Matthew 20:34 - Yak'usda Ooghuni

³⁴ ꞋEt Jesus bugha teꞌnanzin whe dula be buna yutꞌaíznai. ꞋEt ꞌaho huhooꞌen suliꞌ, ꞌinkꞌez huyuntizꞌaz.

Matthew 20:34 Iomraidhean Croise

Matthew 14:14

Jesus tsꞌi bé hainya whe dune huldlai kꞌet ꞌaw ꞌuzdooniꞌ ꞌaitꞌoh, ꞌenne butilhꞌen. Bugha téꞌninzin ꞌinkꞌez ndudane cha tsꞌiyawh soo naꞌbinla.

Matthew 15:32

Jesus yugha hodulꞌehne, ꞌanih ubudániꞌ ꞌinkꞌez ꞌúbulhni, “Ndunne dunene bugha téꞌnuszun. Tat dzin whutsꞌun njan szih hudilhtsꞌi ꞌinkꞌez ꞌaw huyaꞌalh-i lhuhítꞌiꞌ. ꞋAw lheꞌhusꞌal whe bukeyoh tsꞌe nabutoosꞌaꞌ ꞌaitꞌoh. Doo ka si, nahidulh tsꞌe bukaootoozit.”

Matthew 20:33

“NeMoodihti nena be tsꞌontilhꞌelh hukwa ꞌuzninzun,” huyúlhni.

Matthew 21:1

ꞋEt ꞌawet Jerusalem whenghoh hidulh whe keyoh whuyaz Bethphage huwhutni-un, ꞌet whuz hoozdil. ꞋI dzulh enun, Olive huwhutni. ꞋEt Jesus nane yugha hodulꞌehne dutso whébalhꞌaꞌ

Matthew 8:15

Yula tꞌaiznai. ꞋAho nulwus duda ootsꞌu ha naidide. ꞋAho dunadija ꞌinkꞌez bugha náꞌuntꞌai.

Matthew 9:29

Buna yutꞌaíznai ꞌinkꞌez ubúlhni, “Nohba ꞌalha ꞌuhoontꞌoh, whuz unꞌa ꞌuhóneh.”

Matthew 9:36

ꞋEt hoontsꞌi ꞌilhunaoosdilne ꞌubunilhꞌen. Tsꞌiyawh nehunintsai dóhotꞌen, ꞌaw ꞌuhooneh ꞌaitꞌoh. ꞋInkꞌez tsꞌiyaitsuk laditnine dohotꞌen. ꞋAntsꞌi ꞌusbai ꞌaw bughunli-un hooloh leꞌ hintꞌoh.

Mark 7:33

ꞋEt Jesus bugheꞌ ꞌudun nénilhya whe yudzeh ꞌádilga, ꞌúntizo, ꞌinkꞌez dune yutsoola tꞌaíznai.

Luke 18:43

ꞋEt ꞌaho hooꞌen sulih, ꞌinkꞌez Jesus yuntizya ꞌinkꞌez Yakꞌusda dilhtiꞌ. ꞋEt tsꞌiyanne whunalhꞌenne cha tsꞌiyawh Yakꞌusda hudálhtiꞌ.

Luke 22:51

ꞋInkꞌez Jesus ubúlhni, “Njan dutísnelh, ꞌet stlꞌa wháhꞌaih.” ꞋInkꞌez nyoon oodzo yutꞌaiznai ꞌinkꞌez soo naꞌyinla.

Luke 7:13

ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

Acts 26:18

Whúbuntalhtun, tsálhgus yáhahudutidulh ꞌinkꞌez hootꞌen-un nehútidulh ꞌinkꞌez hitánꞌen ubulhtsꞌelh Satan uboontúnne Yakꞌusda tsꞌun náhutilyalh. ꞋEnne Si buba ꞌalhaꞌ ꞌustꞌoh huwa bulubeshi bubunaitidoh ꞌinkꞌez Yakꞌusda ba ꞌudun nebuninlane butoh ꞌet bugha óotaltsꞌulh,’ súlhni.”

Hebrews 2:17

ꞋEt huwa dudulhutsinke kꞌunꞌa tsꞌiyantsuk whuz unꞌa dune kꞌunꞌa ꞌoolneh hubaꞌ hoontꞌoh. ꞋEnne buba lubret ꞌukꞌenus diztiꞌ-un tileh, ꞌet whe Yakꞌusda ooba bugha teꞌninzun ꞌinkꞌez ꞌaw bula dootnih ꞌaitꞌoh. ꞋEt whuz unꞌa Yakꞌusda ooba neꞌutꞌen. ꞋEt buba dazsai-un huwa lubeshi ꞌulhꞌenne Yakꞌusda buba ꞌun whutoolhdilh, ꞌet de soo cho buka naítatꞌelh.

1 Peter 3:8

Njan ꞌudekꞌez-un nohdutásnelh. Nohni tsꞌiyawh noheni ꞌilho za ooleꞌ. Lhgha teꞌnohdzin ꞌinkꞌez ooba ꞌalha ꞌuhoontꞌohne tsꞌiyawh lhkꞌeoohsiꞌ. Lhtsꞌun nohdzi oozooꞌ ꞌinkꞌez soo cho lhtsꞌún kꞌeke oohleꞌ.