Matthew 20:22 - Yak'usda Ooghuni

²² ꞋEt Jesus njan ndutni, “Ndet hukwa oodilhkut-un ꞌaw tꞌeoonuzinzun. Ndi lubot ꞌawet beꞌ tisnelh-i, nohni cha beꞌ tihnelh nahzun eh? ꞋInkꞌez dune be too be ꞌulꞌen-i, ꞌi be ꞌusotilelh. Nohni cha whuz unꞌa za eh too beꞌ tilhnelh?” ꞋEt ꞌuhúyulhni, “A, ꞌet la ndutsꞌóoneh!”

Matthew 20:22 Iomraidhean Croise

Matthew 26:35

ꞋEt Peter ꞌutni, “Nyúlh datisah hoontsꞌi ꞌaw tꞌenyunuzúszun doosniꞌ ꞌaitꞌoh.” ꞋOnghohne yugha hodulꞌehne cha whuz unꞌa za ꞌuhutni.

Matthew 26:39

ꞋOn ꞌunyaz le whinya whe ꞌet nachániti ꞌinkꞌez tenawhendunidli ꞌinkꞌez njan ndutni, “ꞋUBá ndi lubot be dzoh nutiszut-i, whuz unꞌa ꞌuntꞌoh de, whute senghóltsꞌit. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun hukwꞌunꞌa ꞌuhóneh.”

Matthew 26:42

ꞋEt doo cha za whulh nat bugho whe naja tenadutidli ha. ꞋEt njan ndutni, “ꞋUBá ndi lubot ꞌaw sghu naóolhchoot ꞌaitꞌoh, ꞌi tsꞌiyawh usnaiꞌ ꞌet de za. Whuz unꞌa za hukwaꞌ ninzun de, ꞌet ndó honeh.”

Matthew 26:56

ꞋEt huwa, nus hooꞌenne bubeꞌ ꞌudustlꞌus ookꞌehooguz-un, ꞌet tsꞌiyawh lhawhúdutanelh.” ꞋEt ꞌawet higha hodulꞌehne, tsꞌiyawh highu whetsélhdil.

Mark 14:36

ꞋUBá, nyun za tsꞌiyantsuk nkꞌúneꞌ whutꞌen. Ndi dzoh nutiszut-un sba hooloh nahoolhtsi, ꞌet hoontsꞌi si hukwaꞌ nuszun íloh, nyun hukwaꞌ ninzun hukwꞌunꞌa ꞌet ꞌuhóneh.”

Luke 12:50

ꞋEt hoontsꞌi be dune too be ꞌulꞌen-i be too beꞌ tiznelh hubaꞌ hoontꞌoh. ꞋEt lhaoodutanelh whutsꞌun ꞌet huwa tube tsꞌodi be tewhéndunilne.

Luke 22:42

ꞋEt ndutni, “ꞋUBá hukwaꞌ ninzun de, ndi be dzoh nutiszut-i sghu nahoolhchoot. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun kꞌunꞌa ꞌuhóneh!”

John 18:11

ꞋEt Jesus Peter uyúlhni, “Nyoo saluzti oozus be naíntih. ꞋAlhaꞌ iloh lakw ndi lubot be dzoh nudeh-i, sBá stlꞌa yánkai-i, ꞌulhtuzisnel?”

Romans 8:26

Lhawh hukwꞌunꞌa ꞌaw lhtsꞌílhtus. Ndoni nela ꞌutꞌen. ꞋAw whuloh te ndet huba tenazdutidlí-un ꞌaw tꞌétsꞌonúszun. ꞋEt hoontsꞌi Ndoni neba tedudli, khun dutso leꞌ ꞌutni, khuni ꞌaw be yaóoduk ꞌaitꞌoh, ꞌi be neba tenadudli, ꞌet whe nela ꞌutꞌen.

James 4:3

Yakꞌusda ooka yoodulhkut ꞌet hoontsꞌi ꞌaw nohghá yoꞌalh ꞌaitꞌoh. Hoontsiꞌ hukwꞌunꞌa ooka yoodulhkut. ꞋAntsꞌi nohnihchꞌoh nohba hoonzoo hukwaꞌ nahzun te, bé neꞌtihtꞌen, ꞌet huwa ꞌaw nohghá yoꞌalh ꞌaitꞌoh.