Matthew 21:17 - Yak'usda Ooghuni

¹⁷ ꞋEt buchꞌa nasja ꞌinkꞌez keyoh whuti huwu whenája. ꞋInkꞌez keyoh whuyaz Bethany tsꞌoozya whe ꞌet inteꞌ.

Matthew 21:17 Iomraidhean Croise

Matthew 16:4

ꞋAndit yinka dilhtsꞌi lubeshi tsꞌu nintꞌine ꞌuhintꞌoh. ꞋAhoolhyiz dune tsꞌeke bulh nintaꞌhutitꞌelh-un, whutsꞌó nintꞌi. Hooncha huwa ꞌítꞌen-un whuntilhꞌelh hukwaꞌ hitisꞌen. ꞋEt hoontsꞌi ꞌaw hoohꞌen-un nohghá holtsꞌit ꞌaitꞌoh. Jonah bulh dáhooja inleꞌ la, ꞌet za whutihꞌelh wheꞌ hoontꞌoh!” ubúlhni, ꞌinkꞌez bughu whenája.

Matthew 26:6

ꞋEt keyoh whuyaz Bethany huwhútni-un, ꞌet Simon ooka whulhjut ínleꞌ-un, leprosy huyúlhni, ooyoh Jesus yuzih usda.

Mark 11:1

ꞋAwet Jerusalem whénghun hidulh whe nat-un keyoh Bethphage ꞌinkꞌez Bethany whulh ꞌet shus Olive be hóodzi-un, whuz nehúnindil. Jesus nane yugha hodulꞌehne whébalhꞌaꞌ whe ubúlhni,

Mark 11:11

ꞋEt Jesus Jerusalem keyoh neninya whe Lizwif bulugliz whucho tsꞌe danínya ꞌinkꞌez ndulcho núyuzꞌen. ꞋAwet náwhendunilhghel ꞌet huwa Bethany huwhútni-un tsꞌe whunizyane ꞌon ꞌat nane yugha hodulꞌehne whuz bubulh wheínꞌaz.

Mark 11:19

Nadálhghel whe Jesus yugha hodulꞌehne bubulh Jerusalem whuchꞌa nahusdil.

Mark 14:3

ꞋIlhoghun keyoh wheyaz Bethany, ꞌet Simon ooka whulhjut ínleꞌ-un, leprosy huyúlhni, ooyoh Jesus yuzih usda. Naꞌutꞌalh whe tsꞌeke kꞌunútsútjul díztiꞌ-i tse bé ha hoogaz-i be súlhdzo ꞌinkꞌez oodéꞌ duldze yiꞌalh whe danínya. Yayányuz ꞌinkꞌez kꞌunutsꞌútjul ꞌi Jesus yutsi kꞌeyilhdzo.

Mark 3:7

ꞋEt doo cha za Jesus yugha hodulꞌehne ꞌinkꞌez Galilee bun tsꞌe náhoosdil. Galilee keyoh whutꞌenne whuz huyoonizdíl ꞌinkꞌez lhelhtsꞌiz de keyoh tsꞌe haíndilne tubulh. Judea tsꞌe haíndilne cha,

Luke 10:38

ꞋEt hukwꞌelhꞌaz hidulh whe Jesus ꞌudun keyoh tsꞌoozya ꞌinkꞌez tsꞌeke Martha huyulhni, duyoh tsꞌe yughu nuseya.

Luke 19:29

ꞋEt ꞌawet shusyaz, Olive huyulhni, ꞌet keyoh whuyaz Bethphage ꞌinkꞌez Bethany huwhutni shusyaz zih whuzdla, whenghoh hidulh whe nane yugha hodulꞌehne ubutílhꞌaꞌ.

Luke 24:50

ꞋEt ꞌawet Bethany whuz naboozdla. Dula do ꞌuyinla ꞌinkꞌez Yakꞌusda yoodulhkut butsꞌun oozooꞌ ha.

John 11:1

ꞋIlhoghun dune Lazarus huyúlhni, keyoh whuyaz Bethany huwhútni, ꞌet whutꞌen-un. ꞋEn la unduda suliꞌ. Bulhtuske nane Mary ꞌinkꞌez Martha bulh hizih whutꞌi.

John 11:18

Njan keyoh wheyaz Bethany ꞌet Jerusalem tube whenghoh whuzꞌai. Tsꞌiyalh whe ꞌilhoh sadzi hukwꞌeꞌ hoonitꞌoh atꞌen ꞌuwhulhdzoh ꞌuhoontꞌoh.