Matthew 20:26 - Yak'usda Ooghuni

²⁶ ꞋEt hoontsꞌi nohni nohtoh whuz unꞌa ꞌutihtꞌelh noohzin junih. Mbe la nohtoh ncha tileh hukwaꞌ ninzun-un, ꞌen nohba neꞌútꞌen-un ooleꞌ.

Matthew 20:26 Iomraidhean Croise

Matthew 20:27

Mbe la nohtoh ꞌudechoo tileh hukwaꞌ ninzun-un, ꞌen noheꞌulhna-un ooleꞌ.

Matthew 25:44

ꞋEt njan ꞌuhidutanelh, ‘NeMoodihti nkeda daꞌ ntsꞌu yanꞌen whe nye ꞌiltsꞌul ꞌinkꞌez taꞌoonda? Kꞌus ꞌutsꞌun whutꞌen-un inleꞌ, kꞌus be dune ꞌonleꞌ-i lhíntꞌiꞌ? Kꞌus ndinda ꞌinkꞌez ꞌadanꞌaꞌ? ꞋEt whuz unꞌa ntsꞌu yanꞌen ꞌet hoontsꞌi ꞌaw hoonli whe nlalheꞌtsꞌínel dini?’

Matthew 27:55

Tsꞌekoo cha ꞌet nuhúdilhya whe yoo ꞌaz de whutsꞌun honilhꞌen. Galilee tsꞌu haindilne ꞌuhutꞌen. ꞋEnne Jesus huyuwhusanándilne ꞌinkꞌez hiba neꞌústꞌenne ꞌuhintꞌoh.

Mark 10:43

ꞋEt hoontsꞌi ꞌaw whuz unꞌa iloh nohni ꞌahtꞌoh. ꞋIlhoghun nohtoh dune uncha-un tileh hukwaꞌ ninzun de, nohba neꞌútꞌen-un cha ooleꞌ whubaꞌ hoontꞌoh.

Mark 10:45

Yinka Dune Yeꞌ, ꞌen hoontsꞌi ꞌaw ooba néꞌwhutitꞌen huba whusálhiyal. ꞋEt hoontsꞌi dune ba néꞌtitꞌen ꞌinkꞌez buba datítsah ꞌet whe tsꞌiyawh nabootakulh.”

Mark 9:35

Jesus nátlꞌa didaꞌ whe whunizyane ꞌon ꞌat nane yugha hodulꞌehne, “ꞋAnih,” ubudániꞌ ꞌinkꞌez ubúlhni, “Mbe la ꞌukꞌenus dune uncha-un tileh hukwaꞌ ninzun de, ꞌen ꞌudekꞌoh ooleꞌ hubaꞌ hoontꞌoh, ꞌinkꞌez tsꞌiyanne natnéꞌtitꞌen.”

Luke 18:14

ꞋEt Jesus ꞌubulhni, “Nohdusni ndun sooniya ꞌilhunaoosꞌaih-un, ꞌen Yakꞌusda nalh tsꞌihꞌun naꞌuja whe duyoh tsꞌe naoosja. ꞋEt ꞌilhoghun ꞌaw ndúlhinel. ꞋInkꞌez mbe la duba naꞌudzooꞌ-un, ꞌen yooya yutilhtselh. ꞋInkꞌez mbe la yo ꞌúdudildzun-un, ꞌen Yakꞌusda yudutalhtiꞌ.”

Luke 22:26

ꞋEt hoontsꞌi nohni nohtoh ꞌe dóhtꞌeꞌ junih! Kꞌus nohtoh mbe ꞌukꞌenus ꞌuntꞌoh-un ooleꞌ-un, ꞌen ꞌudekꞌoh-un kꞌunꞌa ooleꞌ. Mbe la nohtso whudilhdzulh-un, nohba neꞌútꞌen-un ooleꞌ.

John 18:36

ꞋEt Jesus ꞌuyulhni, “Ntsꞌe la lerwe usdli-un ꞌaw ndi yun kꞌut iloh ꞌuhoontꞌoh. ꞋEt ndi yun kꞌut whulerwe usdli de, sunidulhne ꞌaw daꞌ Lizwifne tlꞌa sulhoohoolhtel ooleꞌ daꞌ. ꞋAwundooh, whulerwe usdli-un ꞌaw ndi yun kꞌut iloh ꞌuhoontꞌoh.”

Acts 13:5

ꞋEt keyoh Salamis tsꞌe hoozdil whe Lizwif bulugliz ꞌet Yakꞌusda ooghuni be yáhalhduk. John Mark ꞌen cha bula ꞌutꞌen ꞌet wheni dulh ꞌúhuyulꞌen.

2 Corinthians 1:24

ꞋAw nohba ꞌalha ꞌuhoontꞌoh-un whumoodih ꞌuztileh hukwa lheꞌtsꞌustꞌen. ꞋEt kꞌus ndet hoonáhtꞌiꞌ hukwꞌunꞌa ꞌunohtsꞌoolhzin. Bé ꞌalha ꞌuhoontꞌoh-i, ꞌi be Yakꞌusda ba núdulhyai ꞌet huwa.

2 Timothy 1:18

ꞋEt dzin neMoodihti yugha teꞌnozeh. ꞋInkꞌez keyoh Ephesus tsꞌe lhat whe sla ꞌuja ínleꞌ, ꞌet cha soo tꞌeooninzun.

Philemon 1:13

Njan szih tidalh hukwaꞌ nuszun inleꞌ, njan khuni unzoo-i gha suzghel. ꞋEt daꞌ nyun ngha snat neꞌóotꞌen ooleꞌ daꞌ.

Hebrews 1:14

ꞋEt ndunne lizasne, ꞌenne nudúdeh ꞌinkꞌez be ꞌustlenne ꞌuhintꞌoh. Yakꞌusda whébalhꞌaꞌ ꞌet de mbene la ndi bé uzdujis-i netsꞌu tíkulh, ꞌet huba neba neꞌutꞌenne ꞌuhintꞌoh.

1 Peter 4:11

Mbene dune yatilhdukne, ꞌenne Yakꞌusda khuni be yahoolhduk hubaꞌ hoontꞌoh. Mbene ꞌuyoonne dune ba neꞌútꞌenne, ndai hiye ulhtus-i Yakꞌusda bugha íninꞌai be ꞌuyoonne laꞌ hootꞌen. ꞋEt huwa tsꞌiyanne Jesus Christ ꞌen be Yakꞌusda hidólhtiꞌ. Jesus Christ ꞌilhiz wheni ꞌinkꞌez ꞌilhiz wheni, ꞌen ꞌon nus uzdólhtiꞌ ꞌinkꞌez oobaꞌ hoontꞌoh-un, tsꞌiyawh ꞌen oochꞌeꞌ ꞌuhoontꞌoh. ꞋEt ndo honeh.

1 Peter 5:3

Nohtlꞌályanne bumoodih cho oohleꞌ junih. Ndunne ꞌilhoh nuyehne, ꞌenne bunalh tsꞌihꞌun unꞌa oohtꞌen, ꞌet de la ꞌenne cha nohkꞌunꞌa ꞌuhootꞌeꞌ.

Revelation 17:6

ꞋEt ndun tsꞌeke tísꞌen. Jesus ba yaidlane ꞌinkꞌez Yakꞌusda oochꞌeꞌne bubuzkaiꞌ ꞌi be tanísnaiꞌ, ꞌusꞌen whe sba hooncha kꞌet ꞌaw sba ꞌalhaꞌ lheꞌhóotꞌoh.