Matthew 21:10 - Yak'usda Ooghuni

¹⁰ ꞋEt Jesus keyoh Jerusalem whuz oozya whe keyoh whutꞌenne khuna huntisdil whe ꞌulhodutni, “Ndun mbe whe ꞌuntꞌoh?”

Matthew 21:10 Iomraidhean Croise

Matthew 2:3

Lerwe Herod whulh ꞌudantsꞌo whe ooba dzoh ꞌuhutni. Jerusalem whutꞌenne, cha buba dzoh ꞌuhutni.

Matthew 21:11

ꞋEt ꞌilhunaoosdilne hubuhútni, “Ndun ꞌen Jesus nus hooꞌen-un, ꞌen ꞌuntꞌoh. Keyoh Nazareth yun kꞌut Galilee whuzꞌai-un, whuz de hainya-un ꞌuntꞌoh.”

Matthew 21:9

ꞋEt ꞌawet ꞌilhunaoodilhne whulohne ootso ꞌinkꞌez whulohne ookꞌoh tsꞌe hidulh ꞌinkꞌez tube cho huhuyih whe nduhutni, “David ootsꞌu haínzut-un ba tsꞌodilhtiꞌ! NeMoodihti booziꞌ be whuz de úyalh. ꞋEn ꞌukꞌenus hoonzoo-un oogha whultsꞌut. ꞋEt soo yoodughi hidílhtiꞌ!” hutni.

Luke 20:2

ꞋInkꞌez ꞌuhuyulhni, “Nedini ndai gha dune ando ꞌintꞌoh whe ndowhi ꞌutꞌen oowaina? Kꞌus mbe ntlꞌa hónꞌai whe ꞌudini?”

Luke 5:21

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, huwu yawhenilhduk, “Ndun dune Yakꞌusda chꞌaz yalhduk. Mbe lubeshi ꞌuntulhdulh? Yakꞌusda didutchꞌoh za lubeshi ꞌun tulhdilh!”

Luke 7:49

ꞋEt ꞌonghohne ludab kꞌut naꞌutꞌalhne dichꞌoh ꞌulhodutni, “Ndun mbe whe ꞌuntꞌoh? Lubeshi ꞌi hoontsꞌi yunaꞌulhdeh?”

Luke 9:9

ꞋEt Herod ꞌutni, “John ootsi kꞌúnistꞌo inleꞌ. ꞋEt mbe whe ꞌutꞌen ndun lheꞌhoontꞌoh te neꞌutꞌen-un bulh ꞌúdustsꞌo?” ꞋInkꞌez yutiꞌelh hukwaꞌ ninzun.

John 2:18

ꞋEt Lizwifne ꞌuhuyúlhni, “Njan ntsꞌoh te la neꞌíntꞌen-un di gha ꞌíntꞌen hooncha túneꞌ ꞌintꞌen, ꞌet whunénilhtun?”

Acts 9:5

“Moodihti mbe inli?” ni Saul. “Si Jesus ꞌustꞌoh. Si ꞌusilhꞌen dzoh nusílhdzut. Mbe la tutsus nulé-un ookꞌú nulheꞌzintꞌen de, nyunchꞌoh za dzoh nunáꞌdudildzut,” yúlhni.