Matthew 20:21 - Yak'usda Ooghuni

²¹ ꞋEt Jesus yulhni, “Ndet stsꞌo hukwaꞌ ninzun?” Tsꞌeke ꞌutni, “Ntsꞌe whulerwe inli-un, ndunne nane suzkeh, ꞌilhoghun nailhni tsꞌunkꞌus tidalh ꞌinkꞌez ꞌilhoghun ꞌintlꞌus tsꞌunkꞌus tidalh, sgha óoninꞌai.”

Matthew 20:21 Iomraidhean Croise

Matthew 18:1

ꞋEt ꞌoh daꞌ za Jesus yugha hodulꞌehne, highu nindil ꞌinkꞌez huyoodulhkut, “Yakꞌuz whulerwe dilhtsꞌine mbe suba kꞌus díztiꞌ?”

Matthew 19:28

Jesus ndúbulhni, “Tsꞌihꞌun unꞌa nohdusni, ntsꞌoya hoozulh whe tsꞌiyaitsuk ꞌandidi-i natidleh, ꞌoh whuya hoozulh whe Yinka Dune Yeꞌ, yukwꞌutsꞌuzda cho diztiꞌ-i, ꞌi yukꞌetlꞌa dutadalh. ꞋEt nohni suntizdil inleꞌne, nohni cha whunizyai ꞌon ꞌat nanki kwꞌutsꞌuzda-i dune buba nahutiyeh ha, ꞌet dutálhtsꞌilh. ꞋEt Israel ootsꞌu haindene, whunizyat ꞌon ꞌat nane lhelhdoh didowhne, ꞌenne buba nahutihyeh.

Matthew 20:22

ꞋEt Jesus njan ndutni, “Ndet hukwa oodilhkut-un ꞌaw tꞌeoonuzinzun. Ndi lubot ꞌawet beꞌ tisnelh-i, nohni cha beꞌ tihnelh nahzun eh? ꞋInkꞌez dune be too be ꞌulꞌen-i, ꞌi be ꞌusotilelh. Nohni cha whuz unꞌa za eh too beꞌ tilhnelh?” ꞋEt ꞌuhúyulhni, “A, ꞌet la ndutsꞌóoneh!”

Matthew 20:32

ꞋEt Jesus lhgha neninya ꞌinkꞌez ꞌubulhni, “Diz áhꞌus. Ndet nohba ꞌuwhutisdlelh hukwaꞌ nahzun?”

Mark 10:51

Jesus yoodulhkut, “Ndet mbaꞌ whutisdlelh stsꞌu hukwaꞌ ninzun?” “Nehodulhꞌeh-un doo cha hoosꞌen naoosdleh,” yúlhni.

Mark 16:19

ꞋEt hukwꞌelhꞌaz Jesus neMoodihti dune bubulh yálhduk ꞌetsul ꞌudíja whe, ꞌet yakꞌuz whenája ꞌinkꞌez Yakꞌusda ooghu naílhni tsꞌunkꞌus nátlꞌa didaꞌ.

Mark 6:22

Herodias ootseꞌ danínya ꞌinkꞌez buba nidai. Herod ꞌinkꞌez ooghu nusjáne tubulh buba hoonzoo. ꞋEt Lerwe Herod tsꞌeke uyúlhni, “Ndai stsꞌo ookaꞌ dini, ꞌi ngha tísdlelh,” yúlhni.

Luke 18:41

“Ndet mba ꞌuwhutisdlelh hukwaꞌ ninzun?” “Moodihti hoosꞌen silhtsi!” ni.

Luke 19:11

ꞋEt njan hidantsꞌo whe ꞌuyoo khuni be whútsꞌodulꞌeh-i be bubulh yawhénilhduk. Jerusalem whenghoh hidulh ꞌinkꞌez ꞌuhuninzun ndet Yakꞌusda whe lerwe unli-un, ꞌawet ꞌaho whe óodutaltsilh huninzun.

Luke 22:24

ꞋEt didutchꞌoh lhdulhyoh ꞌuhudutni kꞌus mbe suba ꞌukꞌenus ꞌuntꞌoh-un ooleꞌ?

John 15:7

ꞋEt si syódulhtsꞌi ꞌinkꞌez sghuni nohyo dizꞌai de, ꞌet ndet hukwaꞌ nahzun-un, ꞌet tsꞌiyawh nohba ꞌet nduwhutanelh.

Acts 1:6

ꞋEt huwa whelꞌaꞌne Jesus te ꞌilhunahosdil whe ꞌet Jesus huyoodulhkut, “NeMoodihti, ꞌawet eh whusahónzut Israel ootsꞌu hainzutne doo cha za buyun kꞌut butlꞌa naootanꞌalh?”

Romans 12:10

Ntsꞌenꞌa lhulhutsinke lhkꞌehusiꞌ, ꞌet whuz unꞌa soo tsꞌihꞌun unꞌa lhkꞌehsiꞌ. Tsꞌihꞌun unꞌa néꞌlhoolhꞌen nohgha whúltsꞌuk totsuk.

Romans 8:34

Mbe ꞌudutinelh hoontsiꞌ kꞌunꞌa neba nahutiyeh? Gak! Christ ꞌen ꞌuja neba dazsai. ꞋAw ꞌet za íloh, ꞌen dunadija ꞌinkꞌez Yakꞌusda naílhni tsꞌe yughusda ꞌinkꞌez neba tenadudli.

Colossians 3:1

ꞋEt huwa Christ ꞌen bulh dunadahdil de, ꞌet ndo Yakꞌuz tsꞌe dahoontꞌoh la ꞌet za hukwaꞌ ꞌuntihzilh. ꞋEt Christ Yakꞌusda nailhni tsꞌunkꞌus usda.