, ndai la ꞌutsiꞌ-i bughu wheyoonli-i, ꞌi ꞌet de la ꞌon nus bumaiꞌ lhai ooleꞌ.

John 15:6

Mbene la si syudínda ilohne, ꞌenne ꞌuzooschum kꞌunꞌa kꞌuhídutꞌus ꞌinkꞌez nꞌun hidutulhtꞌoh, ꞌet dugi, ꞌet nduhíntꞌoh. ꞋOhwhi ꞌuzooschum nahidulhdzooh ꞌinkꞌez tsuh hidulhkuk ꞌinkꞌez hidílhkꞌun.

2 Timothy 3:5

ꞋEt Yakꞌusda ba ndi yun kꞌut hudilhtsꞌi naꞌhududilꞌi ꞌet hoontsꞌi Yakꞌusda yé ulhtus-i hitsꞌoodidlai. Timothy nduntꞌohne, ꞌenne buchꞌa nasindaih.

Titus 1:16

Nduntꞌohne, “Yakꞌusda tꞌeznínzun,” hutni, ꞌet hoontsꞌi dude ꞌutꞌen be hichꞌaz ditni. ꞋEnne butsꞌu hoontsiꞌne hinli, ꞌinkꞌez dichꞌoh kꞌuneꞌ hutitꞌen-un ꞌet za hukwaꞌ huninzun. ꞋEt ꞌutꞌen unzoo-i ꞌuhutilhꞌelh-un, ꞌaw huba soo lheꞌhildzooꞌ wheꞌ hintꞌoh.

Jude 1:12

Lhkꞌehsiꞌ whe lhla naꞌahtꞌalh, ꞌet hoontsꞌi ndunne ooghu yasdukne ꞌaw whelhoniljut whe nohlaꞌ ha ꞌalh. ꞋEnne ꞌantsꞌi howa ꞌóodli-i teh noo duhúltꞌoh. Dichꞌoh za soo neꞌhududulꞌen. ꞋAntsꞌi kwꞌus too ooghu hooloh-i leꞌ hintꞌoh. ꞋEt kwꞌus kꞌunꞌa ndulcho bubúlh nutsꞌi. ꞋAntsꞌi dakꞌet mai chun mai ooghu hooloh leꞌ hintꞌoh. ꞋInkꞌez ooghih bulh ꞌantsꞌi há nahuyulhchꞌulh leꞌ ꞌúntꞌoh. Nat daházsai leꞌ hintꞌoh.

Revelation 22:11

Mbe tsꞌihꞌun lheꞌitꞌoh-un, whute ꞌet za ndótꞌeꞌ. Mbe dutsun-un, whute ꞌet za ndótꞌeꞌ. ꞋInkꞌez mbe tsꞌihꞌun ꞌuntꞌoh-un, ꞌet za ndótꞌeꞌ. Mbe Yakꞌusda ba ꞌudun nelya-un, ꞌet za ndótꞌeꞌ,” ni lizas.