Matthew 20:8 - Yak'usda Ooghuni

⁸ ꞋEt ꞌawet hulhgha tsꞌe dune ꞌetsul ꞌutꞌih-un whe tsꞌekoo tooꞌ mai chun ꞌutꞌi-un, ꞌen bughunli-un ꞌanih yudaniꞌ ꞌinkꞌez ꞌuyulhni, ‘ꞋItꞌenne tsꞌiyawh whusábinle, ꞌinkꞌez buba ꞌukꞌelha hoolhtsi. ꞋUdekꞌez wheꞌ ditꞌen-un, ꞌen cho ooba ꞌukꞌelha hoolhtsi.’

Matthew 20:8 Iomraidhean Croise

Genesis 15:2

ꞋEt hoontsꞌi Abram ꞌutni, “Moodihti Yakꞌusda (Adonai Yahweh) di sgha tanꞌalh? ꞋAw suzkeh cha hooloh mbe la skꞌedutiyalh ꞌen Eliezer Damascus whutꞌen-un eh ꞌuntꞌoh?”

Genesis 43:19

ꞋEt nyoon Joseph buyoh whumoodih yuzih nenindil nyo dati ꞌet hiyulh yailhduk.

Matthew 20:7

‘ꞋEt ꞌaw dune lhuneulhꞌoh ꞌet huwa tsꞌintꞌoh,’ huyulhni. ꞋEt ꞌúbulhni, ‘Nohni cha nghuz tsꞌekoo tooꞌ mai chun ha niyeh tsꞌe ꞌahdulh. ꞋInkꞌez sooniya tsꞌihꞌun ꞌuntꞌoh-i, ꞌi nohba kꞌelha tiselh.’

Matthew 20:9

Mbene la hulhgha tsꞌe atꞌen ulꞌaꞌne whusahandil whe ꞌilhoghun hinli ꞌilho sooniya tsꞌuditiꞌ-i buba ꞌukꞌelha yulhtsi.

Matthew 25:19

ꞋEt hukwꞌelhꞌaz saꞌ inleꞌ whe ꞌulhnane bumoodih whusanaja. ꞋInkꞌez nahootáꞌalh hukwaꞌ ninzun dude ꞌulhnane dahúyinla.

Matthew 25:31

“ꞋEt Yinka Dune Yeꞌ nkede ootsꞌu haꞌ ꞌánduz whe whusanátidalh, lizas lubeshi ooghu hoolohne, tsꞌiyawh huyulh whusanátidulh. ꞋOh de de, ookwꞌutsꞌuzda cho diztiꞌ-i, ꞌi kꞌut nanátlꞌa dutidalh.

Luke 10:7

ꞋEt yoh za oohkeꞌ. Ndai nohgha húyaꞌaih ꞌi oohꞌalh ꞌinkꞌez oohtnaiꞌ. ꞋUtꞌenne bube ꞌutꞌen kꞌelha holeꞌ hubaꞌ hoontꞌoh. ꞋInkꞌez lhelhdun yoh te danaóohdaih junih.

Luke 12:42

ꞋInkꞌez neMoodihti ꞌutni, “Kꞌus mbe tsꞌihꞌun ꞌuntꞌoh ꞌinkꞌez whunih-un unli whe yoh huwunli? ꞋEn oomoodih duyoh whumoodih yutilhtselh. ꞋEt neooduzuk de, ꞌet de la ꞌonghohne hitiꞌulh-i bugha náꞌtitꞌaih?

Luke 8:3

ꞋInkꞌez Joanna, Chuza ooꞌat, ꞌet Chuza, ꞌen Herod yoh dilhtsꞌine bumoodih unli, ꞌinkꞌez Susanna cha ꞌinkꞌez ꞌuyoonne lhane cha huyutꞌi-i, ꞌi be hila ꞌutꞌen.

2 Corinthians 5:10

ꞋEt ꞌilhone tsinli whe Christ ꞌen nahiyilh-un oobut néztiyalh. ꞋEt huwa ndi yun kꞌut datsꞌúltsiꞌ, kꞌus datsꞌúldzooꞌ la, ꞌet whuz unꞌa neba ꞌukꞌelha whutaleh.

Titus 1:7

Dune huwunli-un unli de, ꞌen Yakꞌusda be ꞌutꞌen kꞌoh-un yutlꞌá whulhꞌai, ꞌet huwa ookꞌehóotalhtsꞌulh-un whuyit ꞌootꞌeꞌ. ꞋAw dichꞌoh dukꞌunꞌa za hukwaꞌ noozin huba lheꞌhóotꞌoh. ꞋAw khun lhonúlhchꞌe, tsꞌekoo tooꞌ cha ka dálhatni. ꞋEt dune ꞌeyaih-un cha lhiloh ooleꞌ, ꞌinkꞌez ꞌaw sooniya cha ha dálhatni.

Hebrews 9:28

Whuz unꞌa Christ za, ꞌen ꞌilhoh za huwáꞌ dudulti, lhane bulubeshi bughu yílhchoot ꞌi yukꞌelha dazsai. ꞋEt hoontsꞌi whulh nat-un, ꞌaw lubeshi gha iloh whusanatidalh. ꞋEt kꞌus tsꞌiyanne mbene yuka tse hooline, ꞌenne bunalhtsꞌet be hóodutaltsilh, ꞌet whe hudutijih.

1 Peter 4:10

ꞋIlhone ꞌahli ndi ndai la Ndoni nohgha íninꞌai-i, ꞌi be lhla oohtꞌen. Ndi Yakꞌusda ye unzoo-i lhat-un lhelhtsꞌun unꞌa nohghantꞌai. ꞋEt whe ꞌuyoonne whe bula whuz unꞌa oohtꞌen.