Matthew 20:5 - Yak'usda Ooghuni

⁵ ꞋEt doo cha hukwꞌelhꞌaz tsꞌetniz atꞌen kꞌus 3:00 atꞌen cha whuz whinya. ꞋEt whuz unꞌa za doo cha za ꞌuja.

Matthew 20:5 Iomraidhean Croise

Matthew 20:4

ꞋEt njan dúbulhni, ‘Nohni cha nghuz tsꞌekoo tooꞌ mai chun ha niyeh tsꞌe ꞌahdulh. Ntsꞌenꞌa la sooniya tsꞌihꞌun ꞌuntꞌoh-i, ꞌi nohba ꞌukꞌelha tiselh.’ ꞋInkꞌez whuz whehandil.

Matthew 20:6

Doo cha za hulhgha tsꞌe atꞌen whuz whinya ꞌinkꞌez ꞌuyoonne cha ꞌantsꞌi ꞌoh nodilhya whe bunilhꞌen. ꞋEnne cha ndúbulhni, ‘ꞋEt di ha dzin dúwhulyiz whe ꞌantsꞌi ꞌóh nudulhya?’

Matthew 27:45

Dzetniz hukwꞌelhꞌaz 3:00 atꞌen ꞌinkꞌez hulhgha 6:00 atꞌen ꞌet whutsꞌun yun kꞌut ndúwhulcho whe tsahólhgus suliꞌ.

John 1:39

“ꞋAnih, whunoolhꞌen si!” ubúlhni. ꞋEt huyúlh tizꞌaz ꞌinkꞌez ntsꞌe la usda-un honalhꞌen. ꞋEt dzin ndulyiz whe hizih hinkeꞌ ꞌet ꞌoh daꞌ 10:00 atꞌen ꞌuhunitꞌoh.

John 11:9

ꞋEt Jesus ꞌubulhni, “ꞋEt whunizyat ꞌon ꞌat nat neꞌhunutꞌoh-un sadzi gha ꞌet ꞌilhudzin ꞌuhoontꞌoh. Mbene la dzenis nudilhne, ꞌaw khun tooghalh ꞌaítꞌoh. Ndi yun kꞌut be hóotꞌen-i, ꞌi be huhooꞌen ꞌet huwa.

John 4:6

ꞋEt Jacob too kꞌet ꞌuhóonla-un, ꞌet whuzꞌai. ꞋEt Jesus tube saꞌ nusúya ꞌinkꞌez nénintsai, ꞌinka too kꞌet whuzih ꞌet nátlꞌa didaꞌ. ꞋEt 6:00 atꞌen ꞌuhúnitꞌoh whe ꞌutꞌen.

Acts 10:3

Dzetniz hukwꞌelhꞌaz, 3:00 atꞌen, ꞌet ꞌuja hoonli be nghun néwhultsꞌut. ꞋEt soo tsꞌihꞌun Yakꞌusda oolizasne ꞌilhoghun ꞌen danínya ꞌinkꞌez, “Hadih Cornelius,” yúlhni.

Acts 10:9

ꞋEt ꞌom bun dzin ndunne keyoh Joppa ꞌawet whenghoh hidulh, ꞌet ꞌoh whuya hoozulh whuza Peter Joppa usda whe, dzetniz atꞌen ꞌet ndo bun kꞌut whuz dugha ínya tenadutidli ꞌet wheni.

Acts 3:1

ꞋEt ꞌilhudzin Peter ꞌinkꞌez John bulh dzetniz hukwꞌelhꞌaz, 3:00 atꞌen ꞌuhúnitꞌoh Lizwif bulugliz whucho tsꞌótizꞌuz, tenahududli neóoninzut ꞌet wheni.