Matthew 20:23 - Yak'usda Ooghuni

²³ ꞋEt ndúbulhni, “ꞋAlhaꞌ slubot beꞌ tihtnelh, ꞌinkꞌez be too be úzya-i, ꞌi be too beꞌ tilhnelh. ꞋEt ꞌaw doosniꞌ ꞌaitꞌoh mbe nailhni tsꞌe stsꞌunkꞌus tidalh ꞌinkꞌez mbe ꞌintlꞌus tsꞌe stsꞌunkꞌus tidalh. ꞋUBá buba lhaóodinlane, ꞌaw ꞌenne za bubaꞌ hoontꞌoh.”

Matthew 20:23 Iomraidhean Croise

Matthew 13:11

ꞋEt ndúbulhni, “Yakꞌuz be kꞌúneꞌ whulꞌen-un be whe hoontꞌoh hooyoh-i, daja ni-un, nohni nohghá whuntꞌai. ꞋOnghohne ꞌaw bugha lhúhooltsꞌulh.

Matthew 20:24

ꞋEt ꞌonghohne whunizyane hidantsꞌo whe, ꞌawet nane lhulhutsinke buba dzoh ꞌuhudija.

Matthew 25:34

ꞋEt lerwe nailhni tsꞌunkꞌus ꞌuntꞌohne ndubudutanelh, ‘Nohni ꞌuBá ꞌukꞌenus hoonzoo-un nohghá whultsꞌutne ꞌahli. ꞋEt huwa ꞌanih! Yun ꞌutilnelh whutso, lerwe yakꞌuz úsda-un, ꞌet nohba lhaoodinla, nohgha óotaltsꞌulh.

Mark 10:40

ꞋEt hoontsꞌi nailhni tsꞌe sghu tidalh, ꞌinkꞌez ꞌintlꞌus tsꞌe sghu tidalh, ꞌaw si huwá hosꞌalh ꞌaitꞌoh, buba lhawhúdulyane bubaꞌ hoontꞌoh.”

Acts 12:2

ꞋEt James, John bulhutsin huwá balhꞌaꞌ whe saluzti be hizilhghi.

Romans 8:17

ꞋInkꞌez Yakꞌusda buzkeh unlíne, ndai la Yakꞌusda butsꞌú yoozi-i, ꞌi buchꞌeꞌ whutaleh. ꞋEt whuz unꞌa Christ bulh ꞌúztitꞌelh, Christ bulh dzoh nutsꞌuzut de, ꞌen bulh uzdutátiꞌ ꞌet huwa.

1 Corinthians 2:9

ꞋEt hoontsꞌi ndiz unꞌa Yakꞌusda neba lhaoodinla. Ntsꞌenꞌa la ꞌukꞌehooguz-un, ꞌet huwa ꞌuhooja whe ndutni, “Mbene la Yakꞌusda kꞌensiꞌne, ndet whe Yakꞌusda buba lhaoodinla, ꞌi tsꞌiyawh duna be lhuhuhoosꞌen, ꞌinkꞌez dudzeh whe ꞌaw lhuhodítsꞌil, whuz buba hooncha kꞌet ꞌaw howu nuni hunoozut ꞌaitꞌoh.”

2 Corinthians 1:7

ꞋInkꞌez tꞌetsꞌonínzun ntsꞌenꞌa la nohni dzoh nutsꞌudeh whe netsꞌú nedihdil, ꞌet ꞌuwhultus ꞌi be za ndi ye kꞌenáneninꞌa-i, ꞌi be netsꞌú nedihdil.

Colossians 1:24

ꞋEt ꞌandit Christ ꞌen gha nohba dzoh nuszut-un hoonústꞌiꞌ. ꞋEt syustꞌe kꞌoh ꞌuhoontꞌoh-un ꞌi be ꞌen ooyustꞌe ba lhaoodutisdleh. Ndi ooyustꞌe, ꞌi Yakꞌusda ba ꞌilhunaoodulh-un, ꞌet ꞌuwhúlhni.

Hebrews 11:16

ꞋEt hoontsꞌi ꞌon nus keyoh hoonzoo-un hukwaꞌ huninzun. Njan keyoh ꞌuwhúlhni-un, ꞌet yakꞌuz whuzꞌai. ꞋEt huwa Yakꞌusda ꞌen duYakꞌusda hidániꞌ. ꞋInkꞌez Yakꞌusda ꞌen duYakꞌusda huyulhni, ꞌet ꞌaw hukwaya lhiloh, keyoh whuti ꞌet buba lhaóodinla ꞌet huwa.

Revelation 1:9

Si John nohulhutsin ꞌustꞌoh. Dzoh nahdeh te si cha nohbulh dzoh nuszut. Yakꞌusda lerwe unli-un ꞌinkꞌez Jesus Christ ooba howa whúlnaꞌ ꞌet hoontsꞌi neba whulh ínyin-un, si cha whuz unꞌa za nohbulh susyin. Yakꞌusda ooghuni be yásduk ꞌinkꞌez Jesus Christ tꞌehinoozeh huwa cha, ꞌet huwa ndi noo Patmos huyulhni-i, ꞌi kꞌut ꞌustꞌoh inleꞌ whe,