Matthew 20:7 - Yak'usda Ooghuni

⁷ ‘ꞋEt ꞌaw dune lhuneulhꞌoh ꞌet huwa tsꞌintꞌoh,’ huyulhni. ꞋEt ꞌúbulhni, ‘Nohni cha nghuz tsꞌekoo tooꞌ mai chun ha niyeh tsꞌe ꞌahdulh. ꞋInkꞌez sooniya tsꞌihꞌun ꞌuntꞌoh-i, ꞌi nohba kꞌelha tiselh.’

Matthew 20:7 Iomraidhean Croise

Matthew 20:1

“Ndiz unꞌa yakꞌuz whulerwe tsꞌiyawh kꞌuneꞌ whulꞌen: ꞋIlhoghun dune ꞌen yun kꞌut yun ꞌutꞌi-un. ꞋEt tsꞌekoo tooꞌ mai chun ha niyeh kꞌet, ꞌet huba ꞌutitꞌelhne haꞌ ninzun. Bundada ꞌudaꞌ ꞌet dune tilhꞌalh ha whuz whinya.

Matthew 20:6

Doo cha za hulhgha tsꞌe atꞌen whuz whinya ꞌinkꞌez ꞌuyoonne cha ꞌantsꞌi ꞌoh nodilhya whe bunilhꞌen. ꞋEnne cha ndúbulhni, ‘ꞋEt di ha dzin dúwhulyiz whe ꞌantsꞌi ꞌóh nudulhya?’

Matthew 20:8

ꞋEt ꞌawet hulhgha tsꞌe dune ꞌetsul ꞌutꞌih-un whe tsꞌekoo tooꞌ mai chun ꞌutꞌi-un, ꞌen bughunli-un ꞌanih yudaniꞌ ꞌinkꞌez ꞌuyulhni, ‘ꞋItꞌenne tsꞌiyawh whusábinle, ꞌinkꞌez buba ꞌukꞌelha hoolhtsi. ꞋUdekꞌez wheꞌ ditꞌen-un, ꞌen cho ooba ꞌukꞌelha hoolhtsi.’

John 9:4

ꞋAwhuz dzenis hootꞌen whe, mbe la whuz de sútilhꞌaꞌ-un, ꞌen be ꞌutꞌen oosꞌen huba ꞌuhoontꞌoh. ꞋUlhdzis whusahóoltsꞌut ꞌinkꞌez tsalhgus yo suliꞌ de, ꞌaw dune ootꞌen ꞌaítꞌoh.

Acts 4:16

ꞋInkꞌez la lhuhoodulkut, “Ndunne dune dábuztilelh?” hutni la, “Jerusalem whutꞌenne tsꞌiyawh tꞌehonínzun ꞌukꞌenus huwa ꞌítꞌen-un, ꞌet ꞌuhuhóonla. ꞋAw whutsꞌutsꞌoodódlai ꞌaitꞌoh.

Romans 16:25

Yakꞌusda uzdólhtiꞌ. ꞋEn ꞌuntꞌoh ye ulhtus-i utꞌi Jesus Christ ooba ulhtusne nohoolhtselh ha. Ntsꞌenꞌa la nohdásniꞌ whuz unꞌa ꞌutihnelh, ndet la whunohdusꞌeh Jesus Christ ooghuni unzoo-i ghun. ꞋUdaꞌ ꞌaw dune ndi khuni unzoo-i highu tꞌehonúszun. ꞋOh daꞌ Yakꞌusda ndi yun kꞌut ꞌuyinla, ꞌet whutsꞌun njan wheꞌ hoontꞌoh hooyoh-un buchꞌa nónutꞌiꞌ inleꞌ.

Ephesians 6:8

ꞋEt tsꞌiyawh tꞌeoonáhzun, dune ꞌulhnane kꞌus ꞌulhnane bula nahuditnine hoontsꞌi, ꞌutꞌen unzoo-i ꞌahla, ꞌet whuz unꞌa neMoodihti tsꞌun nohba ꞌukꞌelha whutilhtselh.

Colossians 1:26

Ndi wheꞌ hoontꞌoh hooyoh-un, ꞌaw niz de ha oodanzut whutsꞌun, tsꞌiyanne buchꞌa whunistꞌi. ꞋEt hoontsꞌi ꞌawet Yakꞌusda oochꞌeꞌne, wheni tsꞌiyawh tsꞌet gaih whunénilhtan.

Hebrews 6:10

Yakꞌusda oochꞌeꞌne, ꞌenne nohni ooba neꞌútꞌenne ꞌahli ínleꞌ, ꞌinkꞌez ꞌawhuz ꞌet za nduhtꞌen. Nohꞌeꞌutꞌen ꞌinkꞌez Yakꞌusda ookꞌehsiꞌ whe ꞌahtꞌen, ꞌet tsꞌiyawh Yakꞌusda whunilhꞌen. Yakꞌusda tsꞌihꞌun unꞌa ꞌuntꞌoh, ꞌet huwa ꞌaw whunaoodoolnoh ꞌaitꞌoh.