Matthew 21:16 - Yak'usda Ooghuni

¹⁶ ꞋInkꞌez Jesus nduhúyulhni, “Daja hutni la uboozílhtsꞌai eh?” ꞋEt ꞌubulhni, “A, ꞌinkꞌez dahúja-un ꞌaw hukwꞌu yalhuzusduk whe eh dahni? ꞋUkꞌehonguz whe njan nduwhutni, ‘Tsꞌoodunne ꞌinkꞌez tsꞌoodunne nulhyehne cha, bughuni ꞌi beꞌ hutni, tsꞌihꞌun unꞌa sba hodilhtiꞌ ꞌubulhtsi.’”

Matthew 21:16 Iomraidhean Croise

Matthew 11:25

Jesus ꞌawhuz bubulh yalhduk ꞌet ndutni, “ꞋUBá nyun nyudústiꞌ. Yakꞌuz ꞌinkꞌez yun kꞌut whuMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌa whuntinꞌi. ꞋEt hoontsꞌi tsꞌoodunyaz leꞌ ꞌuntꞌohne, bunalhtsꞌet ha honꞌai.

Matthew 12:3

ꞋEt Jesus ubúlhni, “Lerwe David daja-un ꞌaw lakw hukwꞌu yalhuzulhduk? ꞋEt ꞌoh daꞌ David ꞌinkꞌez yulh ꞌutꞌenne buye ꞌíltsꞌul whe?

Matthew 19:4

ꞋEt Jesus ꞌubulhni, “ꞋEt ndi ꞌudustlꞌus kꞌut ꞌukꞌeguz-i, ꞌi ꞌaw lakw ookꞌu yalhuzulhduk? Mbe dune ꞌinla-un, ꞌen dune ꞌinkꞌez tsꞌeke bulh ꞌubínla daꞌ.

Matthew 22:31

ꞋEt hoontsꞌi yaidlane dunadutádulh-un huwun, Yakꞌusda daja ni, ꞌaw eh hukwꞌu yalhuzulhduk? Njan ndutni,

Mark 13:17

ꞋEt tsꞌekoo, yazba ꞌuntꞌohne, ꞌinkꞌez duzkeh eꞌulhtꞌúkwne cha, tube buba hoontsiꞌ tileh.

Mark 2:25

Jesus ubúlhni, “ꞋAw lakw hukwꞌu yalhúlhdih David dája ꞌoh daꞌ, yooꞌalh-i hooloh whe yulh ꞌútꞌenne te buye ꞌíltsꞌul whe nduja:

Luke 21:23

ꞋEt de dzin mbene la ulchanne, ꞌinkꞌez mbene la duyaz eꞌúlhtꞌukwne cha, ꞌenne buba tube ꞌon nus hootátsiꞌ. Ndi yun hoontsiꞌ-un ookꞌewhudutaltsꞌulh ꞌet huwa. Yakꞌusda ye húnilchꞌe-i, ꞌi cha dune bukꞌeidutaltsꞌulh.