Matthew 20:30 - Yak'usda Ooghuni

³⁰ Nane hoos̱ꞌenne ti whuzih huzkeh. ꞋEt Jesus ꞌoh whuya uyalh whe hiduztsꞌai. ꞋUltus-un hika huyih, “Moodihti, David ootsꞌu haínzut-un, negha teꞌninzeh!”

Matthew 20:30 Iomraidhean Croise

Matthew 13:4

ꞋInkꞌez ꞌaꞌ nule whe ooloh ti nanánkat. ꞋI dutꞌaiyaz whusahándil ꞌinkꞌez hinildil.

Matthew 15:22

ꞋIlhoghun tsꞌeke, Canaan whutꞌen-un ꞌuntꞌoh, yughu ninya. Tso bulh yalhduk wheꞌ yulhni, “SMoodihti sgha teꞌninzeh, David ootsꞌuhainzut-un ꞌintꞌoh! Syaz tsꞌekeyaz tube hoontsiꞌ hukwꞌunꞌa ntsiꞌ-i nududeh-i ooyudinda!”

Matthew 20:31

ꞋEt ꞌilhunaoodilhne, “Tꞌeduzahnih!” hubuhútni. ꞋEt hoontsꞌi ꞌon nus ꞌuhutni, “Moodihti, David ootsꞌu haínzut-un, negha teꞌninzeh!”

Matthew 21:14

Lugliz whucho ꞌet hoos̱ꞌenne ꞌinkꞌez ookechun ndudane, highu nindil, ꞌet soo naꞌbalhꞌen.

Matthew 21:9

ꞋEt ꞌawet ꞌilhunaoodilhne whulohne ootso ꞌinkꞌez whulohne ookꞌoh tsꞌe hidulh ꞌinkꞌez tube cho huhuyih whe nduhutni, “David ootsꞌu haínzut-un ba tsꞌodilhtiꞌ! NeMoodihti booziꞌ be whuz de úyalh. ꞋEn ꞌukꞌenus hoonzoo-un oogha whultsꞌut. ꞋEt soo yoodughi hidílhtiꞌ!” hutni.

Matthew 22:42

“Christ mbe unli-un ꞌuntꞌoh nahzun? Mbe tsꞌu hainzut-un suba ꞌuntꞌoh?” “ꞋEn David tsꞌu hainzut-un ꞌuntꞌoh,” huyulhni.

Mark 10:46

Jericho tsꞌe hoozdil whe Jesus yugha hodulꞌehne tubulh nahutisdil lhane ꞌilhozdílne cha ꞌutꞌen. Dune hoos̱ꞌen-un Bartimaeus huyúlhni-un, Timaeus ooyeꞌ, ti whuzih usda datso.

Luke 4:18

“Moodihti ooyughi ꞌi sulh ꞌuntꞌoh. ꞋI be ꞌutahasalhti, telꞌenne khuni unzoo-i bugha tisꞌalh ha. Oodzi undudane, ꞌenne nabutisyih ha butsꞌó whusasya. Mbene la ílchootne, bula nadutisnih. ꞋInkꞌez hoos̱ꞌenne, huhooꞌen nahutidleh. Mbene la dune ꞌaboꞌenne, cha donáꞌ butisdlelh.

Luke 7:21

ꞋEt ꞌaho mbene la ndudane ꞌinkꞌez ooka hooline cha, ꞌinkꞌez ntsiꞌ-i nududeh-i ooyudindane cha lhane soo naꞌbalhꞌen. Hoos̱ꞌenne cha huhooꞌen-un ꞌubulhtsi.

Acts 2:30

ꞋEn Yakꞌusda be nus hóoꞌen-un ꞌuntꞌoh ꞌinkꞌez Yakꞌusda ye yútsꞌu nahizya tꞌeinínzun. ꞋInkꞌez Yakꞌusda yuba néwhuninꞌai whe yúlhni, ‘David ootsꞌu haínzut-un, ꞌen ꞌilhudzin David kꞌunꞌa ookwꞌutsꞌuzda cho diztiꞌ-i kꞌutidalh,’ ꞌen Christ ꞌuntꞌoh.