Matthew 20:24 - Yak'usda Ooghuni

²⁴ ꞋEt ꞌonghohne whunizyane hidantsꞌo whe, ꞌawet nane lhulhutsinke buba dzoh ꞌuhudija.

Matthew 20:24 Iomraidhean Croise

Matthew 20:23

ꞋEt ndúbulhni, “ꞋAlhaꞌ slubot beꞌ tihtnelh, ꞌinkꞌez be too be úzya-i, ꞌi be too beꞌ tilhnelh. ꞋEt ꞌaw doosniꞌ ꞌaitꞌoh mbe nailhni tsꞌe stsꞌunkꞌus tidalh ꞌinkꞌez mbe ꞌintlꞌus tsꞌe stsꞌunkꞌus tidalh. ꞋUBá buba lhaóodinlane, ꞌaw ꞌenne za bubaꞌ hoontꞌoh.”

Matthew 20:25

ꞋEt Jesus ndunne tsꞌiyawh ꞌanih ubudaniꞌ ꞌinkꞌez ꞌubulhni, “Nohni tꞌeoonahzun ndunne ꞌudun yun kꞌut whutꞌenne bumoodihne, ꞌenne dunene kꞌuneꞌ buhulꞌen. ꞋInkꞌez nchane, ꞌenne ndunne bumoodihne buba ando ꞌuhintꞌoh. ꞋEt whuz unꞌa bube ꞌutꞌen kꞌoh hoonli.

Mark 10:14

ꞋEt Jesus whunalhꞌen whe whutsꞌu dutni ꞌinkꞌez yugha hodulꞌehne ubúlhni, “Whute tsꞌoodunne stsꞌó toodilh. Khun te dah budóhniꞌ junih. Yakꞌusda whe lerwe unli-un whuz dilhtsꞌine, tsꞌoodunneyaz duhúltꞌoh wheꞌ hintꞌoh.

Mark 10:41

ꞋEt ꞌon ꞌunne whunizyane yugha hodulꞌehne, James ꞌinkꞌez John bulh buba dzoh ꞌuhudija.

Luke 13:14

ꞋEt Lizwifne lugliz whumoodih hunílchꞌe. Natsꞌulyis dzin ꞌet Jesus ndun tsꞌeke soo naꞌyinla ꞌet hukwa hunílchꞌe. ꞋInkꞌez ꞌilhozdilne ꞌubulhni, “Lhkꞌu tat dzin ꞌet dune ꞌuhootꞌen hubaꞌ hoontꞌoh. ꞋEt huwa ꞌutsꞌutꞌen dzin ꞌet soo naꞌnohohooleh hubaꞌ hoontꞌoh. ꞋEt natsꞌulyiz dzin huba lheꞌhootꞌoh,” ꞌubulhni.

1 Corinthians 13:4

Be nékꞌetsꞌinsiꞌ-i, ꞌi gha hoonli talhódini. ꞋI gha nedzi unzoo hukwꞌunꞌa ꞌutsꞌintꞌoh. ꞋI gha ꞌaw howu lheꞌtsꞌoolhni ꞌinkꞌez ꞌaw dune ꞌuzdudilꞌi whe yalhtsꞌulhduk cha, ꞌinkꞌez ꞌaw lheꞌuzduniltiꞌ.

Philippians 2:3

Nohnichꞌoh hukwaꞌ nahzun te za neꞌóohtꞌen junih. ꞋAntsꞌi yo ꞌúdudulhdzun ꞌinkꞌez ꞌuyoonne nohanus hinzoo noohzin.

James 3:14

ꞋEt hoontsꞌi nohni ꞌukꞌenus lhgheꞌ oolhnihne ꞌahtꞌoh, ꞌinkꞌez ꞌahoolhyiz kꞌuneꞌ tihtꞌen hukwaꞌ nahzun. ꞋEt whuz unꞌa nohdzi dizꞌai de, ꞌet whe óontꞌeꞌ be howu yaoolhduk junih! Ndi khuni ꞌalhaꞌ ꞌuntꞌoh-i, khun te huwun hoohtsꞌit junih.

1 Peter 5:5

ꞋEt whuz unꞌa za nohni niyilhne mbene yoo ꞌun udohne, ꞌenne butlꞌaꞌ dudoolhyelh. ꞋAlhaꞌ nohni cha tsꞌiyawh whuz unꞌa lhtlꞌaꞌ dudoolhyelh. Be yo úzdudildzun-i, ꞌantsꞌi naih kꞌunꞌa bé dolhtsꞌiꞌ. ꞋUkꞌehonguz whe njan ndutni, “Ndunne ꞌududíltiꞌne, ꞌenne Yakꞌusda buchꞌaz ditni. ꞋEt hoontsꞌi mbene la yo údudildzunne, ꞌenne ye unzoo-i bugha yúꞌaih.”