Matthew 20:3 - Yak'usda Ooghuni

³ ꞋEt hukwꞌelhꞌaz 9:00 atꞌen tꞌalh-i be ꞌóoket-un daninya whe dune bunilhꞌen ꞌantsꞌi ꞌoh nodilhya.

Matthew 20:3 Iomraidhean Croise

Matthew 20:2

ꞋEt ubalhꞌaꞌne ꞌilho sooniya tsꞌuditiꞌ ꞌi dzin ndulyiz whe hikꞌelha ꞌutitꞌelh-un, huhóostꞌet. ꞋEt huwa tsꞌekoo tooꞌ mai chun ha niyeh kꞌez whe balhꞌaꞌ.

Matthew 20:4

ꞋEt njan dúbulhni, ‘Nohni cha nghuz tsꞌekoo tooꞌ mai chun ha niyeh tsꞌe ꞌahdulh. Ntsꞌenꞌa la sooniya tsꞌihꞌun ꞌuntꞌoh-i, ꞌi nohba ꞌukꞌelha tiselh.’ ꞋInkꞌez whuz whehandil.

Mark 15:25

Bundadaꞌ 9:00 ꞌuhunitꞌoh atꞌen Jesus tulalhgus kꞌehíyilhti.

Acts 16:19

ꞋInkꞌez ndunne tsꞌeke oomoodihne tꞌehonanzin ndet whe la sooniya ꞌuhulhꞌen-un, ꞌetsul ꞌuhooja, ꞌinka Paul Silas bulh hubuhúzgooh ꞌinkꞌez hubaꞌ hoontꞌoh-un, ꞌet keyoh moodihne bubut nébahunilhti.

Acts 2:15

Ndunne dune ꞌaw talhahunítnaiꞌ nohni ndunáhzun hoontsꞌi, tsꞌantꞌez ꞌandit tsꞌiya dzetniz whutso 9:00 ꞌuhoontꞌoh.

1 Timothy 5:13

ꞋInkꞌez cha tsehudutni-un huhodilꞌeꞌ ꞌinkꞌez kwun toh nuhuya. ꞋInkꞌez ꞌaw tsehudutni za iloh, ꞌughu yahulhduk ꞌinkꞌez ꞌuyoonne eꞌutꞌen kꞌoh huwu hinli chaꞌ hintꞌoh. ꞋAw neꞌhudooniꞌ huba lheꞌhootꞌoh, ꞌoh te neꞌhuduniꞌ.

Hebrews 6:12

ꞋInkꞌez tsedahtni oohleꞌ junih. ꞋEt kꞌus ndai Yakꞌusda whe netsꞌu náhizya-un, ꞌet mbene bé ꞌalha ꞌuhoontꞌoh-i ꞌinkꞌez saꞌ huba whulh huzyin whe ꞌenne bugha ítaꞌalh whutsꞌun, ꞌet nohni cha ꞌenne bukꞌunꞌa oohtꞌen.